إذا لم ننتخب المواطن عمر احمد البشير من ننتخب

اخي بدر الاحزاب التي اعطتنا السودان الكيان انتهى عهدها بانقراض عباقرتها وما يوجد منها الان هي مجرد اطلال لتلك الاحزاب
فلايمكننا ان نغني للماضي وامامنا المستقبل فكر جديد وطرح جديد وقد كرمنا تلك الاحزاب واخر تكريم لها كان في الديمقراطية السابقة يتجادلون في البرلمان والمخازن خاوية الكرمك يتربع عليها المتمردون والامن مليشيات مسلحة تنتظر اوامر الاتحرك من قادة احزابها ولو لا عناية الله وحضور الانقاذ لمزقتنا الحروب الاهلية .

يجماعة الاحزاب دي فكر ولا حاجة تانية ؟؟
يا فكر ،،
او
حاجة تانية ،،
طيب لو كانت فكر
يبقى موت مفكريـها لا يعني موت الفكرة أو الأفكار
ولو حاجة تانية
ببقى الأمامنا الآن دا ما فكر
يكون شنو
ناس ماسكين السلطة ساي
ولو ديل إنتهوا ففي هذه الحالة نقول الله يرحمهم ويغفر ليهم
ونشوف غيرهم
بالله دا كلام دا ؟؟

حاجة تانية ،،
حكاية إننا الآن أمام فكر جديد ،،
وطرح جديد ،،
وقربنا نسمع عيد سعيد ،،
وعمر مديد ،،
ماعليـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــنا
طيب الفكر الجديد منظرو شنو ؟؟
والنظرو منو ؟؟
إلا إذا الفكر الجديد دي بتعني موديل 2010
ولا ياهو ذاتو موديل 1989
ولا موديل 2010 مركبين ليهو مكنة 1989

غايتو كان دا المستقبل ،،
ما أظن يكون عندنا إعتراض على حكم الله
وانا من الان ساردد
هي لله
هي لله
ونعم للسلطة ونعم للجاه
وفي جاه الملوك نلوك
ومافي داعي يابدر
ناكل تورنا وندي زولنا
نخلي ارض زولنا تاكلنا
وببقى باطن الارض
خير من ظاهرها

أما ثالثة الأثافي ،،
فقد كانت بحق قصة المتمردين الذين يسيطرون على الكرمك !!!
من هم المتمردون ،،
الدكتور جون قرنق ،،
سيلفا كير ،،
باقان أموم ،،
ياسر عرمان ،،
دينق ألور ،،
أكان ديل المعنيين ولاشك في ذلك ..................................................
فديل قالو الكرمك أقل بكتير جداً من طموحاتـهم وضغطوا ناس الخرطوم في نيفاشا لمن جابو الزيت ،،
الزيت البدور العربات كان بنزين كان جازولين ،،
وقعدوا في نص او قلب الخرطوم ،،
مش ضيوف كلا ،،
حكام عيني عينك ،،
وفيهم من تولى منصب النائب الأول لرئيس الجمهورية ،،
ووزير الخارجية ،،
يعني بدل الكرمك المساحتا قدر جزيرة الفيل مدني ،،
أخدو كرش الفيل ذاتو ،،
القصر الجمهوري شخصياً ،،

Badr Abbas كتب:

أبو رائد اليوم في 5:30 pm

.الأخ محمد دفع الله ....

منقول عن كتابتك ..
ولا ادري اخي ابو رائد ما هو وجه الشبه بين اعدام 28 ضابط سوداني من قبل النظام السوداني / واستشهاد الشفيع الحلاوي السوداني بيد (مرتزقة) غير سودانيين ؟

من الذي جاء بالمرتزقة الي السودان .... ؟ أليست الأحزاب المشؤومة بتمويل ليبي.

حقا ابو رائد ترديد كلمة مرتزقة مرتين فى هذا الرد على مواطنين سودانيون شئ مخجل بجد ويدل على تأثرك وتسليم عقلك (الذى ميزك به الله من مخلوقاته الاخرى ) للاعلام الشمولى وهذا مؤسف اوصيك با ن لا تسلم عقلك للاخرين ليفكروا لك وتسلم برائهم .

والاحزاب التى تنعتها بالشؤوم هى من اعطتك كيان ووطن اسمه السودان من غير ان تريق نقطة دم واحدة من شعبها ونصيحة اخيرة ثقف نفسك بنفسك ولا تعتمد على الثقافة الشمولية المعلبة فهى سرطان مدمر لخلايا المخ

الأخ بدر ........... تحاتي ...........
بستغرب من هذا الرد وكأننا لا نعرف بواطن الامور ........... المرتزقة الذين أقصدهم الذين هجموا على البلاد بدعم ليبي لغيروا نظام الحكم في السودان بجنود ليس بالسودانيين واظنك تعلم تماما من هم ( أستثني منهم فقط الأتحاد الديمقراطي ... لانه السيد محمد عثمان الميرغني كان له دور مشرف عندما وجدهم مجتمعين لضرب السودان وقال لهم ما تقومون به لن ينساه لكم السودان ) وأرجع الي مصادرك وتأكد من الحقائق ...
ولم يكن تفكيري مربوط بالإعلام الشمولى الذي تتحدث عنه ( وانا لست من الذين يقال لهم خالف تذكر )

واتمني ان نحافظ على ألفاظنا حتي لا ينحو الامر ... مناحي اخري ...
ودمت

يامحبوب
حتى الفكر الكان مطروح من الاموات بختلف عن فكر الاحياء الشعبية العايشه حالياً
وهم حزبين الاتحادي والامة وجربناهم في الديمقراطية الاخيرة وجلسات البرلمان كانت متلفزة كلها حيث ان وينبقي لغاية ماجاهم البشير يوم الجمعة المباركة . وريني بس استفدنا شنو نحن منهم فاذا هنا اختفت فكرية الاحزاب وبقية الفردية
والمتمردين البتقول عليهم هم الانضغطو وقعده في اشلله وقالو تعال ياسلام وكان لي ياسر عرمان بقى سياسي بالصدفة وهو هرب من السودان ماله زمان مش في قضية جنائية
نعم هنالك اخفاقات بالانقاذ ولكن هنالك انجازات كبيرة تغطي على هذه الاخفاقات
واخيرا الانقاذ نفسها تم تنظيفه فكانت الشراكة مع الترابي وتم تاديبه وعزله واعوانه من الحكم واعتقد دا شي معروف لديكم ومع ذلك تضمون الترابي للحكم
اسي الليه انت قاعد تطوف العالم كله بالنت والاتصالات والمواصلات وكل شي متوفر وراقد والبقالات رفاهية عشان لم تنزل اجازة ماتشعر بالفرق بين بقالات الامارات والصداقة متروسه ترس جبن والبان ولحوم ومهلة شديدة وين دا كان زمن الاحزاب دا غير طرمبات البنزين كمان بقت باللتر عليك الله في مهلة اكتر من دي والبشير حبيبنا وبنديه وانتو ادو العاوزين تدوه حرين لكن نحن ناس البشير كتاااار وبنفوزه وتاني من جديد بتشوفوه اقعد اعرض واقدل ماسيد بلد عاد جاكم بالقوة وعمل شخيت قاليكم تعالوا نشوفه بالحسنة وبرضو طلع هو وحانرجع تاني بعد الانتخابات وتشغلو اسطوانة التزوير وما ادراك ما التزوير ونقطة سطر جديد . وتاني ريده وكمان جديدة

يا ناس انتو المنطقة الشرقية دي فيـها بربور ؟؟
الخائف يكلمني في الخاص

المحبوب أحمد الأمين كتب:

يا أبا رائد

كيف الحال

اولاً الاعلام الشمولي القالو بدر لحد اليوم بقول ناس الاحزاب جابو المرتزقة

فإذا انت قلت جابو مرتزقة ورينا استندت على شنو لانو البينة على من إدعى

وكان كنت معتمد على ما كان يردده الاعلام الشمولي تكون واطاتك اصبحت

وكان عندك الشواهد بدر اياهو الشارب من البحر

يلا أرحكاكا

المحبوب .......
سنة 1976 الذين هاجموا الخرطوم 70% منهم تشاديين تم إستقطابهم عن طريق الاحزاب بتمويل ليبي والأحداث دي ليس بعيدة والان المعارض ( حركة العدل والماسواة أيضاً جاءات بالتشاديين واظنك شفتهم في التلفزيون .
وانا ما من الذين يرددون الشعارت والاغاني وينجروا وراء الصالح والطالح .

و أرح

معذرة اخوتي الاكارم للانقطاع .. .بالامس كنت مريض وبراقب في التلفزيون ..............

شفت حب الشعب السوداني لعمر البشير والكل حوله يدعمونه ...........................


تعرف يا المحبوب ...

لو سلمنا جدلاً بان الانقاذ ناسها غنوا واكلواوشربوا وغسلوا أياديهم وحلوا وشربوا الشاي خلال ال 20 سنة الماضية وإمتلكوا كل الأرضي في الخرطوم ونواصي الشوراع وكل المباني الجديدة الزجاجية أصبحت تتبع لهم ....

خلينا معاهم تاني 20 سنة يشتغلوا للبلد ويجيبوا لينا لبن الطير ... لكن نجيب ناس تاني عشان يردموا النيل ويبنوا فيه وياكلوا تاني من جديد الشعب لن يسمح بذلك ...
وخلينا مع الجن التعرفه اخير من الجن المابتعرفوا ... ولا شنو ؟

المحبوب .............. جمهورية مصر العربية بها اكثر من 80 مليون نسمة

والخيرات التي نمتلكها لا يمتلكون ربعها ... لكن هم بيختلفوا منا ،،، شعب عملي ... يحب مصر بشكل مخيف ... نحن الاحزاب حزبتنا في كيف نسقط الحزب التاني لم تعلمنا الوطنية والانتماء للوطن .....

خلونا نعمل معاً من اجل هذا البلد الجميل .............. وخلينا نترك قالوا وفعلوا للخالق ... البهمنا الأن الســــــــــــــــــــــــــودان لانه عانى كثيراً وواجب أولاده زي ما اعطاهم هوية ان يعملوا له ..........

في الكورة مهزومين ، على المستوي العالمي بقينا أضحوكة ، تخيل دولة قطر تحل مشكلة السودان المساحة الحصاحيصا اكبر منها ، في دول الاغتراب بقينا نصنف مع البنقالة وبقية الشعوب الضعيفة .........
اليست المعارضة هي التي جرتنا الي هذا الوضع المذري وذهبت بكينونتنا ، اخي الفاضل السوداني اصبح اضحوكة بين الشعوب وشفت المصريين لما تعرضوا للأعتداء في السودان قالوا شنو عننا ؟
نعم لازم تكون معارضة ، ولكن معارضة بناءه من داخل السودان تكون مرآة للشعب والحكومة تنبه بالخطوط الحمراء ومناطق الخطر معارضة تعمل من اجل السودان وليس ضد السودان .

ولا شنو ؟

تعرف يا المحبوب ................

يوم 04 اكتوبر كنت في رحلة عمل في أسبانيا ........... وذهبت بعدها الي مدينة إسمها زلامسي في النمسا وعشان أمشي المدينة دي ركبت سيارة من مطار ميونخ الي هذه المدينة المسافة ساعتان ونصف كان في إستقبالي شابه ظريفة جداً من الشركة التي نتعامل معها في المطار وركبنا لسيارة معاً ومنذ ان عرفت اني سوداني أصبحت تتلكم عن السودان وجدها تعرف مدن في السودان أنا لم أزرها ووتكلم عن مواقع في السودان بها ذهب وبرتول وخيرات شئ سمعت به وشئ لم أسمع به .
قالت لي انتو شعب محظوظ جداً عندكم كل خيرات الدنيا ، وامها الماء ، ولكن ما من مصلحة امركيا وأوربا تستقروا ، لازم تكون في إنشقاقات ومشاكل في البلد وكلما تنتهي مشكلة تبدا مشكلة جديدة ( هذا هو السودان وكيف الغرب يفكر له ) .
البحصل من قبل والان كله مخطط له ....

سلامات للجميع
كثيرين من الاخوة يتحدثون عن الاحزاب وسؤاتها وينسون ان حكومة الانقاذ/ جاءت من صلب حزب الجبهة الاسلامية والان هي حزب المؤتمر الوطني
حزب حكم بفوهه البندقية
حزب مارس ابشع انواع التنكيل بمعارضيه
حزب شمولي انقلب علي مؤسسه (الترابي) واذاقه العذاب عندما اختلف معه--- هل مثل هؤلاء يمكن ان نثق بهم ؟

كمال الجمل كتب:

سلامات للجميع
كثيرين من الاخوة يتحدثون عن الاحزاب وسؤاتها وينسون ان حكومة الانقاذ/ جاءت من صلب حزب الجبهة الاسلامية والان هي حزب المؤتمر الوطني
حزب حكم بفوهه البندقية
حزب مارس ابشع انواع التنكيل بمعارضيه
حزب شمولي انقلب علي مؤسسه (الترابي) واذاقه العذاب عندما اختلف معه--- هل مثل هؤلاء يمكن ان نثق بهم ؟

الاخ الحبيب كمال الجمل ... التحية والتقدير لك ... أشكرك على المرور والتعليق

الهجوم على حزب واحد ليس انصاف اخ كمال فكل الاحزاب لطخت ايديها بدماء الشعب السوداني كل الاحزاب تلاعبت واكل قوت الشعب السوداني وعلموا اولادهم وبنوا الفلل والعمائر بعرق الشعب السوداني .
كل الأحزاب بلإستثناء ....
لماذ ا انقلب على التربي ؟

الأخوة الاكارم ...

ترقبوا لقاء السيد/ رئيس الجمهورية عمر حسن احمد البشير في قناة النيل يوم الأربعاء الساعة 9:15 مساء في برنامج حتي تتكلم الصورة

أبو رائد كتب:

الرائع راشد ...........

اشكرك على المرور والتعليق ، الملاحظ ان الهجوم ضد حزب واحد هو المؤتمر الموطني لماذا لم نتناول مساوي حكم الاحزاب ( حزب الامة ، الاتحاد الديمقراطي ، الشيوعي ) تركز غير مسبق على المؤتمر الموطني .
اخي الكريم ان تعلم كل العلم بانني ليس مؤتمر وطني حتي لا يظن البعض باني متحيز لفئة ولكن المنتدي الأن أصبح اداء من ادوات الانتخابات أصبح ملصقة نكتب فيها شعارات العداء

شكرا الاخ ابو رائد لكلامك الجميل وفعلا هل الاحزاب او الحكومات السابقة ما عندها مساؤي وفعلا من يستحق الرياسة اكثر من عمر البشير فهو احق من غيره بما قدمه للسودان

شــــــــــــــــــــــــــــــــــــــــــــــــــــــــــــــــــــاهدوا اليوم قناة النيل الساعة 9:15 برنامج حتي تتكتمل صورة

الاخ الغالي قرشي شكرا لتواضعك والمرور على القسم السياسي

الاخ رائع ............ قرشي و أبو عثمان ........... أشكركم على المرور والتعليق ............

تعالوا نشاهد اليوم البرنامج ونتحدث غداً عن اللقاء ....

حفظك الله يا بشير ...

الأخ محمد دفع الله ..................

أشكرك على المرور والتعليق ................

نسأل الله ان يفوز البشير .............. ونحن وضعنا ثقتنا بلله ثم به ...وسألنا الله ان يولي علينا خيارنا ... و إذا فاز تكون هذه أرادة الله ثم الشعب ... واظنك تابعت لقاءه في التلفزيون ... انه رجل سوداني بكل ما تعني هذه الكلمة لم يتجنى على احد ولم يسئ أو يجرح الي اي من الاحزاب كان يتكلم بكل تهذيب وطمانينة ....
تعرف او لا تعرف هذا الرجل له قطعت أرض في حي كافوري اتفق مع شركة ان تبني له بيتاَ خاصاً تخيل أن بيته توقف عن البنيان بسبب ان المساحة المبنية من البيت 350 متر ولم تكفي فلوسة ان يتابع تكلمة بناء البيت ويمكنك ان ترجع الي هذا الامر والبيت ما زال في مرحة التشيد منذ اكثر من سنة توقف البناء ............
وينتظر الان مكافئة ما بعد الخدمة بعد ان إستقال من القوات المسلحة للترشح لرئاسة الجهورية ليكمل بيته .
تخيل ..........................

أبو رائد كتب:

حفظك الله يا بشير ...

ابدا مروري من هذه الجمله وان شاءالله ربنا يحفظه ويحفظنا
ولاني ديني وتربتي مابسمحو لي بان ادعو عليه ومع ان في ناس كتيره
بتدعو عليه..
ح اترك كل شئ وراء ظهري ..
واحكي ليك قصه صغيره عن معاشي مشروع الجزيره سنه 2007 ومعاشي 2008ومنهم الوالد
ياسيدي الناس دي ليها سنوات من نزلت المعاش ولم يصرف لهم حقوق مابعد الخدمه الى الان
والبيوت الساكنين فيها اتباعت دون اذن حتى للناس اللي اتهيكلت 2009 مقابل مبلغ تافه واذيدك
علم اصاحب البيوت الان بطالبو بايجار للبيت من شهر 12 صاحب بيتنا جانا وقال عاوز قروش
ايجار اعتبارا من هذا الشهر بالجد انفصمت فيهو ماانو مامذنب قلت ليهو ابوي عندو في مشروع
الجزيره 7 مليون بدل ترحيل غيرحقوقو تقول لي ااجر وانت من الاول لي ترضى تشترى بيت مسكون
وتعلم انو فيهو عبدالله قسم الباري ومعاشى مااستلم حقوقو..
وهم حصرا 800 معاشى وانا شخصيا اثرت الموضوع وقلت نطلع نطالب بحقوقنا نساء ونقدم مزكره باسم
أسر معاشي مشروع الجزيره واتصلت بالسر عابدون وقال ماعندو حل المشروع مافيهو ولا قرش
قلت ليهو وجهنا نقدم المذكره لمنو قال مافي حد نحن قدمنا مذكره لوزير الماليه ماردا ولنائب الرئيس ماردا
مافي غير تشتكو...؟؟؟؟؟؟؟؟؟
تفتكر ال 800 معاشي بأسرهم ممكن يرشحوا عمر البشير..؟؟؟

الله يكون في عونك أختي الفاضلة رحاب ،،
ويكون في عون المعاشيين وأسرهم ،،
الناس يا رحاب مغيبة تماماً فلو فاز المؤتمر في أي حتة نقبل ،،
ولكن أن يفوز في الجزيرة إلا يكون المشروع دا حق المؤتمر ورثه من أبوه النحن ما عارفنو !!
وشر البلية ما يخلينا نكتب من دون أن نعي
أو ننعي وما عارفين الميت