بكى محمد الامين في بتتعلم من الأيام ،، ومصيرنا في مُقبِلـها هل يُبكِينا ؟

هلووووووووووووو المحبوب.. تعرف بكى الصدفه
ليهو طعم خاص .. وده الحصل اليوم في اغنيه
بسمة و نظرة

من نظرة غيرو حالى
لاعايز انت تحن
ولاترحم حالى ليه ؟
انت ما تعطف على ياغزالى

حبيبتك يا حبيبى
عشان انت حبيبى
انت ، انت حياتى
هناى ونصيبى
حبيبتك لجمالك
فى حبك تعذيبى
حبيتك من بسمة
حبيتك من نظرة
يا الفيك آمالى
لاعاوز انت تحن ولاترحم حالى
ليه انت ما تعطف على ياغزالى ؟

ايامك ايامى
احلامك احلامى
فى ربيع الدنيا
دنياك الهامى
حبيتك بشعورى
حبيتك ياغرامى
عشقتك فى هيامى
رايتك فى منامى
يا الذوقك عالى
يا عايش فى خيالى
لاعاوز انت تحن ولاترحم حالى
ليه انت ماتعطف على ياغزالى ؟

ياتايه فى دلالك
فرحان بثمارك
ارحم عشاقك
قلبى انت فتنتو
اصبح من ازهارك
ارعى بعينيك
تقول لى يقول ليك
يافاتن ياغالى
لاعاوز انت تحن ولاترحم حالى ليه
انت ما تعطف على يا غزالى ؟

حبه يارائع أتمنى ان تكون كما أود..
ولك عافية النفس والجسم والروح..
تخريمة:
عند قرائتي لأسمي احسست بألم داخلي..
باين البوست فعليا للبكا..
لك ولاختي الحبيبه نهى قسم الباري أهدي
أغنيه سيد الاسم واكتر اغنيه ممكن ابكي
فيها لان من تحبها بعيده..

سيد الاسم
محبوبي وقتين يبتسم
الدنيا يا ناس تنقسم
الفرحة تملاها و تزغرد فيها و الشوق يبتسم
مرات اقول اديهو كلمة تزعلوا
حبة عزاب و كلام عتاب انا عارفو ما بتحملو
علشان اشوف خدو الحرير الدمعة جارية تبللو
لاكني قبال ابدا بي لحظات اقيف اتاملو
و الضحكة والنظرة الوديعة و دلو و اشراقو الحلو
انسى العتاب الكنت ناوي اقولو و ارجع منهزم
الدنيا يا ناس تنقسم

انا في العيون ابنيلو دارين من مودة و من منى
و بضموا في قليبي انبساط و محبه فياضة و هنا
لا ردت غيرو و لا هو راد زولا سواي ابدا انا
نظراتو كيفن اوصفه دي الفي عيونو مدونه
همساتو تحنان القماري الراجعة للعش و الجنا
بسماتو لو شفتوا البروق لحظة تشع ترشح سنا
و تضوي و الليل ينهزم
وكتين يبالغ و يبتسم
الدنيا يا ناس تنقسم
يوم جانا شايل خطانا الكايسنو راح
شايل الامل في عيونو و الحب و السماح
ارتحنا مما شفناهو و الليل استراح
لا دموع تاني تفصلوا لا هم لا جراح
ضحكن نجوموا و غننى قمرو معانا للصباح

رحوبه الجميله لك ودي واشواقي
انا الجابري ده عندي معاهو حاجات تانيه حامياني-وبهدي ليك وللمحبوب دمبجويتي دي -اقصد اغنيتي المفضله عند الجابري

والله يا استاذ المحبوب كلنا بكينا مع ود الامين

وتقول لي ان الحياة ستبتسم ؟
وغداً اراه يلوح لي وعلي جوانبه الم
الم ...... الم
قد شقني وغزا جميع مباهجي
واجتث مني بسمة كانت تراءي من عدم
الم .. الم ولما صرت ابكيه الالم
تغير الكون الكبير وصار يشكوني وكم
من مرة ابكي عيوني والظلم
ابكي حياتي والقلم ابكاه قلبي وانحرم
حتي تعودت الالم
لا أهوي شيئاً غير هم
لا ارثي شيئاً قد عدم
وانا كما يحلو الالم
الم ...... الم

ايما الوردة ولك كل الحب..
وياحبه وين انت؟ البوست ده ماببقى بلاك.
اظهر وبان..

حبينا وتحبينا

والله ورجعت تدق يا قلبي غريبة .. غريبة الحال معاك
والله وعرفت تحس يا قلبي بطيبة راميها زمان وراك
قدرت عليك بعنيها الحلوة .. ودبت فيها
من قبل حتى ما تعرفها بتغير عليها
وانت اللي كنت زمان حرمت تدق ولا تحس يا قلبي

فات اللي فات وداوينا الجرح وقلنا يا قلب توبا
حبينا وتحبينا وقلنا خلاص دي اخر نوبا
إيه اللي غير حالك .. وبترجع تدوب وتحب يا قلبي

سنين ومرت ولسا يا قلبي جراحنا مدوبانا
وعايزنا ننس في يوم وليلة ونغني الهوى جانا
والله زمان وأدينا هنرجع نشتكي من الحب يا قلبي

رحاب وايمان كيف الحال
انتهي من تنزيل باقي الصور وأكون معاكم ان شاء الله والتحية لكم

جميله ومستحيله كلمات محجوب محمد شريف:
ياجميله ومستحيله إنتي دايما زي سحابه الريح تعجل بي رحيله
عيوني في الدمعات وحيله أسمحيله تشوف عيونك أسمحيله
أناءلا الصبر قادرعليه ولا عندي حيله
حدثت عنك نجمه جاره
وزرعت إسمك حاره حاره
في مناديل العزارى
في مشاوير الحياري
في لحي الاشار كتبتو تحت صم الحجاره وبحت للشمس البتقدل في مداره يامراسي الشوق تعالى
لا الليالي تمر بدونك هي الليالي
من ضواحي الدنيا جيت وعلي رحالي
لمدائن في عيونك يا محالي
ريحيني أستري حالي
عيوني في الدمعات وحيله
أسمحيلها تشوف عيونك أسمحيلها
أناء لا الصبرقادرعلي ولا عندي حيله
وأنت منك لابدايه عرفت منك لا نهاية
مرة أسرح
ومرة أفرح
ومره تغلبني القرايه
ولما أكتبلك وداعا
قلبي ينزف في الدوايه
ياصبية الريح ورايا

ايمان ورحاب ومحمد فارس
تحايا عطرة
ما لقيت حاجة ارفع بيها البوست الا تحية سيد خليفة المحببة لشعوب الدنيا
ومن ضمنـها هذه الفتاة الصينية التي غنتـها على الخماسي الشجي الطريب

بكى محمد الامين في تلك الليلة
وأطلقت الدهشة العنان للدموع
فسالت لتغسل ما ران على القلوب الوجلة
قلوب ظلت تنبض بحب هذا البلد الأمين الذي إبتدعه الخالق في أحسن تقويم
فردده خلق من خلائق الله إلى أسفل سافلين
قلوب تخفق كفراشات حائرة تتحسس رحيق زهور زابلة بفعل محاولة وأد بوتقتها
بوتقة شكلـها فنانون مهرة بإبداعاتهم الثرة في بلد المليون ميل
وها نحن نعود القهقري ونعمل بجد وتفان لتفتيت هذه الوجدان
لا لسبب سوى التمكين لأهل هي لله هي لله
ولسوف يعلمون
كلا سوف يعلمون علم اليقين بان هذا الشعب عصي على مثلهم

صباحك خير اخ محبوب فى هذا الصباح الممطر بالشارقه ومع جمال هذا الجو سادخل فى البوست الجميل..
ابو عركى البخيت لديه اغنيه جميله كلما اسمعها تاثرنى كلماتها
فى عينك دنيا غريبه ..................
دنيا ملانه محنه وطيبه.................

مره تدفع ومره تجمع................
مره تاخد كل اعماقنا تابه تجيبه........
وان اتحيرته شلته الخطوه............
حتى الخطوه لما تشوف جمال عينيك..
تبده ترجعو وليك تتطلع...............
قصه صوره فى عينك حروفها رهيبه....
فصولها بتحكى للايام عيد ميلاد حبيب وحبيبه
تروى كلام مطابق ليك.......................
نابع اصلو من عينيك.........................
وسماح عينك عاد ياامينه.....................
ذيا ليها ماشفنا................................
فيها حديث جميل ورقيق......................
بيدى الناس جمال احساس اصيل وعريق وخاطرا يطيب
حلاوه لون جديد فى طابعو متفرد...............
وبى مضمون فريدوعميق ومتعدد..............
وديمه عليه متجدد.............................
وسماح عينك عاد ياامينه ذى ليها ماشفنا ......
لا فى الريل ولا انسان ولا الجدى السمح بالحيل
ولا الماس البيقولو عليه......................
سماح عينك عاد ياامينه ذى ليها ماشفنا........
سماح عينك اشيل وازيل شقى الايام..........
وارسم لينا لى قدام بكل حنان ازغرد لينا زين وعديل

أستاذي المحبوب لك التحيه ولك خالص الود وكميات من الاشواق.
قلت أرحل
كلمات التجاني سعيد:
قلت أرحل...
أسوق خطواتي من زولا نسي الالفه
اهوم ليل وأسافر ليل
واتوه من مرفا لي مرفا
أبدل ريد بعد ريدك عشان يمكن يكون أوفي
رحلت وجيت
وفي بعدك لقيت
كل ألارض منفي
عيونك زي سحابة صيف
تجافي بلاد
وتسقي بلاد
وزي فرح يشيل مني الشقا...ويزداد
وزي كلمات بتتأوه
تتوه لمن يجي الميعاد
وزي عيدا غشاني وفات
وعاد عم البلدأعياد
وزى فرح البعيد العاد
وزي وطنا وكت أشتاقله برحل ليه
من غير زاد
بدون عينيك بصبح زول بدون زكري
وبدون ميلاد
زمان الفرقه والتجريح
بسيــــــبو
عشان تشيله الريح
بسيــــبو
عشان صحيح الزكري بتوه عمرنا صحيح
وأصلو العمر شوقا كان
وحزنا كان
وصبرا كان...فسيح وفسيح
وأصلو العمر كان
دربا مشيتو كسيح
وكان غرسا سقيتو بكــــــــي
وقبضت ألريح.

حبه التحيات لك هذا المساء..


طريق حياتي مشيته قبلك في ليل طويل
لا قلب جمبي يحس بيا ولا طيف جميل
ولما شفتك اول ما شفتك بكل شوق الدنيا لقيتني
مشدود اليك
وفي كل حب الدنيا انا جيتك وجريت عليك

ناديت ناديت عالدنيا فحالها
والكل قلبي بدقته حس
يا دنيا حبي وحبي وحبي
ده العمر هو الحب وبس

المحبوب أحمد الأمين كتب:

عقلي انشغل بهواك
كلمات الشاعر / مصطفى بطران
غناء الفنان / الأمين برهان

عقلي انشغل بهواك والحكمه عيني
لاجه ومجافيه النوم يا اربعينى

هاك بعض حالي البى روقي اسمعيني
شاكى الغرام ما لقيت لي من معين
لو كان كلام في الطيف مره اسمعيني
خليني أصلى النار في هواك دعيني

فوق اللجارى على لا تجرديني
ثوب الغرام ودوام عنه انشدينى
طايع مريد لقساك باهل يدينى
ما اخترت غانيه سواك وحق ديني

مهما يلاقى عذاب قلبي السجيني
ومهما يزيد ويفيض همي ويجينى
لو كان يزور الطيف مره ويجينى
تلبس حظوظي السود ثوب اللجين

من يوم رماني سنان لحظك سنينى
محق على نومي ومحق سنينى
أصبحت كل صباح يزداد انينى
كالبلبل المفرود يا مي حنيني

مهما تكيلي غرامك ما بتفينى
فوق ما أطيق في الهجر تكلفيني
دائما تزيد علىّ دائي الدفينى
لمتين تراعى لحالي وتنصفيني

امتحنى قلبي في حبك جربيني
وبعدين بناراشواقــــك الهبينى
زيدي في جواك وصدودك اتعبينى
وحالف عليك بالحب ياجاهله بينى

لك الشكر الاستاذ الغالي المحبوب ولي اهلي في الصداقة التي لم اراها منز عشره سنوات
هذه من اجمل اغاني الحقيبه التي ترمنت بها في حياتي الفنية المتواضعه وكانت دايما افتتاحيت بها كل الحفلات لانها كانت تظهر كل ملكات موهبتي ودايما عند يطلب مني احد ان يسمع صوتي فكنت اترنم بها دايما
واتزكر عند اجازة صوتي كنت قد قدمتها مغ بعض الاغنيات من ما اعجبت رئيس لجنة اجازة الاصوات الاستاذ الشاعر سيف الدين الدسوقي وكان الامتحان بالمساء ولما عدت في الصباح وجت الاستاذ تارك لي مزكره في الرسيبشن يطلبني في مكتبه وهناك كانت المفاجئة بوجود عماقة الفن ينتظرون ليسمعوا الفتي القادم من سلالة مصطفي سيد احمدوهم برعي والعاقب محمد الحسن وبشير عباس وعثمان مصطفي وطلب منهم سيف الدسوقي سماع هذا الصوت وغنيت غزال البر يا راحل وعقلي انشغل بي هواك اكثر من خمسه مرات كل ما ياتي احد لمكتي الدسوقي وهو كان مدير اذاعة وادي النيل يقولي غني عقلي انشغل بي هواك وكلم لنا المزيع عمر عثمان وسجلتعا في بالاذاعه السودانيه وكان معنا الخال الكاتي حمدنا الله عبد القادر
وطلبو مني ان اتي للجنه بالحان جديده لكي اصبح فنان بتلك الاغميه الجميله فلك الشكر زكرتنا ايم جميله وفعلا بنتعلم من الايام.

الاخ المحبوب والخوان الاعزاء المشاركين فى هذا البوست
بعد الاحترام
انا من اشد المعجبين بهذا البوست فهو ملاذى عندما يشتد بى الضيق ولكن منذ فتره توقفتم عن الكتابه فيه فماهو السبب ياترى ؟
الرجاء المواصله مع شكرى

الغاليه اميمه صدقتي والله البوست ده مهم جدا والواحد بتنفس
فيه ..
ولك وللجميع ..

بختي
كلمات محجوب شريف

في اللحظة ديك والتو........ لحظة الميلاد
كنت ومضة ضؤ
فرهدت بيك فرهيد .... وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي .. انت بتي .. امي واختي.. همي شيلي .. شيلي مني.. مني ختي

إتي

بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة

قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا ...بتوصلنا
وتحصلنا ...تفك الحيرة
ما بتتعنت وما بتتصنت
ما بتاوق في حق غيرا

رحوبه....
الرائعون ياتون بالروائع وانتى منهم شكرا لى استجابتك...

المحبوب أحمد الأمين كتب:

اميمة كيفك
ونشكرك على رفعك للبوست
ونهديك هذه الاستجمامة البسيطة واللطيفة في تمام الوقت



كنت وين لما العيون زرفن دموعن في رجاك
لما الدمع ابى ما يقيف من نور جفاك ونيران قساك
لكن خلاص راح الحبيب العمرو ما خيب رجاك
الرحت خليتم وراك لف الزمن وخلاص نساك

الحاله صعبه علينا
صعبه علينا
صعبه علينا

ايمان الحاج كتب:

المحبوب أحمد الأمين كتب:

اميمة كيفك
ونشكرك على رفعك للبوست
ونهديك هذه الاستجمامة البسيطة واللطيفة في تمام الوقت



كنت وين لما العيون زرفن دموعن في رجاك
لما الدمع ابى ما يقيف من نور جفاك ونيران قساك
لكن خلاص راح الحبيب العمرو ما خيب رجاك
الرحت خليتم وراك لف الزمن وخلاص نساك

الحاله صعبه علينا
صعبه علينا
صعبه علينا

كر علينا والله

كما عهدناك....
شكرا كتير اخ محبوب...

لو أحبك أنا عمري كلو
برضو شاعر ما كفاني
انت فاكر بالعواطف
ظاهرة في روحي وكياني
والمحبة البين ضلوعي
خايفه برويها بحناني
المساهر بالي فيها
وان نسيت كانت أماني
مشتريها بي شبابي
والشباب ما بجيني تاني

بين شفايفك ابتسامة
زي قمر ضوى في حياتي
وكل بسمة بتثير شجوني
وما في زول يرحم شتاتي
لما تحكي الشوق عينيّ
أو تعاتبك اغنياتي
بكلمة حلوة من لساني
فيها اجمل ذكرياتي
بس بنظرة بترد عليّ
من بعيد تلهم سكاتي

كن مجامل يا حبيبي
ويكفي أنك تصطفيني
عشي خاوي من ليالي
والمهاد بشهد أنيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيهو صفحة جبيني
متين تعود أيام هنايا
وتاني ترجع تصطفيني

الاغانى السودانية للعمالقة الكبار تدفر دموعك دفر ونحنو السودانيون نعشق الحزن ولهذا اكتر شعب نقدس السعادة والفرح.
فلمن تسمع الفنان محمد وردى يقول.
بالله ياطير قبل ماتشرب تمر
على بيت صغير من شباكو من بابو
بتلقاه حبيبة بتعمل فى
منديل حرير لحبيب بعيد.
وايضا قصيدة الرائع التجانى حاج موسى.
امى الله يسلمك
يديك لى طول العمر
فى الدنيا يوم ماياليم.
وايضا الفنان محمد جبارة:
امى رسلى لى عفوك ينحينى من جور الزمان.
والقامة عثمان حسين.
لا وحبك
وهذة نماذج فقط.
اما الاغانى الوطنية:
انابلدى بلد الخير والطيبة
انا افريقى وانا سودانى.
******************
وابوى يافارس الحوبة
***************
فاتحدا من يبكى فى هذة الاغانى .