وردة فى الصباح..وياسمينة للمساء(واحة الشعر)

هل مرَّك ما مرَّني من الأحاسيس ؟!

هل شعرتـ يومًا بـ ذل الإحتياج لمن ولاَّك ظهره ؟!
هل فقدت يومًا قدرتك على البكاء من شدَّة ما بكيت ؟!
هل تساقطت ندمًا وأنت تسترجع ذكرياتك معهم ؟!
هل إنكسرت وأنت تُحصي عدد من خذلك ؟!
هل تلعثمت وأنت تشرح لهم حكاية وفاءك و خيانتهم ؟!
هل إنشطرت نصفين ، نصف متضِّخم بالجنون و الآخر بالعقل ؟!
هل لجمك إحساس عظيم بالخوف من ما قد يأتي بعد ؟!
هل لازمتك الغصَّة ؟!
هل إلتصقتـ بك العبرة ؟!
هل إحترقتـ بـ نار الصبر ؟!

هل ..

إنطفئ
بك العمر ؟!

لا ..

تموتــــ
؟!
يعني بـ قهر ؟!
بـ غربة وضياع ؟!
بـ ظلم القدر ؟!
بـ قلوب كفَّنها الوداع ..

ودِّك ..
ع ـواطفنا ..
تعيشـــ

أنتـــ
لم تكن رهانًا ..
أكسبك أو أخسرك ..
ولا حصادًا ..
أجمعه وأنتهي ..
لم تكن جرحًا ..
يلتئم وأُشفى ..
ولا كفنًا ..
أتلحفه و أموتــ ..
كنتــ
وطني من وطني ..
عالمي من عالمي ..
إحساسي من إحساسي ..
دنياي من دنياي ..
مشاعري من مشاعري ..
منفاي من منفاي ..
!
أبتلع جمرات القهر ..

و ..

أصمتـــ

لأن كل الكلمات إذا ما خرجت الآن من فمي ،

ستوقد نيران الذُل

و ..

أسقط

لماذا

لماذا دائمًا ..
في الوقت الذي أنتظرك أنت به ،
يأتي غيرك ..
و لا تأتي !

لماذا دائمًا ..
أشتعل هنا في جحيم الوحدة ..
ويطفئ بعضي / بعضي ..
وأنا أنتظرك !

لماذا دائمًا ..
ترحل عندما أكون في أمس الحاجة لك ..
وتأتي عندما تكون في أمس الحاجة لي !

لماذا دائمًا ..
أبقى أنتظرك ..
أحمل بيدي وردي لك ..
أنتظر .. وأنتظر .. وأنتظر ..
يجف وردي ..
أموتــ ،
ولا ألمحك !

لماذا دائمًا ..
أحترق ولا أتكلم ..
أذبل ولا أشتكي ..
أنكسر ولا أتذمر ..
أموت ولا أُحتضر !

لماذا دائمًا ..
أكون ..
ولا أكون ..
أكون ..
ولا أكون ..
أكون ..
ولا أكون

يستطيعون وأد الأحلام..
ولكنهم لن ينتزعُوا ..

الأملـــ
!
يرتجف ضلعي بردًا ..

ولكن خيرٌ لي :
أن أموتـ متجمدَّة ..
من أن أسألك الدفـــء !
كيفـــ
تُحلِّق الفراشاتــ حُول إمرأة جُل ما تُجيدهـ هُو ..
الإنطفاء

أنتــ ضميرٌ مستتر تقديرهـ :
أنا
الاهداء الى الكل

وكِتين تجى
يَرقُص ويميل بابنا الكبير تحت الشمس
النِيّم يَفُوح يِصبِح وَرِد
والبيت يِنُور جيرو ويهش
تُمتُم خُطاك شَدَه العَتَب
وسوى العَجَب
خَلّى الجريد فوق السَّقِف
خَدّر وطال كَسّا العرش
وخلّى النّجم لينا أنبرش
وحَرَن القمر
اقسم يمين ما يغيب ويِمِ
وكتيت تجى
القاكى دَارِع فوقى شال
مشغول بجدلت الحرير
والعِمّه كيف
والمكوه سيف
وقليبى ليك عند السلام
القاهو بس داير يطير
واكرم مَجِيك
أسقِيك قصايدى الفيك عصير
واجلِد دلاليك الفرح
من الصباح لاَ عِن نسيمات العصير
وكتين تجى
شُبَاكنا يفرد ضلفتين
وحبوبه لى خالق الجمال
تتوضا تركع ركعتين
ودنيتنا تصبح دنيتين
وصغارنا ليك طابور شَرَف
تعظيم سلام ويمين شمال..وشمال يمين
والعيد يصل قبُل الميعاد
والخير يزيد......ويملا الايدين

هاشم صديق

هذا انا

--------------------------------------------------------------------------------

ادمنت احزاني
فصرت اخاف ان لا احزنا
وطعنت الافا من المرات
حتى صار يوجعني, بان لا اطعنا
ولعنت في كل اللغات..
وصار يقلقني بان لا العنا..
ولقد شنقت على جدار قصائدي
ووصيتي كانت..
بان لا ادفنا
وتشابهت كل البلاد.ز
فلا ارى نفسي هناك
ولا ارى نفسي هنا..
وتشابهت كل النساء
فجسم مريم بالظلام.. كما منى..
ما كان شعري لعبة عبثية
او نزهة قمرية
اني اقول الشعر -سيدتي-
لاعرف من انا..
يا سادتي:
اني اسافر في قطار مدامعي
هل يركب الشعراء الا قطارات الضنى؟
اني افكر باختراع الماء..
ان الشعر يجعل كل حلم ممكنا
وانا افكر باختراع النهد..
حتى تطلع الصحراء, بعدي, (الميجنا)
ان صادروا وطن الطفولة من يدي
فلقد جعلت القصيدة موطنا..

يا سادتي:
ان السماء رحيبة جدا..
ولكن الصيارفة الذين تقاسموا ميراثنا..
وتقاسموا اوطاننا..
وتقاسموا اجسادنا..
لم يتركوا شبرا لنا..
يا سادتي:
قاتلت عصرا لا مثيل لقبحه
وفتحت جرح قبيلتي المتعفنا..
انا لست مكترثا
بكل الباعة المتجولين..
وكل كتاب البلاط..
وكل من جعلوا الكتاب حرفة
مثل الزنى..

يا سادتي
عفوا اذا اقلقتكم
انا لست مضطرا لاعلن توبتي
هذا انا..
هذا انا..
(نزار قباني )

أقراك مرّة .. صاح

أقراك مرّة صاح

عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق ..

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض

*******

طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح

*********

سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس

*******

ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

.. صبحت مناحاتك
عاطف خيرى

يُسمعني.. حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني
يتساقـطُ زخاتٍ.. زخات
يحملـني معـهُ.. يحملـني
لمسـاءٍ ورديِ الشُـرفـات
وأنا.. كالطفلـةِ في يـدهِ
كالريشةِ تحملها النسمـات
يحمـلُ لي سبعـةَ أقمـارٍ
بيديـهِ وحُزمـةَ أغنيـات
يهديني شمسـاً.. يهـديني
صيفاً.. وقطيـعَ سنونوَّات
يخـبرني.. أني تحفتـهُ
وأساوي آلافَ النجمات
و بأنـي كنـزٌ...
وبأني
أجملُ ما شاهدَ من لوحات
يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات
يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي.. إلا كلمات

نزار قباني

وردة وياسمينة هذا اليوم نضعها على قبر الراحل المقيم مصفى سيد احمد

ونرسل كل ماتغنى به للعزيز عبد المنعم سيد احمد

لك العزيزه فائزة ولعبد المنعم سيد احمد ولكل محبى مصطفى سيد احمد اهدى مرثية عبد العال السيد

بسمع صدى صوتك مزامير في عشيات
الشتا والريح سوافي
وأطرق على بابك أواخر الليل وألاقيك
إنت مافي
وأنشد على بابك حزين "عز المزار"
وكل السنين صارت منافي
وأهتف وأناديك في سديم الليل
يضيع حسي وهتافي
قمراً وقف مستني تال الليل
نهارات العصافير والقوافي
رجع الصدى وحس الرياح
مجنونة في الساحات تعربد
وإنت مافي
..غابت نهاراتك ولكن
لسة صوتك في العروق يا صاحبي ساكن
لسة صوتك يسري في كل الأماكن
"يا قمرة أقلبي السنسنه الحمرا
وشوفي ليه ما جاء"
لسع على أفق المدى ترجاك
"صبية" جراحا نازفة
لسة واقفة
تسأل عليك مجلس صحابك في الليالي
تسأل عناقيد الدوالي
تسأل عليك عصفور مرق ينفض
نعاس عينيهو من سهر الليالي
يا صاحبي لسع جراح الفرقة صاحية
وتر الغُنا المشدود ينوح
يسأل عليك في كل ناحية
كانت ليالي "الديم" فوانيس
والعمر مغسول صبابة
وكنا ما بشغلنا غير وتر
الغُنا وحرف الكتابة
يا صاحبي..يا ليتها الأيام تعود
أنا في منافي العمر ضيعت الوعود
يا صاحبي ..هطلت على
قبرك سحابات الخزامى
وناحت "على بابك" يمامة
وشرقت شموس ترسم على باب
النهارات إبتسامة

عبد العال السيد

مرثيه محمد طه القدال
في هذي المدينة الفاضلة
لبس الشعراء تيجان غار وهجوا
مع النشيد .. والبوح وغنوا للغُربة المتلتة
في الزمن المكان الروح
وما بين الرماد والنار
فضا الكلمات ومعناهم
بيمرقوا من هطيل النوح ومغناهم
يشقشق للحياة والموت
يغرد للمدائن الفاضلة جواهم
جزاير دوح
قدر يوتوبي
ترحل في مداين الناس ... مدينة
يندلق حسك حداهم
قطرة قطرة تعبي صوتك بى نداهم
مشدود وتر صوتك ربابة
مسنود عليك صوت الغلابة
مفرود من الزمن المفتق والمرتق بالرتابة
مولود مع الجدة المعتقة والمجرتقة بالرحابة
ينسدل من شدوهِ أنشاد المزامير
ينسمع في شجوهِ ترتيل الصحابة
زمن يوتوبي ترحل في العتامير
والمغاسل والغُنى المندلي من شطر السحابة
من عنا الأطفال وأولاد المسادير
السنينهم فوق جوازات العصافير
الحنينهم بحة الليل الطنابير
الحزينهم حزنه في الجوف المطامير
نبلهُ يطلع زي شعاع
لا ولولة لا شيل ندابة
(يامطر عز الحريق)
(كمّل الناقص وفرضو)
(يامشاوير الطريق)
شوفي لي حُّميد وأرضو
يا بلد ليلك غريق
طولو زي طولك .. وعرضو
إن ضلامك حر طليق
أو سلامك أهلو قِرضو
آه من هذا السليق
يشتري الراجل وعرضو
الفرج باقيلي ضيق
والصحاح العندي مرضو
كم إديريجاً حليق
شان يعيش بى دقنو برضو
يا مدد قشة غريق
)يامشاوير الطريق(
)ياوليدات الفريق(
لملموا الصابرين تعالوا
)رقصوا البنوت أعرضوا(
يا نخلة المقبول ظلالك
وأصلة الشموس بى حريرة
ومجدولة من طيب شمالك
مروية في عز الجزيرة
من همي همك سمالك
كسر همومي الجبيرة
لحن الوليد الرمالك
مشرق يجبر كسيرة
طينك مقالد رمالك
تحتك مياهك خريرة
شعرك جريدك حلالك نمة غُناه الضريرة
غنوة بتقرب منالك
رعشة جروفي الخضيرة
غنوة حبيباً شكالك
هجر البنية الأميرة
عند الترابلة القبالك
ضليلة صهد الهجيرة
يا نخلة السلفاب جمالك
في الناس غناوي المسيرة
لوجيدك الفارع بكالك
موّال دموعي العسيرة
أو نيلك السالك أمالك
جيهة المشاوير الحسيرة
أو قلبك المفجوع دنالك
روح الأناشيد المنيرة
شيليلي عِب وأمليلي شالك
من غناويهُ السميرة
شدي من صوتك حبالك
نشفي العرق الدميرة
قولي للجنيات سوالك
يا نخلة بس متكية مالك؟
بطنة سبايطك عضيرة؟
جدلة سبايبك ممالك
محصورة في فد ضفيرة؟
ولا السلام البدالك
سراب الأماني الكبيرة؟
لو صبري بيهدم جبالك
شن تبقى غير عيني الهميرة؟
قدر يوتوبي ترحل ياصديق
زمن يوتوبي ترحل في البريق
والمدينة الفاضلة نامت في العتامة
والعتامة تهاتي بالشعر الهيافة
والشعر متغطي بالكلمة السلامة
والسلام متداري في الولد الشليق
والوليد مندسّي في الحرف القيافة
والحروف الوردة تحلم بالرحيق
والحلم يتجاوز المعنى الرهافة
والمعاني تعاند الزمن الرحيل
والزمن يوتوبي يرحل في السحيق
والرحيل يوتوبي
ترحل ياصديق؟
الرحيل الشفتو للناس العلامة
الرحيل الشفتو للمتلك قيامة

مرثيه ازهرى محمد على
مدخل أول:
لمتين مِتْيمِّم شَطْر النيل
مُتوقِّي اليابسه ووْاَرد
متوكِّي الغُنيه عصا موسى
بِتْهِش في غيم الإلفة الشارد
مهدودة القُدرة وفترانة
حَرداَن الضُل البارد
بِتْوجِّل لى يوسف في البِير
يطْلَع من بَطن البير المارد!
مَدْخل ثانى:
فات الكان بدّينا إحساس بالإلفه
وكان راوينا
فات الباكي جَرِحنا وناسي جُرحو
ولافّي ورانا مدينه..مدينه
فات الصاحي ونحن نَغِطْ
في النومه السابعه
طالِق حِسِّو ولا حسيِّنا
حَتْحَتْ فينا غُناه الطاعِم
وفَاتْ قنعانْ من خيراً فينا
سلاماتْ يا زول يا رائع
سلاماتْ وعواّفي!
سلاماتْ يا خُلاصة الخير الفي الناس
وترياق الزمن المُتْعافي
سلاماتْ يا زول يا رائع
سلاماتْ وعَوَّافي
مُحاصَرْ فِيكْ
بسأل عن سكّه تطلِّع مِنَّك
أوسِكّه تودِّي عليكْ
بسأل عن مَخرج منّك وليكْ
زي نَهْر بينْبعُ
وما لاقي مَصَبْ
بِتْمدّد عِشقَكْ من أقصى ضواحي الروح
لي أقصى نواحي القلبْ
يتْكثّف بِسِعةْ إطلاق الرّب
وانا كنتَ بفلِّي القَلْب بسيرتَكْ
سمِّيتك حلاّب الغيم
من ضَرْع الجَدبْ
وظنيتَك مارستَ الفِعل السرِّي
وحَفّظت فحولة النيل
أيام الخِصب
ولمحتَك وأنتَ بِتتْمشّى
وترقّص في حَمَامَكْ
على حُمّة إيقاع الحرب
وتْكَلْكِلْ جِلد الكلمه الحافَّه
لَحبيبه بتفتَح مَجَرى الغُنا في الدَّم
وتَفلِّس بيان القلب
فيا بنوت الشارع الطاعِم
قُومَن َبْ!
قومَن للما قَصَّر
في غُناكنْ ضُمَّه
ولا إتْلوّم بِوراَكَنْ تبْ!
ولو تَبْقَى السِكّه الجايه ضهَب
وسلاماتْ يا زول يا رائع.
البارح عصفورتكْ
ركَّتْ في البال
رقَصَتْ
وأدَتْ عصفور الريد شبَّال
وطارتْ من قولة كَرْ
ما الزول النَهرَ العصفوره
بِحرِّض في كِلاب الحّر
لابسنى وداخِل في اللَحم الحي
راصد كلّ البِسْأل عَنْ حالي
حرَّش ضُلّي عليَّ
ونتّف زَغب الخاطره التَّخْطُر على بالي
ومَنَع العصفُوره تَحومْ
إستْجوّب كل الناس البِجُو في النوم
ما تْقومْ
يا زول يا رائع ومهمومْ
يا مضيّع ضَيْ عيني وراكْ
واقف
حاحاي للنوم.
يا مْستّف رئةَ الدنيا شهيق
ومُشحتِف روح الخرطوم
كيف حال يا أبوي
كيف حال يا خال
وتعالْ!
إتْفَضَّل على باحة بيتنا الطّيب
ماعون الأطفال
ضمدَّ جراحاتك تعالْ!
من ضلامَاتكْ تعالْ!
من حافة البرزخ تعالْ!
من شرفةْ الملكوت تعالْ!
أدّينا هينين من صبرُ
السكّه أبعد من مَشيِكْ
والجرح أعمق من حدود الإحتمالْ
السابله والأطفال هِناك
قداَّمك المشوار طويل
والريح وراك
كل البيوتْ
إتشرَّفت لى طَلْعَتَكْ
والوَنَسه ما كِمْلَت معاك
القَرقراب والقهْقَهه
مَينْ سمّى تِرحاَلك غياب!؟
والغيبه بتْزيدك بَهَا
لو يرِتق الحُزن المَصَابْ
كان بَعدك الموت إنتهى
يا أقصى حالات الحضور المُشتهى
يا مُنْتَهَى!
تعال قرِّحنا بس دهشة غُناك الحَي
وحَّيْ من جُرحك الدامي!
وفَتَر حيلَكْ
وحيّ من ضُلّك الرامي!
وحِمِل شيلَكْ
تموت مِتْل الشدر واقف
تموت واقف على حيلَكْ
فيا حْليلَكْ
يا حْليلَك..بِنستنَّاكْ
على صهوة جياد الريحْ
بنِستنَّاكَ!
في الزمن اللديح القِيحْ
على باب الحلم في غُناكْ
بِنِستنَّاك!
رحيلك شَلْهَت الدنيا:
ورتّب العالم البهِنَاك
بَستْنّاك!
وأنا تاني وراك َشِنْ لاحِقْ؟
دَهَسَتْني في بُعْدَك
حِدوَ الخوف
الداخله عليّك بالسَاحِقْ
أدِّيني القُدْره التمْنَحني
بِحجمْمَكْ سعةَ الشوف
لو أقدر أطِلْ من شاهق
لو أقْدر ألوّح لعيونك
تَلْمَحنِي
وأنا ضَعفي أمامك فاضحني
سامحني!
ما قدرت أطولَكْ
سامحني!
شُفتَكْ من وجع طَالع
على برزخ ملتقى النيلين
كنتَ هناكَ وحّيدك
وكل الناس أتنين ..أتنين
براك واقف
في حدْ السيف
براك الما وقف بينْ...بينْ
تغازل حلمك الفارع
فَتح بابين على الملكوتْ
تَسَلِّم على حضرة جلال الموتْ
وتفتح في الأرِض نفّاج
إذا أمتلأ الفراغ بالصوت
فيا باطن الأديم أفتح
براحات الحنين مُشْرَعْ
وأَنْدَهْ لي مُدن شاخت
أنْدَه لأطلال القُرى الراحت
بيوتْ في بيوتْ
تَمْرُق من شِبر مَسَرح
مدن فاضله
وعلم باتساع الحُلْم
بقامةَ يشتهي التابوت
فما لَفَظَ البحر يُونِس
ولا أنسدّت
شهِية الحوتْ... ويا زول يا رائع تمشي
بالحسره وتموت؟
وسلاماتْ يازول يا رائع.

مرثيه سيد احمد الحردلو
تاني قام واحد جميل في بلدنا ... ماتْ
وكان بغني للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد في الحلم ... جاي .. أغنياتْ
وكان بطنبر .. وكان بدوبي .. للحياةْ
تاني قام واحد ملك ... روّح .. وفاتْ
وكان ملك في الريد ... وإنسان في الصفاتْ
وكان مهاجر في دموع كل البكاتْ
وكان وتر مشدود ... ومسكون دندناتْ
وكان "عليه سلام" تقول مازول حياةْ
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين في المطرْ
.... عبدالرحيم ... وهلم جرْ
فاكر القطر
فاكر النخيل .. فاكر الحراز
... الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
ياسلام عليك
لمّان تكون زولاً عزيزْ
عنْ ناس عزازْ
يعني كان لازم تفوتْ
والحزن مشرور في البيوتْ
والدنيا مازال فيها حوتْ
وفيها لسع .. عنكبوتْ !!
وتخلّي أوتارك سكوتْ
ولسة عندنا ريد جديدْ
ولسة عندنا ليك قصيدْ
يعني كان لازم تفوتْ
وتخلي هذا الحب يموتْ !

مرثيه يحى فضل الله
لا تتركوني لهذا الحزن وحدي
فباب ذاكرتي موارب
وطير الروح
لا يقوي علي النسيان
لا تستقيم دروب عاطفتي
كي أجادل خطوة الأمكان
و الوتر الرفيق
كيف الطريق و لا رفيق؟
كيف إحتشادك بالعذوبة
و الحرف يفقد سر أن يرتاح
في لحن صديق
يا صديق الغربة و الألم الحريق
يا منتمي للألفة و المعني العميق
يا وتر عِزة هوانا
يا مصابيح الطريق
يا مبعثر
و منسجم
يا معاند
يا رقيق
يا منسرب كالنسمة
من جوف المضيق
يا حوار روح الفراشة
مع الرحيق
يا جدال الريح
مع الموج الغريق
يا مصطفي من التألف
في الأجنة
وكل أوجاع الطريق
يا معادي
وأنت عادي
للرمادي
وكل حيادي
وكل منتفع صفيق
يا مصطفى
من هميم الأغنيات
من هميم الأغنيات
علمتنا
إن برق الصحو
ميلاد البشارات
و تاريخ التفأول و البريق
يا صاحبي
هذي ثمارك أينعت
و العصافير إستراحت
علي غصن وريق
لك أن تنام الأن
فالحب يسقي
بذرة الأمكان
و الشجر الصديق
بالله
كيف سلبت الدمع حزنه
و خبرت أسرار العشيق؟
و إنحزت طوعاً
لاحلام الطفولة
في الفريق

مرثيه حميد (1)
يا جاي مارق من دخول الغيث
شرايين التراب السايقة أوردة الوطن
قشرا اليباب ... نشرا العطش
كل ما سرت قطرات درب الرحمة...
في جوفو أرتعش حال الشجر
بال العصافير الخيالها مع الدغش
مشدوه متل خاطر طفل
من ضل برش راكوبة فوق حافة حجر
واقع سجر ...واقف بعد نقط المطر
ويستنشق إحساس السحاب
بين لهفة الطين والشمس
لمت وراء ضهر الجبال
في عبها المهتوك شفق
آخر رمش في الدنيا من جفن النهار
والليل ملقيلا الطرف
سعف النخيل مال منتعش
بال الطفل يرقد على ضهر الرعد
يجمع مصابيح السماء التامنة ويطش
لو يلقى راس رسن الزمن
ديك لحظة ما كانت تمش
شان يندهش
يتمطق الحلم البعد قرب يوافينا ابتعد
لو مدت إيد كان أنجبد
يا الدنيا بي ريحة الدعاش لو تنعرش
أو تنفرش تحت الفراشات بالبرد
فوقها الوعد صادق يمش
يا غادي منك فوت كلام الشوق
من القلب الخشم بابو البلد
شقيش مستف وحدتك
سايب بنات الحلة يا كمين ولد
تسترسل الأيام بحر
قبال يقالد القيف شرد
مالك رحيلك دون وداع زي الحرد ؟
رواسي راح والجو صلاح
كارب شراع
لا أنفر للريح لا أنفرد
لليلة شان نار الصراع
لهليبا بعدك ما برد
بدلت كيف سعة الوجود
بي ضيق لحد ؟
باغتنا ريح الفجعة ليل
فرنب في جوفنا
مرابنا الصبر شال سعن الجلد
صابنا الذهول
زي التكنو قبل دا ما فارقنا زول
قبل الرسول
ولة التقول
أول قلوب في الدنيا يغشاها القدر
بعدن تضيع منو الدروب
تطمبج الساحات حريق
يضوي الفريق المشتعل
كل الفريق شوقر وراك
يا جرحنا المابندمل
لا بان وراك شهد الغنا
ولحن الحناجر ما همل
صاقر خلايا أبو الدبر
يدبن حنايا نمل ... نمل
وين ماشي يا نبض الرحيق
سايب المشاعر ريق دقيق
تحت المغنين التفل
غنياتن الورطانة أو لوطانة
في الريق المقق
حتحت ورق في طين زبل
أوصاف على جسد الحبيبة بهق ... بهق
تحت احتمالها مرضرضة
زي لعبة ما استهوت طفل
يا نهنهات متكبرتة ودنانا يترنح دغل
أوطان بتتشايح عرق وإنسانا مجبور يشتغل
ما ضر من بعد الغرق
جوف الضحية إذا أنشرق
يا سيفي هوبي على الكتل
وين ماشي يا قمر الهناء
الكرمنا عن ساعة مرق
سايب لياليك لي نجوم
واقفات وجوم .. على فد رجل
فرع الغنا الميل هنا
على مين وراك حا يتكل
والشيل تقل
شعبا يشيلوا الشيلة في ..
لكن ظروفن هل تفي ؟
تحتاج جماعة من الرجال
الكنت فيها براك تقل
دارت فليتة من الحبال
الكان بقيلا فرد حبل
الخوف قلوبنا التشتهيك
تنشق من ذاتا وتنقفل
من بعد ما أتوحدنا فيك
ننفك قبائل وننكتل
من بعد ما أتوحدنا فيك
ننفك قبائل وننكتل
وين يا زمن ؟!
يا الدنيا بالطيبين تقل
وين الطبيبو أو المتل
قول يا خيالي وماك فسل
أطهر وزيزينا يعوم
في النيل مع الصير منشغل
ولة اليقوم يوم بعد يوم
يغسل دميمو عديل غسل
ولة الوطن قال ما بنوم
إلا الفجر يا ليل يهل
ماسك وضوهو من الغيوم
السالو سيل ساعة محل
كيف الدبارة ما العمل
لما القبيلة تشيل سيوفا السوق
تبيعا على عجل
تغشى المغارات الحشيش
تاخد بخور ودخان
ولفافات سطل
ورق المواثيق إنبهل
كاويق جريح
طارتبو ريح
كيمان مقنبرة للمديح
من غير ضريح
دارت من العهر الصريح
حلقات قمار تحت النخل
والخيل مجهزة للسباق
آخر النهار فوق السهل
لما الجدل يبقى الدجل
والأيدلوجيا هي البوليس كتال كتل
ليش البلاد ما تستباح
يوماتي كل ما الليل دخل
إشمعنا يا شوقنا الرحل
إشمعنا يا شوقنا الرحل
لو صدقت زرقة غناك
والبت نصيرة سنة محل
بنت الدهب بنيانا ما فات الركب
حزنت على الكيل الكرب
بعد الرجال سكنوا الترب
والدنيا غابة وسط حريق
تصبح كرب تنمسى ضيق
قامت نصيرة تحت تعب .. برت الفريق
يا أخواتي ستات البيوت
ناولني قوت قبال أموت
دور والمعاي ما فكو ريق
طبق الدهب بي مد دقيق
دهب الجبال صافي البريق
بي مد دقيق لو كان مريق
مطفية نيران التكل ... رغم الدخان
والحلة زي المافي زول ... رغم البطان
عين الشمس زي التقول
مدشوشة أو محمرة من حرقة غضب
والليل دخل كبت الفريق
قنعت نصيرة من البلد
قنعت نصيرة من الدقيق
كشحت على كوشة الدهب
وجات راجعة بي نفس الطريق
لا رحمة غير الموت قبل
لمت عيالا على عجل
أنشهدت واستغفروا
وقفلت على روحا الجبل
كانت نصيرة بتفتكر
جوف الجبال أولابا من عيشة الوبال
أولابا من جرس الرجال
ساعة يصيب الحال خلل
والبال مو يا
كم من نصيرة اتريحت وأصبح براك
رغم الفشل والاستياء
من مسخرة هادي الحياة
بي إيد تدهده في الأجل
بي إيد تجهجه للجراح
بي إيدين تفتح للدروب
والسايقة لابد يوم تصل
يسلم حشاك تبرد غبينتك ولوعتك
طول الأزل
ويا روعتك لمن تجادل دمعتك
دايما تكون .. فوق العيون
مرحيبه بالداخل عليك
من دنيتك
عبيت مواعين الصباح
ببياض ضميرك ونيتك
بعرق جبينك وبنيتك
بالشمس ماروق الرجال
وادي الجناين غنيتك
ما كان رحيلك غير دليل
للجاي ماسك سكتك
يا المصطفى الراجح حباب
كل المدائن بكتك
يا شدو عصفورنا البسيط
كل الخلوق إتوكتك
إن ما بتبيت فوق السبيط
طول مسافة ركتك
ما خوفك صياد غتيت
لا الريح قدر يوم سكتك
عذرا ... إذا حال الوطن
بالجاتو ذات ليل بكتك
بإيدينا سايقين الزمان
ماسكين خيوطو الفكتك
يا زول يا صاح زمن الغلط
تنزف في دمك يوم في يوم
لا انصر وشك لا عبس
أيش يعنى لو سالن نقط
من كل عابر نقطة بس
يصبح شرايين الزمن
تبقى الشوارع أوردة
وجسد البلد عافية عريس
زينة عروس ... والنيل رحط
هزة صحابة بي غناك
خلي الزمن طربان يميس
نوم في كتفو القرمصيص
والكون صاحبن وانبسط
شهي المدائن تنتفض
ما تمتعض
لحدي ما آخر فصيلة من المرابين تنقرض
موكب زفافك للأرض
شهداء الوجود تنقلي ليك
محتفية بيك شوقا ربط
مركب عبر عاتي البحار
شايل خبار الهاربين
كان البشارة لكل شط
علت ابتسامتك حين هبط
مامن جواز بينات يديك
لامن ربط عملة وشنط
نية رسول إنسان فقط
ما بينا بيناتن ربط
بأسمى مبدأ وأقوى خط
ظل مطمئن
نحن الوراك ما جانا عشقك من فراغ
لا نحن غنيناك عبط
الدم رطن في يومنا داك
ماك البقصر يا وطن
وما فينا قطعا
نحن ليك ما خنا قط
قدامنا زول خطالنا خط
ختالنا قول ما منو نط
يا بلد فوق اللميليس لا تهم
لا بتميد الأرض تحتك
لا مغنيك ينهزم
مد ليك نغمو المخالف نغمة الخانو النظم
يشطب الباعو المشاعر
ويرسم الإحساس رسم
في زمن كاتم كتم
ولة تدخل زي نسيمة
زي شعاع قمرة ونجيمة
أي بيت من غير تدق
لا في إمضاء رقيب غريب
لا تراويس لا ختم
غنوة من بق المغني
في القلوب بالفال تبق
تحرق السقط التدني
وبي تأني
تمشي تفتح للدروب
المارقة منك وداخلة مني
المارقة منك وداخلة في
الداخلة فيك ومارقة مني
من بعد دا ولا يهم
المغني مع قضيتو
يقضوا أيام في القسم
كلما تنبح كلاب كلما انكشح العذاب
كلما طفح السباب كلما عانى الجسم
كلما غروه سم
كلما كان المغني كالمعاني يبتسم
على التجني ... كانوا جني
شديد بصيرة وملتزم
سديد بصيرة وملتزم
ويا المغني الماندم
يوجد غنوتو وينعدم
خاتم المغنين يا ختم
يا مصطفى الصلاة والسلام
الحب عليك يبراك وسم
يكسيك هدم ... يكفيك اسم
النخلة طالت ..
والسبيقة بعد دا لي شنو؟ التنهدم
قول للبلاد
الطلوحت عينيها في دمع السواد
قول ليها ما غنى الأسف تتأسفي
لا حض نمو على الحداد تتكتفي
عاد عودو ما ودع شهيد
البال دوام في شهيد جديد
لأيام جداد لما العوالم تكتفي
وينهض جوادها المنكفي
ذات مرة ما عرف السأم
لما البلاد صادها الوخم
صارا المبغض دغما النغم
في سجنو يتطرطق ألم
ينسف مطاميس الوهم
بي سن قلم
كل القواميس الوهم
جافا المداد
لما الأماسي بقن رماد
خرم الزمن بي غادي قاد
وإندق في الخازوق سهم
دودر نويرات الفريق
قربن بعد كانن بعاد
كورك لنا وما كنا في :
- وين السيوف ؟!
في السوق أخدنابا السطل
هايصين كتر والخيل حفي
كورك لنا :
قبل المصابيح تنطفي وينزل سواد
اتفقدوا الخيل والعتاد
اتمنعوا الدرب العديل
أتصحو بالصبر الجميل
زمن الخساسات الخفي
ينزالف الشوق في الرقاد
قدح المواعيد ينكفي
في الضلمة برد الليل مخيف
قاسي احتمالوا على الضعيف
قاسي احتمالوا مع التعب والجوع شديد
فطن النويرات الرغيف
فطن الرغيفات الدفي
فطن الدفي إحساس الصباح
فطن الصباح كل العصافير تحتفي
وبي روعة الكون والعباد
كورك صداهو أعاد وأعاد
في أي درويش إترسم
عن نقرة النوبة العرق
في كتفو اكبر من شتم
أو قوقي حمامة مخرفي
فوق البيوت الجايطة دم
كورك براهو وكنا في
صانين وراهو كما الغيوم
بس كل غيمة مطرفي
على قدر ما اتحزم يلم
بالدنيا تصحى مخرفي
يجي ريح يسوق غيمو الململم ويختفي
غلبو التعب ... كوع على جرحو اليسار
سكت ... سكت كل الكمنجات اتكت
فوقو وبكت
أنشودة النزف الوفي
أغرودة أو زغرودة الموت الخفي
فيا من تحير في سرو الفنا
إذا الهاربين الجدد خيروك
يا تفوت يا تخون البيوت
تكون من أنا؟!
إذا الغالبين في أحد أجبروك
يا تموت يا تعضي السكوت
فكيف الغنا ؟!
وكت ما الشفوت بصوتك تصوط
تعلق بكارتو على الميضنة
تحرم عليك ملاقاة طيوفك
مناجاة ولوفك ... وراء المشجنة
تغمض تشوفك
تفتش حروفك
تعبر كلامك
تعد احتلامك بباكر زنا
فنم لا تهم
لأن السلطنة
ترصد الألسنة
نم لا تهم
لآن السلطنة
تقشر الألسنة
يسري قول الشعوب في المسام دندنة
مش بسد المطر والهبوب
الدروب الخبوب والخنا
وما بتعوز البشر من طرق ممكنة
يبقى يا حاكمين
كلمة العالمين مافي من يلكنا
و(لا) ما بتنكتم
فنم لا تهم
زمن ماهو هو
قوانين شذوذ حتى في الأزمنة
وطن يا جنا
وطن قول وطن
وطن من تبن
ولا قمحة هنا
وطن ... ثم من ؟!
وطن ... ثم من ؟!
وطن ... ثم من ؟!
وطن لا تمن باعك الزنزنة
وطن واحتمل
وطن وأحتلم
بي رجع الحبيب من متاه الضنا
في ناسا عزاز مشتهنك رزاز
في ناسا رزاز مشتهينك هنا
يحيض الحراز حين يفيض البحر
عشان يزدهر طول فصول السنة
هو الضد يكون
سكون في الغضب
غضب في السكون
هو المستقيم ... هو المستدير
هو اللولبي ... هو المنحنى
هي الكائنات في الطيور مسكنة
وتستخف بالصقور حين تفقع جنا
فهم وأدلهم عليك الصدام
عليك الكلام الجديد الحديد
عليك السلام يا شهيد الغنا
تموت ما بتفوت ...تفوت ما بتموت
تموت أو تفوت الشفوت العنا
ويظل الوطن سيد الأمكنة
ويظل نبع المياه والضو
قمحنا ...كسانا...عافية ...سكن
وين ما نسكتك نسمع ....
عصيفير الحكاوي رطن
متين ما نفقدك نلقاك تحانن بالغناوي وطن
مع إنو حباك ميتة الغربة ...
واستكتر عليك كفن
قدر وطنك مع الأوطان
إذا ما كان سحايبو أبن
يمرقن قش من الوديان
عشان تلقى الغلابة لبن
قدر وطنك إذا ما كان
قبل يقسى ويخيب ظن
حبيبو الطيب الإنسان
يطفر روحو روح الفن
وطن لكنو مو هولك
ولا الزول القبيل بي خيرو بات زولك
وطن محتل بشوق مختل
رؤى ووجدان
ينوم والجنة في خاطرو
يقوم مبتل
بنات الحور وما أدراك ما الغلمان
فما قولك في شافع ضال ومايل ميل
قيام ... والشيخ ورع باللحيل
بعد هانة ...نصايص الليل في زنزانة
على أمشاطك كما الزانة
أقيف حتى الفجر طولك
فما قولك في مولانا
بعد وردية الشافع
دخلبو في خانة ************انة
وكجن .... غنالو مكتولك
وما معنى الأرض بالضبط أو بالربط
حين تكدح تكد حولك
تجيب الموية بالسرقة
غرامة ودردرة وعلقة
ويصادر الوالي محصولك
وطن ... لكنو مو هولك
وطن ما ليك فيهو وطن
مجرد واطة لمت ناس
لا علم لا غيرة لا إحساس
دلق منتوف من أي كفن
مصبغ ظن
وطن ... لكنو مو هولك
عموم الحلة والأحباب
غريب أصبح عليها زمن
عليهو أغراب قلوب ************ن
يسوطو هوس عذاب ومحن
ولكنك تغني وطن
بعد ده وطن؟!

مرثيه مدنى النخلى
ضرب الإبره .. فوق الإبره
راسم زي وشم..فوق ساعدو
كل مايقول قريب
تعكس ظروفو .. تباعدو
راكز ..في الزمن
ماطر سماهو ورعدو
فوق حدب الصبُر
مترجي ..زولو الواعدو
غنيلنا ..قول يازول
بُعد السمافه براح
من جرحك النزاف
رسِّل .. غناك صداح
نوِّر مداخل الليل
بصبحك الفضاح
شِد الوتر ..دندن
وأفرد نداكَ.. وشاح
طيور القمري..
ماغنت
ولا لوّن مداك شادي
حليل ولداً بشيل همّك
شرّ غناهو في الوادي
نده مطراً سحايبو ملت
وشتت برقو عبّادي
وليد الصابره ست الجيل
رقد واقف قصاد النيل
حبيباً جرحو فينا نزيف
وفكراً فاتح التأويل
مرق من بين ضفاير البنت
حبيبتو اللونا.. كاكاوي
نهارا شمالي .. كتـّاحه
مناخاً جنوبي..غرباوي
دخل شرق الحِلم حفيان
سند ظهراً .. حناهو الهم
حليلو الكان جميل النم
حليلو .. البينّا خوة دم

لك ايناس حدائق كل الدنيا علها تكون جزء يسير مما تقدمين

ولك ايضا ورده هذا الصباح الشتوى

لكى العزيزه فائزة مع زخات المطر الصباحيه هذه

استنيتك

بين الشوق ورؤاي والحيرة

وكتين هبّت ريح اللهفة

ودسّت فيني دواعي الغيرة

فجأة عليّ شموسك شرقت

مسحت دمعة ووحشة مريرة

ضوّت لي دروب أحلامي

وكان أحلامي دروبا عسيرة

وكانت رحلة مشيتـا معاكي

وسفر الريدة جراحو خطيرة

* * *

استنيتك

وعداً لامس شعري

ودوزن نغمة مثيرة

استنيتك ولو لاقيتك

قبل أتوه في الهم والحيرة

كان الدنيا شقاها اتغيّر

وعارف عمري مسافتو قصيرة

وكان مشوار الحزن الطوّل

عشتو معاك في جنة نضيرة

وكان الفرح استوطن قلبي

وتوّجك إنت عليهو أميرة

قبل أموت بالحرقة أسافر

وشعري يعيش جنحاتو كسيرة

أنا يا غالية عشقت عيونك

وفي لحظات أصبحت أسيرا .

ايهاب الامين

مرثيتى الخااااااااااااااااصة

ما ممكن أصدق إنك تكون إنسان

لا بتعرف مشاعر لا تقدر الولهان

كيف تجرح مشاعرى ما كنت بيك هيمان

كيف تخضع لغيرى حابيك لى زمان

وما عامل حسابى فى غيرك ألقى أمان

لكن إنت أصلك ما من بنى الإنسان

ما بتعرف شعور طبعك هو النسيان

كيف بى كل بساطة تجرح فؤاد ظمآن

وكيف تدينى رنة وتقول نكون أخوان

وعهدنا كان غرام لا خوة لا جيران

وفى أخوانى إنت ما بتلقى ليك مكان

لأنو الحب غرام والخوة ليها مكان

ما عايزك أخوى وبشكيك للرحمن

كيف تغتال هواى وتنهك حقوق إنسان

وكيف تجرح قليب كان فى العشق غرقان

(بعد الحاصل والإتحصل ست الدار بت أحمد تكتب) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. وأرجع أميز
فرحانابك يا أحزان
فرح النار بي لوح الزان
مبسوطابك يا المبسوط
ما هزاني مصيرك
قدر ما أذوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض ..بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيت؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ثم اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
اشللة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك

تلغرافات :

نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
الخرطوم .. الخرطوم بحري .. كشك الشعلة .. الزين ود حامد
راشد راقد واشللة جعفر طالق فيها بهايمو
ست الدار بت احمد جابر
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد

أصبح السفح ملعبا للنسور

فاغضبي يا ذرا الجبال وثوري

إن للجرح صيحة فابعثيها

في سماع الدنى فحيح سعير

واطرحي الكبرياء شلوا مدمى

تحت أقدام دهرك السكير

لملمي يا ذرا الجبال بقايا النسر

وارمي بها صدور العصور

إنه لم يعد يكحل جفن النجم

تيها بريشة المنثور

هجر الوكر ذاهلا وعلى عينيه

شيء من الوداع الأخير

تاركا خلفه مواكب سحب

تتهاوى من افقها المسحور

كم اكبت عليه وهي تندي

فوقه قبلة الضحى المخمور

هبط السفح طاويا من جناحيه

على كل مطمح مقبور

فتبارت عصائب الطير ما بين

شرود من الأذى ونفور

لا تطيري جوابة السفح فالنسر

إذا ما خبرته لم تطيري

نسل الوهن مخلبيه وأدمت

منكبيه عواصف المقدور

والوقار الذي يشيع عليه

فضلة الإرث من سحيق الدهور

وقف النسر جائعا يتلوى

فوق شلو على الرمال نثير

وعجاف البغاث تدفعه

بالمخلب الغض والجناح القصير

فسرت فيه رعشة من جنون

الكبر واهتز هزة المقرور

ومضى ساحبا على الأفق الأغبر

أنقاض هيكل منخور

وإذا ما أتى الغياهب واجتاز

مدى الظن من ضمير الأثير

جلجلت منه زعقة نشت الآفاق

حرى من وهجها المستطير

وهوى جثة على الذروة الشماء

في حضن وهجها المستطير

أيها النسر هل أعود كم عدت

أم السفح قد أمات شعوري

من روائع عمر ابو ريشة

يا سلام لو شفتى حالى
يوم تصل منك رسالة

أفضل أسرح بين سطورة
وأفضل أتأمل جمالة

وأبقى أكتب ليك أغانى
ما فى زول قبالى قالة

*****

والله يا بخت البتبقى
إنتى فى قسمتو ونصيبو

يا سعادتو ويا هناهو
والله يا فرحة قليبو

نظرة من مرآة خدودك
تطفى لى شوقى ولهيبو

دة البعيش فى الدنيا جمبك
الهموم كيفن تصيبو

*****

ما أنا المجنون براى
والله كتير قبالى جنو

والجمال الشفتو فيك
ما حصل حكو لى عنو

والجمال فى حد ذاتو
إنتى أروع و أحلى منو

من قصيدته " عشت مرة رجلا" :

عشت ياربي مرّة.. عبدَ أهوائي.. شريداً لا اعرف الوجلا

كم تركتُ الهدى.. يطل على تيهي.. ويندى جبينه خجلا

كم شققت الدجى.. ونارُ غوايات الغوالي.. تنير لي السُهُلا

كم تركت الشجون تمضغ في روحي.. وتُزكي جراحها غُللا

إن أمسي إذا ألتفتُّ إليه.. جُن فيَّ الخيال.. واقتتلا

ذلك العهد لن أحنّ إليه.. إنه عن مناهلي ارتحلا

صرت حراً.. بلغت جنة دنياي.. وجفني بنورها اكتحلا

إنها نعمة أقطّع فيها العمر.. مستغفراً ومبتهلا

إعف عني ياربي.. بدد همومي.. فلقد عشت مرة رجلا

الشاعر عمر ابو ريشة

سقطتْ آخرُ جدرانِ الحياءْ

وفرحنا.. ورقصنا..

وتباركنا بتوقيعِ سلامِ الجبناءْ

لم يعد يرعبنا شيءٌ..

ولا يخجلنا شيءٌ

فقد يبستْ فينا عروقُ الكبرياءْ...

سقطتْ.. للمرةِ الخمسينِ عذريّتنا..

دونَ أن نهتزَّ.. أو نصرخَ..

أو يرعبنا مرأى الدماءْ..

ودخلنا في زمانِ الهرولهْ..

ووقفنا بالطوابيرِ، كأغنامٍ أمامَ المقصلهْ

وركضنا.. ولهثنا

وتسابقنا لتقبيلِ حذاءِ القتلهْ..

جوَّعوا أطفالنا خمسينَ عاماً

ورمَوا في آخرِ الصومِ إلينا..

بصلهْ...

سقطتْ غرناطةٌ

للمرّةِ الخمسينَ – من أيدي العربْ.

سقطَ التاريخُ من أيدي العربْ.

سقطتْ أعمدةُ الروحِ، وأفخاذُ القبيلهْ.

سقطتْ كلُّ مواويلِ البطولهْ.

سقطتْ إشبيليهْ..

سقطتْ أنطاكيهْ..

سقطتْ حطّينُ من غيرِ قتالٍ..

سقطتْ عموريَهْ..

سقطتْ مريمُ في أيدي الميليشياتِ

فما من رجلٍ ينقذُ الرمزَ السماويَّ

ولا ثمَّ رجولهْ..

----

لم يعدْ في يدنا أندلسٌ واحدةٌ نملكها..

سرقوا الأبوابَ، والحيطانَ، والزوجاتِ، والأولادَ،

والزيتونَ، والزيتَ، وأحجارَ الشوارعْ.

سرقوا عيسى بنَ مريمْ

وهوَ ما زالَ رضيعاً..

سرقوا ذاكرةَ الليمون..

والمشمشِ.. والنعناعِ منّا..

وقناديلَ الجوامعْ

تركوا علبةَ سردينٍ بأيدينا

تسمّى "غزّة"

عظمةً يابسةً تُدعى "أريحا"

فندقاً يدعى فلسطينَ..

بلا سقفٍ ولا أعمدةٍ..

تركونا جسداً دونَ عظامٍ

ويداً دونَ أصابعْ...

بعدَ هذا الغزلِ السريِّ في أوسلو

خرجنا عاقرينْ..

وهبونا وطناً أصغرَ من حبّةِ قمحٍ..

وطناً نبلعهُ من دون ماءٍ

كحبوبِ الأسبرينْ!!

لم يعدْ ثمةَ أطلالٌ لكي نبكي عليها.

كيفَ تبكي أمةٌ

سرقوا منها المدامعْ؟

بعدَ خمسينَ سنهْ..

نجلسُ الآنَ على الأرضِ الخرابْ..

ما لنا مأوى

كآلافِ الكلابْ!!

بعدَ خمسينَ سنهْ

ما وجدنا وطناً نسكنهُ إلا السرابْ..

ليسَ صُلحاً، ذلكَ الصلحُ الذي أُدخلَ كالخنجرِ فينا..

إنهُ فعلُ اغتصابْ!!..

ما تفيدُ الهرولهْ؟

ما تفيدُ الهرولهْ؟

عندما يبقى ضميرُ الشعبِ حياً

كفتيلِ القنبلهْ..

لن تساوي كلُّ توقيعاتِ أوسلو..

خردلهْ!!..

كم حلمنا بسلامٍ أخضرٍ..

وهلالٍ أبيضٍ..

وببحرٍ أزرقَ.. وقلوعٍ مرسلهْ..

ووجدنا فجأةً أنفسنا.. في مزبلهْ!!

من تُرى يسألهم عن سلامِ الجبناءْ؟

لا سلامِ الأقوياءِ القادرينْ.

من تُرى يسألهم عن سلامِ البيعِ بالتقسيطِ..؟

والتأجيرِ بالتقسيطِ.. والصفقاتِ..

والتجّارِ والمستثمرينْ؟

وتُرى يسألهم عن سلامِ الميتينْ؟

أسكتوا الشارعَ.. واغتالوا جميعَ الأسئلهْ..

وجميعَ السائلينْ...

... وتزوّجنا بلا حبٍّ..

من الأنثى التي ذاتَ يومٍ أكلتْ أولادنا..

مضغتْ أكبادنا..

وأخذناها إلى شهرِ العسلْ..

وسكِرنا ورقصنا..

واستعَدنا كلَّ ما نحفظُ من شعرِ الغزلْ..

ثمَّ أنجبنا، لسوءِ الحظِّ، أولاداً معاقينَ

لهم شكلُ الضفادعْ..

وتشرّدنا على أرصفةِ الحزنِ،

فلا من بلدٍ نحضنهُ..

أو من ولدْ!!

لم يكُن في العرسِ رقصٌ عربيٌّ

أو طعامٌ عربيٌّ

أو غناءٌ عربيٌّ

أو حياءٌ عربيٌّ

فلقد غابَ عن الزفّةِ أولادُ البلدْ..

كانَ نصفُ المهرِ بالدولارِ..

كانَ الخاتمُ الماسيُّ بالدولارِ..

كانتْ أجرةُ المأذونِ بالدولارِ..

والكعكةُ كانتْ هبةً من أمريكا..

وغطاءُ العرسِ، والأزهارُ، والشمعُ،

وموسيقى المارينزْ..

كلُّها قد صنعتْ في أمريكا!!

وانتهى العرسُ..

ولم تحضرْ فلسطينُ الفرحْ.

بلْ رأت صورتها مبثوثةً عبرَ كلِّ الأقنيهْ..

ورأتْ دمعتها تعبرُ أمواجَ المحيطْ..

نحوَ شيكاغو.. وجيرسي.. وميامي..

وهيَ مثلَ الطائرِ المذبوحِ تصرخْ:

ليسَ هذا العرسُ عرسي..

ليسَ هذا الثوبُ ثوبي..

ليسَ هذا العارُ عاري..

أبداً.. يا أمريكا..

أبداً.. يا أمريكا..

أبداً.. يا أمريكا..

نزار قباني

التحية من على البعد للاخ / عبدالمنعم سيداحمد , واحييه على اهتمامه بالورود والياسمين ,وهذه ايامها
لان العشاق يهدوها الي محبوباتهم بماناسب الفالانتاين او كما يسمونه عيد الحب , ولك الشكر

ما جال في خاطري أنّي سأرثـيها

بعد الذي صُغتُ من أشجى أغانيها

قد كنتُ أسـمعها تشدو iiفتُطربني

واليومَ أسـمعني أبكي iiوأبـكيهــا

وبي من الشَّجْوِ..من تغريد ملهمتي

ما قد نسيتُ بهِ الدنيا ومـا فـيها

وما ظننْـتُ وأحلامي iiتُسامرنـي

أنّي سأسـهر في ذكرى iiليـاليها

يـا دُرّةَ الفـنِّ.. يـا أبـهى iiلآلئـهِ

سبـحان ربّي بديعِ الكونِ iiباريها

مهـما أراد بياني أنْ iiيُصـوّرها

لا يسـتطيع لـها وصفاً iiوتشبيها

أحمد رامي في رثاء أم كلثوم

الـــــــــــــود
الشاعر عمر الطيب الدوش

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمانا طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ

صديقي منعم
وردة مني اليك
وياسمينة لكل اعضاء المنتدي

» تقارير ...واحة الإفلات من المحاسبة والعقاب..! حقوق الإنسان في العالم العربي في عام 2009
» شنو... الحكاية / شعر / محمد برقاوى
» مرحب بعضو دوت كوم فى دوحة العرب
» خريف صلالة
» 6 أبريل يا (وردة وجدانى ) .................عفيف إسماعيل