فكرة استثمارية\ بنطون رفاعة صالة افراح ومقهي عائم

البنطون ده ليه يحال للتقاعد؟ انا بفتكر انو البنطون ده ممكن يستخدم في مجالات سياحية او ترفيهية.
البنطون ده جزء من الذاكرة الجمعية للمنطقة،تكفي رتوش لتحويله لغرض سياحي اوترفيهي مثل صالة افراح للمناسبات وفي العادي مقهي عائم .
ولا ايه رايكم دام فضلكم

فكرة مجنونة يا صداح ممكن يكون نواة لعمل كبير جدا

.. الفكرة ممكن تحولنا الى مجال افتح وهو هل يمكن التعاون بين بورداب المنتدى المغتربين او حتى من الداخل فى مشروع استثمارى ؟ كل دراسات الجدوى تؤكد ان اى مشروع يحتاج الى راسمال كبير ونحنا مفردين لن نقدر على ذلك .. لماذا لاتكون هنالك شركة بين اعضاء المنتدى ... والفكرة نابعة من باقى مخيخ صداح ...

يا اخوانا انتو عاوزين تعملو ليكم بنطون جديد ما قالو البنطون القديم صبحية افتتاح الكبر وفص ملح وداب ولا دي باعتبار ما كان ...

والله ياراشد انا اقترحت الموضوع ده للاخ عمار فى انو نعمل مشروع استثمارى وخدمى وترفيهى .. تكون فيهو على سبيل المثال .. كافتريا .. مكتبه عامه .. منتزه عائلى .. منتدى مجانى ... من المشاريع المنتجه يتم دعم المشاريع الخدميه ..

.. اها يا بكرى انا اول واحد ايدى فى ايدك .... فتاح ياعليم .....

فكرة جميلة ياصداح وفيها نقلة للبلد بس عاوزك تضمن لينا
اذا عمل كافتريا عايمة مايفك بينا زي مابيحصل في الخريف
الواحد يبدا العشاء في الحصاحيصا ويمكن يكمله في الكاملين !!!!
(ابومنصور)

يا بكري وراشد انا كمان بضم كفي لكفكم ولي قداااااااااااااااااااام

تحياتي للجميع
ياراشد ابوشمة يعني نجيب مستثمر اماراتي ولا شنو؟

صداح فاروق وراق كتب:

تحياتي للجميع
ياراشد ابوشمة يعني نجيب مستثمر اماراتي ولا شنو؟

شكلك اخدت التابعية ولا اسمها شنو عندكم ؟
ماعلينا ابقى جاى وجيب كنجالاتك .... يا مستثمر !!!

يلا زول من الداخل يتولى الموضوع ويورينا المطلوب شنو..

الطيب تلودي كتب:

الفكره جيده جدا لكن ياجماعه مستوي الدخل في الحصاحيصا متدني جدا والمشروع ضخم مالو لو الناس عملت صاله للمناسبات جاهزه من جميع الحاجات والعايد منها يكون لخدمة مشاريع الحصاحيصا والجمعية التي تضم اعضاء المنتدي.


ودام الله صفاكم
والحصاحيصا لسه بخير ليها وجيع ياعمو هيثم

.. ودا اقتراح تانى جميييل ...
بس ماقلتو رايكم شنو فى فكرة انشاء شركة تضم كل اعضاء المنتدى او اى عدد .. المهم مشروع يكون جماعى ويكون فيهو ربحية للكل عشان مانكتل الفكرة من اولها ...

الحقيقة هي فكرة جميلة وممتازة
وأنا مع الراي (تكوين شركة مساهمة) تعود علي الجميع بالمنفعة وخاصة الحصاحيصا والموضوع داير متابعة وشوية جدية والله الموفق.

قصة البنطون دي نعمل ليها دراسه لوماواحد نط لينا من صفيته الغنوماب------ لكن اقول ليكم سوف نتدارس الموضوع انا ووراق وتلودي وفوزية واخرين---وبعد يومين نديكم الخبرالاكيد ياحلوين---