قول واحد : إقالة مدير جامعة الخرطوم من منصبه !!

(( إقالة ...... حاولت شرطة مكافحة الشغب منع الطلاب من الخروج من الحرم الجامعي لكنهم تمكنوا من الوصول إلى وسط المدينة.... وافادت وكالة الانباء الرسمية (سونا) في بيان مقتضب ان الرئيس اقال مدير جامعة الخرطوم مصطفى ادريس البشير......)). بي بي سي

فضلنا نكوس وندور
نبحث عن سبب الاقالة الفوّر
لا حس لا خبر لا شي يُذكر
إمكن زاد السكر !!
يكون شماعة ؟
ولا يكون فزاعة ؟
ولا يكون عبرة لمن يتشطر
بغض الطرف عن المارة
في شارع الجامعة لو فيهم واحد أشتر
يطاوع نفسو ويسب العسكر ...
طيب لو إتشطر ما يتشطر
ما السودان الوطن الكان متأطر
مليون ميل بقى كيمان كيمان إتبعثر
لا شفنا شطارة
لا شفنا دبارة
لا شفنا الفكرة الوراها تدبُر
أفصل أفصل
وفك في نفسك بأنك سليل العبقر
أرفد ونفذ حكمك بي قانونك دستر
جغمس لغوس دهنس طمبر
مافي فكاك لو أرضك سماك
وطلقاتك سِمبِر