عصام شرف خلفا لشفيق المستقيل ما عايزنو أقعدوا يعني نجيب ليكم رئيس وزراء من وين؟؟

رجل المرور "من أظرف ظرفاء أمدرمان" كان واقف بجانب إحدى الإشارات المرورية
والاشارة كانت توزع في ألوانـها "أحمر أخضر أصفر" مما سهل من إنسياب حركة المرور في جميع الاتجهات
رجل المرور لاحظ بأن "لاعب كرة القدم الدولي الذي إشتهر في الستينات" كان واقف "وراكب موتر "
ولما طالت وقفة الرجل في الموتر "مصاب بإضطراب نفسي" دون الإلتفات للإشارة الخضراء إقترب منو رجل المرور وقال ليهو :
" أسمع ياخوي ياهن العندنا عايز تمش أمش ما عايز أقيف يعني أنا أجيب ليك لون تاني من وين؟"
تذكرت هذه الطرفة حينما طالعت ما ورد في الأخبار عن إستقالات رئيسي الوزارء المكلفين إثر الاحتجاجات في تونس ومصر
فالغنوشي التونسي إستقال أول أمبارح واليوم إستقال المصري أحمد شفيق " الخبر أكده اليوم موقع البي بي سي العربية"
وجاء في الخبر بان المجلس الأعلى للقوات المسلحة كلف عصام شرف لتولي المنصب خلفاً لأحمد شفيق
والمجلس الأعلى "الملتف أو الملتوي " زعلان يعني نظام قدر ما يجيب واحد يلقى ميدان التحرير "يضج بالملايين ما دايرين ما دايرين"
نهايتو عين ليهم عصام شرف وشكلو حا يردد كلام "ظريف أم درمان"
" أسمعو ياجماعة دا العندنا عايزنو عايزنو ما عايزنو أقعدوا في ميدان التحرير يعني نجيب ليكم رئيس وزراء من وين؟"