استراحه صغيره( رايكم شنو لسع في امل نركب مكنه كامري)مهدي بكش

الصوره من الشمال لليمين علي فضيل نائب رئيس الرابطه

الاستاذ خضر احمد نمو

ومعتصم يعقوب

ولاعب المريخ الحصاحيصا كمال ابو كديسه

طبعا ياجماعه دي كان احتفال ناس الحصاحيصا في جده بمناسبة عيد الاستقلال وطبعا دي رئيس الرابطه الاستاذ محمد عوض من ابوفروع وهو رجل معروف ومهتم بمشاكل المحليه ودايما مصادم من اجل الحصاحيصا في السفاره وكزلك القنصل العام ودالمحليه خالد محمود الترس من ام دقينه ومن ابناء الحصاحيصا نائب رئيس الرابطه الاخ علي فضيل و معتصم يعقوب و عارف مصطفي والاستاذ خضر احمد نمر وكل ابناء محلية الحصاحيصا وكان حفل جميل وازكرنا ايام زمان.

ودي فرصه للناس البسمعو بي مهدي بكش وماشافوهو جيل الزمن الجديد ياريت نلقي لينا حته كده معاكم وخاصة اننا خرجنا من السودان قبل انتشار القنوات الفضائيه الكثيره دي يعني ما كان لينا حظ سوي تلفزيون السودان والجزيره واسف للتطويل والي ان نلتقي معاكم في مناسبه اخري.

والله يا مهدي قمة الابداع ورجعتنا لايامك والايام الجميلة وللفن الاصيل
يا اخي انت ممكن تركب ماكينة شبح
متعك الله بالصحة والعافية

كمال الجمل كتب:

والله يا مهدي قمة الابداع ورجعتنا لايامك والايام الجميلة وللفن الاصيل
يا اخي انت ممكن تركب ماكينة شبح
متعك الله بالصحة والعافية

الله اديك العافيه ياكمال ودايما ايامك سعيده يارب

والله شجعتني شديد ونفكر في الموضوع

تحياتي لك وللاسره

المحبوب أحمد الأمين كتب:

بكش يافنان فيك الخير والبركة
ياخي مكنة شنو وما شاء الله عليك لسه محافظ على الصوت زي ماياهو "قوة وطلاوة وجمال"
ربنا يديك العافية ويرد غربتك وتطرب كمان وكمان

يا استاذ المحبوب الله اديك العافيه وربنا ارد غربتنا كلنا تاميين سالمين في حصاحيصتنا الحلوه ديك ونزكر الايام الجميله زمن نادي ناصر ونادي النجمه وكل الاشياء الجميله

تحياتي لك وللاسره الكريمه

يا مهدي والله ابدعت وده الخلانا نداهمك بتلفون الصباح

شكرآ علي ابداعك .

محمد المنصوري كتب:

يا مهدي والله ابدعت وده الخلانا نداهمك بتلفون الصباح

شكرآ علي ابداعك .

كان احلي تلفون وربنا اديك العافيه الاخ محمد المنصوري ودي استراحه لي تزكير ايام زمان ايام روابط الجامعات وروابط الانديه وانت كنت احد الافراد الزين ساهموا في هذه الروابط رابطه الفرع وشباب نهضة مريخ الحصاحيصا وحليليه ايام جميله.

تحياتي لك وللاسره.

يا معلم انشاء الله ما تنفعكم دي خيانة عظمة نحنا قاعدين وين في أم مرحي

انت اقعد كاوي لي في المحبوب وانا وصداح كل يوم بنجيب ليك عزاب اهاا دي في جده وماحضرتها

لكن بكره عندنا واحده في السلمي دي فيها قناة الشرووق

أبو رائد كتب:

يا معلم انشاء الله ما تنفعكم دي خيانة عظمة نحنا قاعدين وين في أم مرحي

عينى بارده عليك يا مهدى .. اخر حلاوه والله ..ويا ريت لو تنزل كل اغنياتك التى غنيتها فى تلك الامسيه ..
مع امنياتى لك بدوام نعمة هذا الصوت الاخاذ ..

والله ايام يا زمان
ببكي واتحسر عليها
وما بقول العشنا كان

وقوووووول للزمان ارجع يا زمااااااااااااان

وحليل زمن الصبا

ما شاء الله عيني باردة

دمت موفور الصحة ابو مصطفى

يابوكش ماشاء الله الدهن فى العتاقى قمة الابداع
يافنان يا اصيل زكرتنا الزمن الجميل وليالى الطرب الجميل
بعدين دى ما مكنة كامرى دى مكنة همر يامبدع
بى الجنبة كده شكللك بتزاكر من ورانا تحياتى لك والاسرة
ربنا يديك الصحة والعافية محبتى واشواقى

مهدى بكش

ابوالفن ياجميل والله ابداع عدييييييييييييييل كدا ....

مكنة شنو يابا ما شاء الله عليك لسه المكنة استاندر

تعال راجع وبراك تشوف مع الفضائيات ....

تخريمه : الفنان النزير من حفلات استراليا نزل لينا حاجة ان شاء الله قعدة

استماع .. وياقولك الدهن في العتاقي ... متعكم الله بالصحه والعافيه

الصوت يا أبومصطفى إذداد حلاوة ونضجاً ، نحنا بدون مجاملة بنقول ليك بسهولة يمكنك المنافسة مع المطربين الحاليين .

تحياتى

اهلا مهدى اهلا فنان الحصاحيصا الاول سابقا وحاضرا ومستقبلا رجعت عجلات الزمن وطرقت على باب الذكريات والشجن وانعشت اياما كادت تحتضر هيا ياود بكش اعد الماضى الجميل واعد المجد لاصحابه مع اننا نعلم علم اليقين بما انت عليه اليوم من اسرة واطفال ومشاغل لكن الله يعينك اطربنا ولو بالقليل . رد الله غربتنا جميعا معافين سالمين .

ما شاء الله شغل جميل وصوت مهدي الزمان والنهاية فعلا جميلة وهي كما هي قبل خمسة عشر عاما ربنا يديك العافية والصحة وما محتاج اي مكنة

تحياتي واشواقي وتحية للدفعة خضر

عاطف عمر كتب:

مهدي بكش يا مبدع الدهن في العتاقي وحقيقة لقد ذكرتنا ايام مجدك في بداية التسعينات لما كان البجيب مهدي بكش في حفلتوا ما خلا شي ويا حليل ايامك وايام المبدعين من جيلك محمد كمال الدين والمرحوم الطيب كرري ومهدي الامين والنزير

ويامهدي في امل واماني وامال يلا اتحفنا يا مبدع ...

متشكرين الاخ عاطف ومن زوقك وربنا اديك الصحه والعافيه

بكرى عثمان حمد كتب:

عينى بارده عليك يا مهدى .. اخر حلاوه والله ..ويا ريت لو تنزل كل اغنياتك التى غنيتها فى تلك الامسيه ..
مع امنياتى لك بدوام نعمة هذا الصوت الاخاذ ..

اشاده من الريس دي قويه وانشاء الله الجاي احلي ياريس واوعدك بالباقي بس منتظر الراجل يرسلو لي وان شاء الله سوف تكون مكتبه كامله وذلك بتشجيعكم ووقوفكم الي جانبنا والي الامام مع تحياتي لك وللاسره الصغيره والكبيره (عمنا عثمان حمد)

صديق الرضي كتب:

والله ايام يا زمان
ببكي واتحسر عليها
وما بقول العشنا كان

وقوووووول للزمان ارجع يا زمااااااااااااان

وحليل زمن الصبا

ما شاء الله عيني باردة

دمت موفور الصحة ابو مصطفى

الغالي صديق الرضي حليل ايام زمان وذي ماقلتي لوقالو للزمن ارجع ماحايرجع عشان كده بكون زكره حلوه وايام جميله شاركنا فيها جميع اهلنا في الحصاحيصا ومبسوطين خالص لانهم اهلي الحنان

وتحياتي لكل الاهل في الصداقه