استراحه صغيره( رايكم شنو لسع في امل نركب مكنه كامري)مهدي بكش

النذير كتب:

يابوكش ماشاء الله الدهن فى العتاقى قمة الابداع
يافنان يا اصيل زكرتنا الزمن الجميل وليالى الطرب الجميل
بعدين دى ما مكنة كامرى دى مكنة همر يامبدع
بى الجنبة كده شكللك بتزاكر من ورانا تحياتى لك والاسرة
ربنا يديك الصحة والعافية محبتى واشواقى

دايرين نسمع صوتك ياغالي رسل لينا حاجه حلوه كده ومنتظريين عشان نزكر الايام الحلوه والتنافس الجميل زمن النزير في حي العمده وبكش في الصداقه وعلاء في الامتداد

والله يا النزير الحمدو لله الان النت فيه كل حاجه الاغنيه صوت وصوره وكلمات ومادايره مزاكره ذي زمان لكن بيني وبينك زاكرت شويه خاصة انه طلبو مني اغنيه وطنيه وعشان كده واكرت مرحبتين بلدنا حبابا

ربنا اديك الصحه والعافيه لك وللاسره ودمت

طرفه كتب:

يا فنان يا رائع دي قرشه ميه ميه
رجعتنا لايام وايام
الصوت ما شاء الله كانه توسان قرقار
نحن كنا وين ما سمعنا بيها
تخريمه.... انت القنبله ما سمعته بيها ؟؟؟

ياطرفه يا ماسوره الناس قالو شبح وهمر ترجعني لي قرقار توسانا

تحياتي لك ولي قرقار وكل ناس الرمل الابيض في مكه مع تحيات ابوسعد

ومنتظرين القنبله

وليد العشي كتب:

مهدى بكش

الوليد الحبيب اديك العافيه وقريبا سوف ارسل ليك صابر معاك اغنيتك المفضله

جعفر قوليب كتب:

ابوالفن ياجميل والله ابداع عدييييييييييييييل كدا ....

مكنة شنو يابا ما شاء الله عليك لسه المكنة استاندر

تعال راجع وبراك تشوف مع الفضائيات ....

تخريمه : الفنان النزير من حفلات استراليا نزل لينا حاجة ان شاء الله قعدة

استماع .. وياقولك الدهن في العتاقي ... متعكم الله بالصحه والعافيه

الغالي جعفرون ايامك جميله وكل حفل انا بقدمه بشوفك قدامي وتشجيعك لي انت وكج ومعاز محمد طه

وانا كتبت لي الاخ النزير ادينا حاجه عشان نؤثق للزمن الجميل

وتحياتي لك وللاسره

صداح فاروق وراق كتب:

الصوت يا أبومصطفى إذداد حلاوة ونضجاً ، نحنا بدون مجاملة بنقول ليك بسهولة يمكنك المنافسة مع المطربين الحاليين .

تحياتى

وين يا استاذ صداح دي كلو من زوقك وانشاء الله نحاول وربنا ارد غربتنا سالمين تامين ودمت صديقي صداح

وتحياتي للوالده وكل الاسره ال وراق

عبدالمنعم ترتورة كتب:

الأخ / مهدي لك التحية
بسم الله ماشاء الله عيني باردة، كامري شنو يأستاذ دا إنت همر عديل، دا إنت فت الكبار والقدرك، لقد ذكرتنا ايام الصبا والسهر حتى مابعد الفجر، وتخييط الشوارع شارع شارع، ربنا يعيد هذا الزمن الزاهر ويجمع شمل الجميع

يارب نجمع تاني ذي زمان بدون قانون طواري حتي الصباح

وجزاك الله خيرا علي الكلام الجميل

ودمت انت والاسره بالف خير

عوض الريح كتب:

اهلا مهدى اهلا فنان الحصاحيصا الاول سابقا وحاضرا ومستقبلا رجعت عجلات الزمن وطرقت على باب الذكريات والشجن وانعشت اياما كادت تحتضر هيا ياود بكش اعد الماضى الجميل واعد المجد لاصحابه مع اننا نعلم علم اليقين بما انت عليه اليوم من اسرة واطفال ومشاغل لكن الله يعينك اطربنا ولو بالقليل . رد الله غربتنا جميعا معافين سالمين .

اديك العافيه ياخا ل وايامكم كلها عسل في الامارات

وياحليل تلك الايام الجميله ودمت انت والاسره في اتم سعاده

علاء الدين عبد المجيد كتب:

ما شاء الله شغل جميل وصوت مهدي الزمان والنهاية فعلا جميلة وهي كما هي قبل خمسة عشر عاما ربنا يديك العافية والصحة وما محتاج اي مكنة

تحياتي واشواقي وتحية للدفعة خضر

اولا بلغت ليك استاذ خضر السلام

والله يافنان مشتاقين لاغاني الخالدي والطرب الجميل ويارت لومواصل ترسل لينا حاجه في المنتدي والله نفسنا نسمع ناس زمان

انماحكيت ليك ذهبت السودان وقمت غنيت لي في عرس وبعدين غنيت اغاني زمان وقامو الشباب الجيل الجديد سموني من الامس

اديك العافيه الاستاذ علاء الدين عبد المجيد قسم السيد انت والاسره الكريمه

من الأمس أحلي من اليوم لأننا في السودان كل حاجاتنا القديمة أحلي والغناء بالذات ومن لا يطربه القديم لا يطربه الجديد وأنا لا زالت استمع الي الأمس فقط
يديك العافية وواصل في الطرب الجميل و لا تغير اختياراتك لترضي الأخرين

و الله يامهدي زي ماقلت ليك في الفيس بوك الدموع جرت في عيوني لمن سمعتك رجعتني عشرين سنه لوراء الله يديك الف عافية و يحفظك
مش تركب مكنة كامري تركب مكنة BMW

علاء الدين عبد المجيد كتب:

من الأمس أحلي من اليوم لأننا في السودان كل حاجاتنا القديمة أحلي والغناء بالذات ومن لا يطربه القديم لا يطربه الجديد وأنا لا زالت استمع الي الأمس فقط
يديك العافية وواصل في الطرب الجميل و لا تغير اختياراتك لترضي الأخرين

كلامك بالحيل جميل اخونا علاء الدين ولك مني الف تحيه ومصر منتظرين حاجه من الامس

ايهاب عبدالرحيم عوض الله كتب:

و الله يامهدي زي ماقلت ليك في الفيس بوك الدموع جرت في عيوني لمن سمعتك رجعتني عشرين سنه لوراء الله يديك الف عافية و يحفظك
مش تركب مكنة كامري تركب مكنة BMW

ما انت كلك احاسيس جميله ودندنه

لك كل الحب اخونا ايهاب ودايما سعيد يارب

الفن السابع حقق المعادلة الصعبة بين الترفيه والمضمون ولكن انجازه الفنى كان متقنا مما ساعد على نجاحه وهو اقرب الى الملاحم شكلها وفحواها

الايدولوجيا والابهار الفنى فى ثوب

شكرا شكرا وكل عام وعيدى وهامسى بكل حنان

مـــــــــــــــهدى بـــــكــــش

الدكر كتب:

الفن السابع حقق المعادلة الصعبة بين الترفيه والمضمون ولكن انجازه الفنى كان متقنا مما ساعد على نجاحه وهو اقرب الى الملاحم شكلها وفحواها

الايدولوجيا والابهار الفنى فى ثوب

شكرا شكرا وكل عام وعيدى وهامسى بكل حنان

مـــــــــــــــهدى بـــــكــــش

اديك العافيه الدكر وكل ايامك عسل

وهذا من زوقك الجميل ودمت انت وكل الاسره

مهدي بكش كتب:

الصوره من الشمال لليمين علي فضيل نائب رئيس الرابطه

الاستاذ خضر احمد نمو

ومعتصم يعقوب

ولاعب المريخ الحصاحيصا كمال ابو كديسه

انها الحصاحيصا يا دكتور علام في الغربه ودايما نحنو مترابطين ويد واحده وعفا الله عما سلف