مبنى المحاكم "شرق المايقوما" أكان ردمتوا الخور "المقام عليه المبنى" أها الموية تمشي ليكم وين يا هندزه ؟؟

مبنى في غاية الجمال
مصمم تشوفو من بعيد تقول مجلس اللوردات البريطاني
بس تعاين من قدام بس
ولو إمتد بصرك للناحية الخلفية المواجهة للمايقوما
يظهر ليك مجرى "كبري" تحت السكة حديد "قدام المايقوما"
ما بتصور المهندسين ديل ما شافو الكبري دا مع إنو يمرر بنطون
يعني العملو السكة حديد عملو لي شنو ؟؟
وبعد إكتمال البناء بدينا في الحلول
الردم
الردم
الردم
وهديك جبال أحد تراب مردوم حول المبنى !!
طيب كويس
أها والموية الردمتو طريقا دي "تصرف" ولا كيف ؟؟
دحين لو ردمتو الشريط الشرق المايقوما من المستودعات حتى السلخانة الموية ما ممكن تتجه غرباً نظام "جايي رايح" ؟؟
مسكينة المايقوما بقت في "كوز عفريت"

الصور راحت مع الموبايل في المينا البري ودا برضو داير ردم

غايتو مهندس المساحة إلا يكون "المساح علي"
في حل تاني
مالو لو بعنا المبنى لواحد من المتنفذين "إن شاء الصافي ج"
وبي قروش الردميات يعمل أحواض خرصانية تلم موية المطر
وأهو أحواض سباحة مطرية زي الزراعة المطرية
بصراحة المساحة كبيرة غير موية المطر ما بتتملي

تاني واحدة
منتزه "عائلي" شمال كبري الحصاحيصا رفاعة
من الناحية الغربية لشارع الظلط
قدام الحلة الجديدة
ميدان الشبيبة زمان
غايتو الموية بقت مقصودة زيها وزي الصحف
خاصة موية المطر وموية الفيضانات
زمان "أيام الحرازة" موية البحر بتصل لحدي بيوت ناس الطيب الامين وقريب مدرسة حميدة "إن لم تخني الذاكرة"
أسا بقت منتزع وكمان عائمي
والحمد لله البحر بقى عاقل من زمن بناء بيت المحافظ "المعتمد" الكان بتتفسح فيهو موية الفيضان حدها قريب لنادي المريخ
ولو البحر يوم قام علي جنو الحلة الجديدة تبقى البندقية إلا قليلا

إقتراح للمسئولين عن الرقابة القبلية على الخيران
تبنو مبنى كبير جهة الكنار تسمو مصلحة دحر الخيران وإحراج المياه
ترصدو حركة السحب بواسطة أجهزة اللغف المبتكر
سحابة لو في ود المنسي تترصد ويتم إجبارها على الهبوط غادي غادي
ولو مرت وفات على الاجهزة رصدها نجهز قزاز وأكياس نايلو وجراكين ونعبي
عشان الموية ما تعيق حركة القاضي "المقيم في المياه"
وما تفسد نزهة العوائم في المنتزعات
اللهم إلا إذا كنا دايرين نتخلص من المايقوما والحلة الجديدة نلحقن السوق

يعني نرحل قرية (الكيزان) أقصد القيزان يا ترتورة؟؟.

» صاحب المقام الرفيع عليه رحمة الله
» يعلم الله لفحتهن ليكم الليلة دي "ولو ما عزيزين عليّ ما بجاسف ليكم جنس المجاسفات دي".
» كبري الخور ( توجد صور )
» أغاني بعذوبة الموية "فيديو هات"
» الحقوا ناس المايقوما وجنوب الحصاحيصا