قبال شوية في شريط الاخبار في عدة قنوات
ايوة استدعاء القائم بالاعمال الامريكي
ولو راجل اللمش يقول ما جائي
عشان يشوف شُعاع
هو قايل القصة فيها هظار
دا اجتماع فيهو دول لي هسي ما عندها اذاعة
عزموهن ورسلوا ليهن حق الطزاكر
إستقبلوهن في مطار نيويورك الجديد القريب لكلفورنيا
ونزلوهن في فنادق خمسة نجوم وحاجات تانية "منوماني"
البحمينا نحن شنو ؟؟
ابصراحة وبامانة لامريكان يستاهلو الزرزة
واريت خارجيتنا لو استدعت أوباما ذات
المحن دي كلها منو
تلقاهو تحت تحت قال ليهم "أعفصو ليهو"
السبب شنو البخليهم ما يدو التاشيرة لهناي ؟؟
اكيد الامريكان بعملوا لصالح قوى اجنبية
وما بعيد الامبريالية العالمية
الراجل غسلو ليهو الهدوم وكوووووهن ليهو "مكاواة" سيف
وستفوا العفش الجلاليب والعمم ومركوب النمر الماخمج
يعني اسي يسوو شنو ؟؟
يقبل علي وين ؟؟
واشمعنى ادو "روحاني" بي عميمتو زي راس المُتُرار ؟؟
هداك من قاعة لقاعة والمترجمين وراهو كارات كارات
وكمان قاعد مع كريستيان آمانبور في السي ان ان
وبدورنا حقو نطرد القائم بالاعمال الامريكي دا وما يجي إلا يجيب ولي أمرو
عشان تاني ما يفرزو
والله أنا أكان محل الرئيس كنت أمش إن شاء الله "تهريب"
موضوع: "يقطعوا ليـها في إضنيها قالت ليهم خلو لي محل الخرز" الخارجية "الشوشانية" تستدعي القائم بالأعمال الامريكي بسبب عدم منح "التأشيرة" للرئيس !! 
الجمعة 27 سبتمبر 2013 - 20:27
