مجموعة اغاني و"تفاني" غناء قيافة و"فاتو" الناس مسافة

حلقة اليوم الخامس
السيادة للمنضمين حديثا
مكارم بشير وانصاف وهدى عربي
غناء قيافة وفاتو الناس مسافة
في هوى المحبوب
دموعي نازلة هميلة
يراني بين قفار
واراه بين خميلة

نشوف حسين الصادق قبال ما نشوف حلقة محمد عبد الله الامي
وحقيقي حسين الصـــــادق اجاد بشكل جيد جدا
وان شاء الله يواصل فمازلنا في البداية
ما يقوم يتعولق علينا عقباتن

حلقة الامي كانت متوسطة
امكن لانها جات بعد روائع ودرر الخير عثمان المدهشة
الأكثر تميز كان حسين الصادق دون منازع
بل كان اكثر ثباتا في "إنت حكمة" وما خذلنا
حسين كان غاية في الروعة لكن عاصم البنا ما خلاهو يكمل جميلو
"غايتو جنس شتارة"
وزاد ود البنا بالغمزة الماكان ليها سبب "والله كلام ورقة صحيح"
ولمن غنى ود البنا سالتو عن فؤادي في النهاية
كان أقرب للهتاف من غناء حسن عطية الرايق الممهول





قبل حسين كان سمعنا انصاف فتحي وفاطمة عمر
الاداء مش بطال طعمتو طلة هدى عربي بالبودي لانقويتش
حركة تانية قام بيها عصام محمد نور
لمن طلعت انصاف بـ أنا "الغيث" الفرج الهموم
الغيث "على ما بدأ لي" اثارت نزعات "عصام محمد نور" الصوفية وجذبته
"وعملا ظاهرة"




في الآخر جا طه في عيون الصيد وما قدر يتجاوز بداياتو المتعثرة "نسبياً"

حلقة اليوم عن السر قدور ذات نفسو
بداياتو من الاربعينات
غايتو الزول دا قاعد على مستودع وجداني ثمين
الحلقة قدما عاصم البنا "كيتاً علي وراق"
وإستهلتا مكارم بواحدة من روائع الكاشف
عاد الربيع "ما عارف جابوها من وين"
كلام بسيط ومباشر ولحن بشبه الحان الكاشف المايزة
مكارم تفوقت على نفسها وإستحقت "قيافة وفايتة الناس مسافة"
بنتظر ناس اليوتيوب ونسمعا بالرواقة الدعايات زغللت عينينا

عاد الربيع وانا في انتظار
بشوفو في الزهر النضير
بشوفو في الندى والسحاب
حسيتو في الندى والعبير

حلقة اليوم بدات رتيبة حتى جانا مصطفى السني
في المشاركة التانية في الحلقة
ظلموني الحبايب وقالوا لي انسى
وغناها السني بطريقتو هو وبما يملكه من صوت يجبرك تسمع و"تتنهف"
وتكفي عيوني نظرة
وتكفي قليبي لمسة

الحلقة بدات قبال شوية
عن ثنائية السر قدور وصاحب الالحان الشجية عزمي احمد خليل
واول مشاركة اغنيو اخر المطاف "حان الزفاف"
ومع اني زول بسمع ساي
لكن طه ما كان بستلم بشكل صحيح من الفرقة الموسيقية
وبتبقى المفارقة ظاهرة مع كل بداية مقطع
وانا ما عارف ناس الموسيقى بسمو دا شنو
بس الفرقة قيافة وفائتة الناس مسافة

حسين الصادق "لسه خائف"
نشوفو قرب المسافة كيف ؟؟

حسه خائف من فراقك
لمن يحصل ببقى كيف ؟؟
زي ورد في عز نداهو
خوفو بكرة يزورو صيف
من عرفتك كنت حاسس الزمن لي ما بسيبك
ما بسيبك
كنت حاسس رغم حبي
اني زي الما حبيبك
ما حبيبك
والحنان البينا ولى
لا نصيبي ولا نصيبك
ما نصيبك "هنا هدى روووووووحت"
والزمان عارف مصيرنا حقو لي ما كان يجيبك