مجموعة اغاني و"تفاني" غناء قيافة و"فاتو" الناس مسافة

ما معقول دا اليوم التالت ما نسمع مكارم ولا انصاف ولا هدي دي حالة اخير منها الواحد يصوم

والله خليتونى اجز قداااام فى اعانى واعانى واعزروا جهلى فى معرفتى بالناس لكن يا حسن والمحبوب دحين المجيييه

اللابسه التوب دى منو . ووحات رب البيت الاولاد مهتمين بلبسهم اكتر من كلمات الاغانى البيادوها ماعدا حسين من حلال حلقة

اليوم . ولسسسع مازلت مصره ياورقه اعرف كريم ود البناء هههههههه

نتابع اليوم الحلقة 11 من حلقات توثيق الروائع
الحلقة مخصصة لاغنيات المغني الشاعر المغني عبد الكريم الكابلي
البداية مصطفى السني برائعة تاج السر الحسن عليه الرحمة
غناء نقلنا بيهو الكابلي بين ادغال افريقيا وغابات الملايو
ولحد كبير الاغنية بتشكل منعرج حاد في مسار التوثيق
فالتركيز دائمان للغناء البسموهو عاطفي
جات بعداك انصاف فتحي في الكل يوم معانا وماقادرين نقول ليك
واطربت واشجت وفاتت الناس مسافة وتقدمت بخطى طروبة
وحسين الصادق بعمل في البدع
خلونا نتمها ونجيك وحبك للناس خلاني احبك تاني وتالت ورابع

اسيا وافريقيا

وبعد شوية نجي لانصاف في الكل يوم معانا
ولحسين الصادق الفات مسافة طويلة بحبك للناس
ولطه في ضنين الوعد اللستعاد بيها مسافة

الكل يوم معانا

حبك للناس

شنو يا المحبوب بقت سواتك مفطفطة ومشحتفة ... وكمان بقيت تتاخر على المواعيد ... انت ما فى طريقة تنزلها قبلما يبثوها!!!

يادكتور فطيت هدى عربي ولا مصطفى السني ؟؟
ما عصام محمد نور والبنا خائف من وراق
بعدين الان بتابع في ضنين الوعد بداها طه بداية جيدة
واستعجلنا الاشادة قلنا يواصل
لكنو ختما بكواريك قربت تبقى إنت كلك زينة
ياخي الكابلي يغني فيها ليهو 50 سنة ما كورك جنس الكواريك دي
ولا الناس ما قادرين يفرزو بقول في شنو
عموما طه بعد ما قلنا بدايتو كويسة خلنا ورجع في النهاية للتهريج
والبركة في حسين الصادق
تطريب عالي وشجي
لا تعرف تسمع لا تعرف تتنهف

يا جماعة وين تيكو ان شاء الله متابعة
عشان تقدر تفرز اتاريها كومر
عموما نتمنى انها تكون سمعت حسين الصادق
والاغنية دي هديناها ليك يا تيكو رايك شنو
ودا حسين الصادق ما عاصم البنا سمعتي ؟؟

في الاول ضنين الوعد
وفي الآخر اي كلام
غايتو كان سمعو الكابلي ما بسيبو

حبك للناس خلاني احبك تاني
فيك الاحساس نساني اعيش احزاني
********
ما انت نغم رنان في خيالي
ما انت عشم فنان زي حالي
عارفك ساحر ازمان قبالي
تسحر ازمان جاياك وليالي
********
كيف ما اريدك لو كان احوالي
بيك تتباهى وتزدان وتلالي
ياروح سر الالوان يا غالي
يا صاحب عظمه وسلطان ومعالي
********
كم في معناك حنان متوالي
كم في دنياك امان ياغالي
يالحسنك بيك فرحان ومتعالي
وكم فرحت بيك احزان يا حالي

يا حبو مالك ما علقت علي أداء انصاف فتحي ورائعة الكل يوم معانا واللا خايف من الجماعة ...ما عارف رايك فيها شنو لكن انا بفتكر انها لها مستقبل كاسح لجمال وقوة صوتها و طريقة الاداء السهل الممتنع تاتي في المرتبة الاولي في كل هذا الفصل الغنائي ..
بعدين تيكو عاجبا توب هدي عربي ولحدي الآن ما سمعت صوتا ودايراني اوصوف ليها كريم الوش بتاع ود ناس البناء بقول ليها دي خلطة 50% ديانا الغبيانة

لا يتفوق على المحبوب الا المحبوب فى هذا البوست الفلته ..
بوست فات الكبار والقدرو ...
والله يا المحبوب انا ما عارف حسن مالو على ود البناء ...
الفن عموما ماعون كلٌ يغرف منه حسب حوجته ..
والمثل المغربى بقول .. كل فوله خربانه عندها ديك اعور بنقدها ...
والله يا حسن دى حساده منك فى الوجاهه دى ...
رمضان كريم

ياورقة كيف ما نتكلم عن انصاف
بالمناسبة قريت كلام لشخص قال متخصص
وحسب كلامو انها ما بتعرف تغني
والسبب انها بتغني من حنجرتها "ما من الأعماق"
والصوت ماجايي من الداخل !!
عموما انصاف فنانة مافي كلام نحن بنسمع بدون فلترة
عشان كدة قلنا (( جات بعداك انصاف فتحي في الكل يوم معانا وماقادرين نقول ليك
واطربت واشجت وفاتت الناس مسافة وتقدمت بخطى طروبة ))
عصام محمد نور وعاصم البنا فترو وطه لسه عند راي مشغول بالهندام
السني ومكارم وحسين وهدى عربي اضافة طيبة جدا لحدي الان
يادكتور ود البنا بقى زي سيف مساوي في الهلال
وانا اول حاجة قلت حسن وراق "إنطباعي"
لكن عاصم ما ساعدنا بعمل في حركات ما عندها علاقة بالغنا
وعامل الحالة واحدة وانو سيد البرنامج
ودا كلو بسبب الاستمرار خلاهو يمل ويمل
فهو مستهلك والناس دايرا التجديد وهو ما عندو اكتر من ما قدم
مع احترامنا ليهو ولما قدمه
من ناحية الوجاهة فهو وجيه مافي كلام
ومرات مرات بحدر لبتاعين التقليعات طه وحسين
والله انا ذاتي بحدر ليهم قبال يومين طه جا باللبسة الاسما "البحار"
وابحر في بحور هواك والليلة فاقد مامنو "آخر المطاف"

المقدمة لحدي الان لحسين الصادق
والسني ومكارم
وانصاف وعربي
فاطمة كاتلاها المسكنة والمكياج البائس دا
ولسه ساجنة رقبتا في دعاية الحنة
وما كل الغناء حنة يا جناي
عاصم وطه وعصام دايرين جكة مش قيافة عشان يقطعوا المسافة

والله يا المحبوب قااااعده ومنتكيه ليهم جنس انتكايه مع كباية القهوة البعد الافطار . والله يعلم فى سماهو من شدة ما اتسلطنت من ود الصادق .

لمن قلت ياربى كابلى ما بخليها ليهو ؟ شفت جنس المبالغات والتطريب الوصلت ليهو . وما اكزب فى البدايه والغاااايت تلات ارباع الاغنيه

لطه قلت يا حقنو غناهو زى استايل هندامو بس بعد شويه على قولك شترها . بس دا مابمنع نزكر تمكن صوتو من اداء كتييير من الاغنيات الصعبه

بصوره حلة .

وراق هووووى النبى كان تغشنى . قال ديانا خمسين فى الميه . براااااى بحت وعرفت قالوا ليك فى كريم فى السعوديه والامارات اسمو( شيه) .انا

خليتك انت كدى يا المحبوب فتشو لينا ينوبك ثواب

ياتيكو اقعدي اسمعي لي كلام وراق لمن تلقي روحك في الهوج
وبعديم كريم الشية دا بالجمر ولا مقلي ؟؟
كدي امتثال تجي نسالا اكان لقيناهو بنجيبوا بكميات تجارية
نطلع حق الخروف
نرجع للبرنامج اليوم الحلقة 12 ومازالت مع اغنيات الكابلي
غايتو الله يديهو العافية ويرد غربته معافى قادر ياكريم
لكن اكان سمع في عز الليل عند ود البنا إحتمال يحتل قبلو ما يجي
والله الاغنية لمن انهت ما عرفتها عز الليل ولا عز النهار !!
أغاني الكابلي الله رايد ليها العوليق
السر قدور نفسو ذكر ضنين الوعد الغناها عوض الجاك كيتا علي الكابلي
عوض الجاك قال كابلي غنى واحدة من اغانيهو
واسي ما عارف كابلي غنو شنو لعاصم البنا
البركة في الفرقة واللحن الرطيب الندي

قبل من يدخل المحبوب بس داير اخصمكم بالنبي شفتو ود البناء دا بوظ في عز الليل دي كيف ويا بكري تقول لي حاقد عليك الله يا المحبوب كما نزلتها لبكري عشان يشوف العولاق دا عولق الغني دا كيف .
يا محبوب عارفك اتقطعت في Body language بتاع هدي عربي .. يا ديني النبي ياهو دا الاداء واللا بلاش
يا تيكو زبدة الشيا دي للشعر وكريم الوجه دا كما جيتي بخشم الباب ما بقول ليك
واترك المايكرفون مع المحبوب عليه السلام
هذا التعليق بعد هدي عربي و انجليزي

بعد إتجهجهنا في البداية لا عرفناهو ليل ولا نهار
جاتنا هدى عربي
خلت السر قدور يصفق بيديهو الاتنين
قال ليها دا "عربي ولا إنجليزي ؟؟"
هدى عربي آداء حركي يحرك جبال الاماتونج
بودي لانقوتش
دا غير اللفتات المفزعة
غنت نوم عيني البقى لي سهر "ساهرت بالجماعة سهر"

عصام محمد نو والله الكابلي زعلان منو
غايتو أنا جيت أسي
والبركة في مكارم الرجعت البرنامج لمسارو من اول وجديد
صوت على الهواء مباشر لا حزلقة لا تفلسف
وكانت قيافة وفاتت الناس مسافة

يا حبو ما بتفق معاك غناء الكابلي ما زي بقية الغناء
مافي زول اجاد سوي هدي عربي فقط
حتي مكارم بشير ساقت الاغنية سواقة الغنم
والعجب كان غناء عصام واللا غناء طه سليمان كلو اوف كابلي
مصطفي السني داخل في مساحة ابوداؤود ولا علاقة له بالكابلي صاحب الاغنية التي يؤديها بطريقة فريدة و متعة
هدي عربي 100% وبس والبقية دون الباص وورد

مسك ختام الحلقة (1)

يا ورقة زول بقدر يقلد الكابلي مافي
بس المحاولة تكون جادة وفق قالب الاغنية العملوها الناس ديل
لكن الجرجرة والتصويت بخل بالقالب "لغة موسيقية"
انا خائف بعد البرنامج دا تلقوني مع ناس انس العاقب
المهم مصطفى السنى اجاد والاغنية "يازاهية" بتانسبو تماما
أداها بشكل معقول وبإنضباط مع انو أدخل بعض الحليات وكانت جميلة
شوفو لمن يقطع ليك الكلام حتت يا ززززز
زاهية قلبي الشلتي جيبي
يا لا لا لا لا
لاهية
عبثك بي لو سبتي
ياخوي الناس دايرة السهل الممتنع وكلما كنت عادي بتنال الاعجاب
نشوف مصطفى ونرجع ليك للترتيب

مسك الختام (2)

لو جاز لينا ترتيب الاداء في الحلقة
مكارم غنت بطريقتها هي في نطاق القوالب اللحنية والموسيقية
وكان صوتا متميز جدا وبطرك بطربك
هدى استغلت طبيعة الاغنية الاقرب للتم تم
وزادتا بلغتها المتفردة ولفتاتها المفزعة
ومصطفى السني الاغنية وقعت ليهو في جرح وأشفى كتير من الجروح
ولو سالتني من القيافة الفات الناس مسافة ما بنقدر نتخطى الفرقة
ياخي ديل حاورو مصطفى السني في يا زاهية بمنتهى الروعة والحلاوة
بعدين يا ورقة مافي زول بقدر يقول عوض حمودي ما بعرف موسيقى
اها في اي اغنية مما يهز اكاتفي انا برفع الصوت وبجيكن جاري
"سر المهنة بقى"

» مجموعة اغاني شايقيه
» إلا يا ها .. هي ذاتا .. حبيبتي ذاتا
» مجموعة الأستاذ مزمل و مجموعة الأستاذ محمد سيد أحمد
» يا جماعة هوي البتزرزرو فيها دي ما "فاتو بنسودة" دي بت "فاروق كدودة"
» غناء العزلة ضد العزلm - الصادق الرّضي