مجموعة اغاني و"تفاني" غناء قيافة و"فاتو" الناس مسافة

"جرجرت" هواهم وقليبي إنكوى !!

التعديل بسبب عطل فني في تنزيل الفيديو

بالله اسي أمير الحسن منو ؟؟

حلقة اليوم 22 رمضان بدت قبل شوية
موضوع الحلقة الفنان برعي محمد دفع الله
ولاول مرة مافي غنا في المقطع الاول من البرنامج
لكن السر قدور قدم نماذج لالحان برعي وابداعو
وجات الاعلانات ومنتظرين
وبالنسبة لمكارم وهدى البركة في رقبتنا
واياها المحرية فيهن السر ومجموعتو
المهم اهو سامع صيحة البداية مع عاصم البنا "عجباً"

وجا مصطفى السني في هل انت معي
وحا اظلمو لو علقت لانو قال لينا اسمعو وسمعنا
ياخي مافي ابداع اكتر من كده
ثم جات المتانقة افراح عصام تحمل نسمات الدنيا والعالمين
مع "أريج نسمات الشمال"
نخلي التعليق عشان نسمع
المرة جات اكتر قوة وباصرار لتقديم نفسها
برعي وعبد الرحمن الريح الزول يربع يدي ويقبل قدامو

مصطفى السني ما بنقدر ننتظر بيهو لي بعدين
أول بأول وبي طريقتو القيافة دي دي ياهو الفات مسافة

اريج نسمات الشمال

الفحيل جاتو ساهلة "يا جمال دنيانا"
ومع جمال الاغنية وحلاوتا وايقاعها الطروب
لكنو طبظ ليهو كم طبظا وقرب يفوت والله ستر
لكن ود برعي ما خلاهو "حمر ليهو بعين حارة"
وجات بعدو رماز بملبسها العجيب البذكرك حلاوة مولد
دا ما موضوعنا لكن الرشقتني عيونو ما ادتا كويس وفق ما أرى

لو كان لبرنامج اغاني واغاني فضيلة واحدة فهو يذكرنا بالعمالقة الفاتو والمنتظرين
ونحن نئن تحت وطاة الشوق والحنين لوطننا ذلك الزاهي الاخضر ندي
لناسنا البقينا نشتهي جمعتن ونكوسا في دعاية شاي الغزالتين
وفي العينين حسرة والامل موجود والله في
وودعتكن للذي لا تضيع ودائعه
الي اللقاء ان بقينا حيين

شكرا ابو عبد الرحمن ..
تصل بالسلامه بصحبة الاولاد .. وتجد كل المحبين والمريدين باتم صحه وعافيه ...
فانت محل ما تمشى تنثر الفرح ولا تكون ريحة المكان الا ملئيه بريحة المحبوب ...
ببركة هذا الشهر المبارك ان يجعل لك فى كل خطوة سلامه ...
فلقد كان رمضان مع ابداعاتك غير ...
لم انتشى بالغناء .. ولم اطرب .. ولم اقضى الوقت فحسب بل ... فلقد استشفيت من روحانيات رمضان ابعاد اخرى من تعليقاتك واندياح حروفك التى اشبعتنى بروح القبول .. والتقبل ... اتساع الرؤيا .. فقد قيل عند اتساع الرؤية تقصر العبارة .. فلقد وجدت عندك اتساع للرؤية ووفرة العبارة .. لم تبخس الناس اشيائهم ..بل امتدحت من امتدحت ولم تزم بل اشرت الى مواضع يمكن ان تتحسن ... فهذه روح رمضانيه تغيب كثيرا عن الكثيرين .....
رمضان كريم ..

اغاني واغاني هدا طرفنا منو من ماجات المجموعة البايخة دي
اتحولت الي قناة قوون التي تبث عمل في غاية الابداع بعنوان قهوتنا تقديم نضال حسن والبشري حاولو زوروه مرة تجدوه اشيق من اغاني ويبث في وقت واحد

معقوله بس تقطعنا فى الفرقه كدا .الف حمدا لله ع السلامه

» مجموعة اغاني شايقيه
» إلا يا ها .. هي ذاتا .. حبيبتي ذاتا
» مجموعة الأستاذ مزمل و مجموعة الأستاذ محمد سيد أحمد
» يا جماعة هوي البتزرزرو فيها دي ما "فاتو بنسودة" دي بت "فاروق كدودة"
» غناء العزلة ضد العزلm - الصادق الرّضي