أغاني وأغاني 2016

مهاب عثمان اضافة طيبة

هاني عابدين
صوت قوي "مصقول"

امونة شالوها واستبعدوا ابراهومة
مع انو هو الشال الشيلة هنا

اليوم التاني منتصر الهلالية المسافة استهلالية رائعة
غناها وعبر عن حزن الملايين
وبطريقتو هو والرحمة لمصطفى
وعليه الرضوان وفسيح الجنان

ومازال منتصر متقدم "منتصر" في هذه الحلقة
ثم احمد الصادق

الحلقة التالتة اشعار محمد بشير عتيق
انا من صفاك مسحور اخلصت فيها هدى عربي
الوحيد اللغنى اغنيتين في تلاتة حلقات
والزول السمح ان قرا وان ما قرا بجيب الكتاب
غنى بعدها مهاب عثمان وصوت طيب ولكنو تهيب الموقف
ثم طلال الساتة في شعر عتيق الفيهو هظار
زي ما قال السر قدور في لحظة رقيبي واخريات
مرضان سيادتك قاصد عيادتك
ثم جمال فرفور ورانية في الامان
مهاب ورانية اصوات ثابتة وتفوقت رانية بثباتها

رانية بثبات في الامان

ثم مسك الختام مكارم
فتكرمت بالحبيب القلبو طيب
العوازل الله يجازي محنن "ضللوه"

بعيونو حلفو
ولما يحلف صدقوووو
وانا عارف قلبو طيب العوازل ضللوووووووووو

الحلقة الخامسة مختلفة
اختلفت الايقاعات
وتنوعت الكلمات
وما زالت رانية متقدمة
قيافة وفايتة الناس مسافة
البداية كانت بطلال الساتة
جات امونة عدت نجوم الليل
ونحن ادتنا نار الغرام "ضائق

فرفور ورانية في الليموني
اداء جميل للغاية
وفرفور اظنو وما كل الظن اثم
بقرا الكلام الكتبو النقاد في الموسم الفات
بقى بنطط شوية شوية وبدا اقل تكلفا
القصة مش مستاهلة
بعدين بعض المشاركين جايين من معهد الموسيقى
ودا خلاها ما يقشر بينا any more

احمد الصادق عيني عليك باردة
بدا سارحا مهموما زي ما قال السر قدور
نشكرو على الببيونه "فيونكة"
ما كان مفروض يرجع للبرنامج مرة أخرى

ست الفريق اللادن قواما
غناها طلال الساتة
ما كان في المستوى
وكتر من التبسم والتكشم برا شغلة
افتقد عمق البلبل عبد الرحمن عبد الله

احمد بركات الله يباركو لابس زي قومي مية مية
لكن الاداء ما بمستوى المشاركين
والزي القومي دا ما بتحمل

هاني عابدين الصوت القوي المدوزن
حليوة يا بسامة الفائح نساما
الريدة في قلوبنا الله يعلم ويشهد
كان مسك الختام وقدر يتقدم مسافة
يعني هو ومرتو اليوم في المقدمة
ومعاهم فرفور الله يقلعو
بقى لينا زي ناس قدرك قدرك
من الرقبة ما منفك
مع انو في الليموني كان حليوني

نتمنى ان يرتفع اداء الثلاثي
طلال واحمد الصادق وبركات
ونشوف بكرة

أجمل الحلقات لحدي الآن
اغاني واشعار عوض حسن ابو العلا
البداية ود الهلالية بصوتو العجيب دا
غنى ولى المساء واجاد لحد ما
ثم غنت امونة نالت على يدها
ونالت اعجاب الحضور
بمن فيهم سيد البرنامج
ثم احمد الصادق في ودعت هواك
غايتو اغنية جيدة جدا لكن غلبتو عديل
ولاول مرة نسمع الفرقة في وادي
والمغني يلاوي ما راضي اقلاها يتنحى
وحقيقي كاد ان ينسف روعة الحلقة لو هاني
وما ادراك ما هاني
قم يا طرير الشباب غني لنا غني
شاب في غاية الانضباط وموفق جدا في الاختيارات
اطربنا واضاف للحلقة لون ورائحة وطعم
وقيافة وفايت الناس مسافة
وراهو امونة المزيونة
ثم منتصر الهلالية
واحمد الصادق
ثم جمال فرفور رغم انو ما غنى
لكنو شوش علي المغنيين
والمستمعين والمشاهدين قطع شك
غايتو لو محل ادارة البرنامج بمنتجو بمنتجو

فيديوهات حلقة الامس ما لقيت الا اتنين
والتالت بتاع احمد الصادق
وقبل ما نجيبن دخلت هدى عربي
باسباب سهري الما معروفة
السر قدور قال لنتى العير كلمات ابوقطاطي
واللحن علاء الدين حمزة
والاغنية تستحق التوثيق
تجلت هدى عربي وسوت البدع
والله لمن قالت "أكشف يا طبيب
يا طبيب
يا طبيب
وأخدت ليها ميلة "كدي بالجنبة علي السر قدور"
عمك رقد سلطة
وهو يردد أستر يا لطيف
يا لطيف
يا لطيف
المهم نشوفا

ياورقة اين ما كنتم يدرككم الطرب
وانت كنتم في بروج مشيدة
قبل السر قدور ما يجي
نسمع هاني في قم يا طرير الشباب
حلقة اول امبارح فاتتنا لاسباب طارئة

ودي امونة المزيونة
وقد نالت منا ما لم تنله يد