يا مطر عز الحريق درس في الاداء الجاد الصادق وقدر ينقل احساسو لينا دون لولوة والنصري لو ما غنى تاني تكفيهو وبالمناسبة الفرقة الموسيقية كانت ورا الجمال دا كلو والكورال "الشيالين" أضافو بعد عجيب كدي النسمع النخلي الكلام الكتير
يا ما شايلك فيني حايم .. لا اليالي المخملية لا العمارات السوامق .. لا الأسامي الأجنبية بتمحى من عيني ملامحك .. وإنتِ جايهِ المغربيهِ .. داقسهِ دايشهِ المغربيهِ وشك المكبوت مكندك .. سمصونايتك زمزميهِ كون شبر طوريه منجل .. سبحه فانوساً مدردح .. قلتي بيهن لي زمانك .. يا زمان الآهه حدك .. يا زمان الحاجة عندك .. لا تطي الوردة الصبيه
غايتو الاغنية دي لخبطتت كيان ولسان حالنا ندارق الحريق أمامنا والمطر في روسينا لا تطى الوردة الصبية لا تطى الوردة الصبية لا تطى الوردة الصبية اسماعيل عبد الجبار لعب بالكمنجة زي ما عايز وشال المطر وخمد نيران الحريق فالتحية ليهو أينما وكيفما كان
من الامس الفيديوهات بقت زي قنوات الكورة ننتظر بعد اللاعبين يمشو اهلن حتى نقعد ننطط لقون ضفر او سادومبا امس هدى عربي غنت باجادة تامة اختارت غناء ناسبها تماما وساعدو الباكات اليسار واليمين كل عكسة بي قون "وجع يوجع القال ليكن طلقو منو "
المحبوب أحمد الأمين
موضوع: رد: أغاني وأغاني 2016 الجمعة 24 يونيو 2016 - 8:45
حلقة الخميس حلقة مفارقة بكل المعاني وإن شاء الله طول عمرنا لا نشوف حزن لا نشوف جفا دي رائعة علي السقيد مع هاني عابدين معاهم الكورس والفرقة الماسية غناء مغلف بالأشجان والاداء البقسم القلب
المحبوب أحمد الأمين
موضوع: رد: أغاني وأغاني 2016 الجمعة 24 يونيو 2016 - 8:49
المحبوب أحمد الأمين
موضوع: رد: أغاني وأغاني 2016 الجمعة 24 يونيو 2016 - 20:02
عادت مكارم بشير للمقدمة تاني بمساعدة مقدرة جدا من الفرقة والمرة دي في الغنا الخفيف مافي اي مشكلة خفيف ولا تقيل ابيت الناس وابيت خلاني خاصمت الكل علشان حباني
حلقة مميزة بمعنى الكلمة الفصيح من الغنا السوداني ويا فصيح لو ابتليت ما تصبح البداية مهاب عثمان تعالي واسمعي اغنية لابوداوود الحان برعي محمد دفع الله ثم مكارم شربنا من رحيق الصد والهجر كلام ما بتعقب ولا يجوز لغير المختصين نحن ناس طرب ساي لكن مكارم اظهرت صوت مطرق ياريت تستمر وتجود وربنا ياخد بيدها ويهدي ليها سر الموجهين والشعراء والملحنين ثم جات هدى عربي ياعازف الاوتار وعزفو ليها لمن قلنا شكرا وكانت بحق رائعة جدا وجميلة في الحضور الزاهي ثم حسين الصادق وبالمناسبة بدا يستعيد اراضيهو شذى زهر ولا زهر وقد كان مقبولا عموما الحلقة دي الاوسكار فيها لمكارم ثم وهدى قيافة وفاتو الناس مسافة ثم مهاب وحسين وبحرس ناس الفيديوهات نلفح منهم ان شاء هدى عربي كيتا علي وراق
لمن فاتو متابعة الاغاني بعد البرنامج دي الحلقة 18 وتجلى فيها الشباب غناء مختلف تماما شجي وطروب وحسين الصادق ابدع في السكة الندية والفرقة المرة دية كانو عمالقة كعادتهم واهدونا اجمل الالحان وفرقوا علينا هم السواد واللواد وجزاهم الله خيرا اسماعيل وحذيفة واكرد وسعد الدين ورجعتي القلب في الدقيقة 27:37 يوسف الموصلي جاب اللحن دا من وين الله وحده اعلم نسمع ونرجع لي ابوداود وصلاح محمد عيسى وكابلي القمم الانيقة السامقة
نتونس شوية ونسمع رجعتي القلب يدق تاني الاغنية دي بتوقف القلب لا يدق لا ينبض ومع اني ما بتكيف لاولاد الصادق بحس بانهم مشوشين واحمد صوتو لحق الصح لكن علي السقيد رجع حسين الصادق للواجهة تاني بي رجعت القلبر يدق تاني دقديق ساي والاوسكار قاب قلبين او ارهف الفرقة والايقاعات المرة دي ليها دور في تحريك "الحتات" يا قول عبد الرحيم المتوالي
المهم امس كان الاوسكار الحقيقي للراحلين ابوداود وصلاح محمد عيسى وبرعي الغناء بالفصحى وتالق مهاب عثمان في رائعة ابوداود في لحن العذارى تعالي واسمعي لحني عن الحب وماضينا كلام مختلف والحان قل ان تجود بيها هذه الازمنة ثم مكارم في ثلاثية مهدي محمد سعيد وصلاح محمد عيسى وكان في الماضي ثم هدى عربي في عازف الاوتار مالك على قلبي اشعلت فيه النار من جمرة الحب يا عازف الاوتار بازرعة والتاج مصطفى وتجلت هدى "طبعا احسن ما تتجلى" غايتو ياورقة كان جليت دي تاني شغل الشروق اخيرا حسين الصادق شذى زهر ولا زهرو وكان الحلقة الاضعف في الليلة مع جمال الاغنية ومحاولتو الجادة في تقديم الاغنية فهل في غير الهوى سحرو "الواو دا واو ضم وجرجرة"
وللقهوة نصيب في امسياتنا الرمضانية ولحدي ما نرجع للسر قدور نشوف ناس قهوتنا في الفضائية السوداني ونركز على نمات فهيمة وكان لقينا طريقة نجيب كلام البشرى ونضال الطاعم عاد لمتين مباري الصيا يا الداقوي ارجع ليا
أعادنا هاني عابدين لمرتع الابداع نعم الاغنية من الدرر وإن غنيتا أنا الهامل دا بطرب لكن هاني بصوتو المميز غناها بطريقتو هو دون تقليد وأظهر محاسن الدرة ساعدتو الفرقة كالعادة
موضوع: رد: أغاني وأغاني 2016 
الإثنين 20 يونيو 2016 - 19:09
