امس برضو هاني بمشاركة المجموعة يانسيم روح لها وحيها
وقبل شوية بدات الحلقة التامنة هدى عربي والمشاركات الكتيرة اتعبتا وتالق عصمت البكري وما اظن اليوم في زوةل يلحقو غنى تخاصم يوم وتصالح يوم ثم منتصر عزيز دنياي ونشوف البقية وعصمت البكري متقدم
الله يجمع لينا بالفيديو أو التسجيل مكارم بشير غنت كما لم تغني من قبل "النهاية" يوم ، في يوم غريب "هاشم صديق" ملكة صوتية ومقدرة على التطريب عاتية إستفادت كتير جداً من التوجيهات الأدوها ليها فضبطت صوتها وطوعته في هذه الأعنية زي ما أرادت وإستلمت المستمعين في الاستيدو من البداية إلى النهاية ولا فرفرة ساعدوها ناس الايقاعات وأكرد وسعد الدين لا حول ولا قوة الا بالله فبكى السر قدور بي حرقة ووالله بكيت معاه وكان لقيت طريقة كنت أقالدو أغاني وأغاني الليلة هبشم العضم فليتحسس الجميع دموعهم يا مصعب كيفك كدي النتم البكاء وبجيك راجع
يا دكتور نقول ليك صابحني دائما وابتسم تقول علينا حيدر حدربي مسامحك يا حبيبي رمضان كريم وكل سنة وانتو طيبين واخبار نلقط فيها لقيط مع الرائع عبد الله ربنا يشفيهو
البداية توثيقية لفترة قبل 50 سنة اسماعيل عبد المعين ورجوعه السودان وتكوينو لفرقة البساتين وحكى السر قدور قصة لقاء صحفي معه هاجم فيهو الوسط الفني ومحاولتو ايجاد هوية للاغنية السودانية وقدور قال عبد المعين هو من ابتدع ايقاع الزنجراب "زنج وعرب" وبعدها ادت المجموعة واجب الاوطان باداء كورالي رائع ثم احمد بركات غنى ياحلاتو المقرن يوم الخميس بالليل البداية عبقة وموعودين بابداع ما بعدو الدعايات قربت تخلص خلونا نتواصل
حكى السر قدور عن ميلاد عبد المعين في بحري 1912 ووفاته في 1984 واحتفل بيو موريس حنا من دمنهور وخلد ذكراه 1984/5/28 بمقال عرضه على السر قدور ودي خلت السر قدور يقول قولته احتفل بالوطن فليحتفل به غنا حسين الصادق ست العربية ومهاب عثمان حديقة البلدية الفين مساء وتحية غناء يجد طريق ممهد لوجدان دون حزلقة ولولوة ونتونس ونتلم بي كباية الشاي دي لمن الله يجمع بالفيديوهات
عبد اللطيف كيف الحال لعلك والاسرة الكريمة في امان الله رمضان كريم وزتصوموا وتفطروا على خير البرنامج لسه ما ركز والتغيرات الكتيرة جهجهت النظر وزمان كان محصور في الفة وحميمية اسي شتتنا بعدين الديكور دا ينفع في برامج الحوار والكلام الكتير الغنا مرة وقوف ومرات جلوس الليل كلو نلوس بس ناس المعهد اثرو بشكل ايجابي جمال فرفور بتصرف كانو قاعد في سهلة يقابض ويهابش بلا سبب احمد الصادق هو في جهة والناس في جهة السر قدور في القه وحضورة المذكر وقاعد يستعد وبذاكر كويس جدا ودا درس للشباب ديل هدى عربي كترت من اللعب العالي عن طريق الاطراف ولحدي اسي هاني ومكارم وعصمت في المقدمة ونشوف اليوم ونرحب بابو صلاح السمؤل واهلاح بي صلاح ذات نفسو وكل سنة وانتو وصلاح بالف طيبة يا اخي الفاضل
موضوع: رد: أغاني وأغاني 2016 الجمعة 17 يونيو 2016 - 7:30
لسه انا واقف عد عتبات مكارم ونهاية هاشم صديق وسيد خليفة في واحد من المواقع لقيت الفيديو دا قصة الاغنية الحكاها هاشم صديق في حضور "المجني عليه" مكي سنادة
لظروف خاصة جدا ما قدرنا نتابع معاكم حلقات البرنامج ويعلم الله كيف الواحد بيخرم لقهوة هذا الموقع ببهاراتها المبهجة وجيت داخل البيت قبل شوية ولقيت الارض صانة وتاوقت بهناك علي ناس اليوتيوب البقو يعظمو الشغلانة لكن بصراحة وقفت واتنحت وشدتني الناس القيافة قيافة وفايتين الناس مسافة وغناها عصمت البكري وفي الحقيقة الاغنية شجية وتستحق الوقوف رغم الاداء الهتافي وعصمت ومكارم بشوية ضبط بنكون موعودين بمغنيين حقيقيين
بقينا نقرا سطر ونفط سطر التلاتة حلقات المضت كانت عادية وفي رايي كمستمع فقط ان الاحساس بالتغني ضعيف للغاية اليوم استمعت للحلقة بداها بركات سليم الزوق الجمالك صار متعة للابصار الاغنية ناسبت طريقته تماما ولمن تاكد من ذلك قعد يتلولو فابطا في الايقاع ولعل لتجربته دور كبير او اثر في الاداء المنوم جاء احمد الصادق واليوم كان احسن من اي حلقة سابق ومازال يقاوم في مشكلة الصوت والولد دا ما عارف مالو اداء معسم ويكاد يرقى لاداء الواجب المدرسي ويبدو انو ليهو معجبين ولكل فولة كيال جمال فرفور اداء مال فيهو لتهريج وفارق الاتزان يوم وليلة اللبس قاطعو من راسو وكمان كبدي ومشخت لا معروف عراقي ولا معروف جلابية غايتو البركة في هدى عربي مع انها زايداها كوز موية ما خلاص عرفناك سمحة ما تغني ساي عاملة يديك المحززات ديل "وجع يوجع" اما اوسكار الحلقة كان للنصري في رائعة حميد يامطر عز الحريق ما خليت زول ما اتصلت عليهو قلت ليهو اسمع اداء باحساس عالي جدا ساقنا لمكامن الشجن سواقة من لا يخشى القفر اليباب وغنى من دون طنبور وأجاد وكفى ووفى أعاد ذكرى العملاقين مصطفى وحميد الرفدو الناس بسيل من الاشجان والرحمة لهما ومع الصديقين والشهداء أها كمان ناس الفيديوهات جابوهو أفرش وتخين قفلو كل الطاقات البنعاين بيها وما تحضر في النيل الازرق صعب تلحق المهم حا نجرب نسجل الحلقات دي مباشرة وتوقد نار وتصبح رماد أما مطر الحريق الليلة إلا ما ينزلوها بس نحرسن كدي وللصباح
موضوع: رد: أغاني وأغاني 2016 
الإثنين 13 يونيو 2016 - 17:22
