خميس خفيف .... عليكم

.

محمدكمال السر كتب:

.

الجيش بيعمل اكتر من كده

كل خميس وانتو بخير ....
عريس شايقي قالوا ليه حمام الساونه ب50 الف قال ليهم شطفوني ......

مسطول قامت ليهو حبه في عينو وقف قدام المراية وقال : دي (ع) وله (غ) أصلو ؟
ههههههههههههههههههههههههههههههههههههههههههههههههههههههههههه
والله احلي من كده مافي ياراشد
الله يديك العافيه ويجعل خميسك خفيييييييييف

قال ليك رباطابي (شغال في السكة حديد) أبوهو مات في عز الليل والواطه برد شديد (أصبعك ما تقدر تمدو).
أها عندو جارو ما حضر الدفن..
الرباطابي (فقدوا في المقابر لكن ما كلم زول).
** الصباح زولك جا شايل شايو وداخل (توووووش كبابيهو تكركب) قال ليهم:
كيف أصبحتو ؟؟؟
الرباطابي قالو : أصبحنا عندنا بكا (أدينا الفاتحة)!!

هههههههههههههههههههههههههههههههه
خميس خفيف عليكم

احلي خميس علي احلي ناس
راشد الجاك لااسكت الله لك حساً

ايمان الحاج كتب:

احلي خميس علي احلي ناس
راشد الجاك لااسكت الله لك حساً

شكرا بت الحاج ......
هو الخميس جا متين ؟؟؟؟؟؟؟؟

يا راشد احنا خميسكم ده الا نصبح عليهو قبل يوم
يا جماعة راعوا فروق الوقت

دا اول خميس لي معاكم انشاء الله يكون خميس خفيف علينا كلنا

خير الامور الوسط
واحد من اهل الوسط اول مرة في حياتو يمشي الخرطوم لقي واحد من اهل الوسط في الخرطوم زول الخرطوم قال لي صاحبنا انا الليلة حاكرمك كرم عجيب قال داير تعشيني باسطة قال ليه باسطة شنو انا حادخلك كورة( هلال * مريخ) صاحبنا اتكيف صاح دخلو الاستاد صاحبنا في المقصورة قاعد يعاين في السماء زول الخرطوم قال ليه الكورة ما عجباك قال ليه لا لا لكن داير اشوف كلمة( مباشر) وينا

واحد طلبة(بناء) شاف الخرطوم اتملت ابراج(برج سوداتل _برج السودان_برج الفاتح)شاف القصة ناقصها برج الجدي والعقرب قال احسن يبقي ترزي اول قميص اللياقة في النص الزرائر بالجنبة سيد القميص قال ليه دا شنو قال ليه ولا تعزل مع البياض بيجي

مسطول بتكلم مع حبيبتو بالماسنجر لمن اهلها زروهو قال ليهم دا ما خطي

مسطول قال اشترئ لي حبيبتو تلفون سوداني قال ليها العرس لمن ينتهي الاستقبال

واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان

مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في الحصاحيصا أواصل ولا أرجع

جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. لكن عليك أن تعرف أن أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي

سوداني يدرس مسائي انطفت الكهرباء سجلوه غياب
سوداني إنضم للقاعدة قالهم داير عليكم الله تحطوني في الخلايا النائمة
سوداني جالس مع لبنانيات سألوه وش جلسك مع الورد قال والورد ماداير سماد
سوداني جاله ولد أبيض عيونه زرق شعره أشقر سماه.... المستحيل بزاتو
سودانية رايحة المدرسة ونافشة شعرها ليه أسبوع الشجرة

مسطول في رمضان
جاء ماشي في الشارع شاف الزير مندي وبارد قام حضنو وقال ليه ويييين يا مرطب

رباطابيه ذهبت المستشفى لعلاج بتها الصغيرة وهى صائمه وعند الرجوع بتها اصرت الا تشيلها الام رفضت بحجة انها صائمه فردت بتها انا قلت ليك ضو قينى ولا شيليني