خميس خفيف .... عليكم

هاك دى ....
شايقية فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية .....

وكمان هاك دى ....
مسطول فتح الراديو لقا أغنية أنا افريقي أنا سوداني. المقطع بتاع اشرق نورا بقت شمسين قال والله صحي دي ما سخانة شمس واحدة .....

وتانى كمان واحدة لبت الحاج ...
واحد مسطول عندو دقن خش الجامع اول مرة جاهو واحد قايلو شيخ سالو قال ليهو يامولانا انا فاتتني ركعة وما عارف اعمل شنو المسطول قال ليهو في زول شافك قال ليهو لا ... قال ليهو اعمل نايم ....

حللللللللللللللللللللللللللللللللوه ياراشد
ونور لينا خميسنا بي طلتك وماتعمل نايم

حاضرين يا ايمان .....

محمدكمال السر كتب:

جعلى اول مرة يركب طيارة شاف المضيفة واقفة قاليها على الطلاق كان تقعدى واشمع انا

لالا ما تحرف النص شايقي

mohamed ali كتب:

محمدكمال السر كتب:

جعلى اول مرة يركب طيارة شاف المضيفة واقفة قاليها على الطلاق كان تقعدى واشمع انا

لالا ما تحرف النص شايقي

دا من شوايقة وييييييييييييييييين يامحمد
البيقيف لي مراه ويحلف عليها دا كمان؟

كل خميس وانتو طيبييييييييييييييييييييييييييييييييين

واحد بيغازل مرتو قال ليها لو كنتى بالهند كان
عبدوك قالت ليه يعنى انا ملاك؟؟ قال ليها لا بقرة

...رباطابي ولدو بتعلم في المشي... يمسك في السرير ويمشي من الاول لاخر السرير ويرجع ...ابوه شافو قال ليهو ياولد بتفتش في اذاعة لندن .....

ياناس وين الخميس ؟؟؟؟؟

شايقى متعصب كالعادة مرتبو مليون خصمو منو خمسين جنيه تبرعا لاهل غزة قام اتبرع بالباقى لاسرائيل ......

....
في طالب بليد دخل الامتحان وهو ما قاري ولا ناقش أي حاجة ولحسن حظه الاسئلة كلها أجب بلا أو نعم. قام طلع شلن من جيبه وبقى يرمي طرة صاح كتابة غلط، انتهى في زمن وجيز وقياسي عاوز يخرج لقى لسه زمايله ما خلصوا رجع تاني وطلع الشلن قال عايز يراجع الاجوبة

....
جعلي سألُوهو عن الغُربه كيف قال والله الغربه شِدة ما حاره تلاقي الشايقي في الشارِع تسلِم عليهو ..

....
بصراحة دى عجبتنى شديييييييييييييييييييد

واحد اسمو بله شين شنه شديده ولدو ليهو ولد جارو رباطابي جاء يبارك ليهو الولد لقه الولد شين شنه قال ليهو حقو تسميهو زاد الطين بله .....

راشد محمد الجاك كتب:

....
بصراحة دى عجبتنى شديييييييييييييييييييد

واحد اسمو بله شين شنه شديده ولدو ليهو ولد جارو رباطابي جاء يبارك ليهو الولد لقه الولد شين شنه قال ليهو حقو تسميهو زاد الطين بله .....

ههههههههههه وعجبتنا نحن للاخر يا ود الجاك

...
سائق تاكسي مسطول جداً مرخم بمزززززاج

- تلاته طالبات قالن ليهو يا بتاع التاكسي نحن ماشات اركويت .

قال ليهن :-امشن خلاص بس ما تتاخرن ....

حلووووووووووووووووووووووووووووة ....
تسلم يا عمر ......