ياخوي ده عندكم هناك عندنا هنا الجوء صحو والمزاج مستيقظ والشعور متوثب علي راي العملاق الفاضل سعيد طيب الله ثراه بؤرة الشعور والشعور بوره حتجي تقول لي ياستااااااااار تاني
قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
واحدة بلدياتنا عينوها مضيفة في سودانير .. اول رحلة طلعت فيها جات للكابتن سألتو :اها نغرف العشا؟ ..................................................... واحد قال لي رباطابيه بريدك قالت ليهو ص. ب. 144 ...................................................... رباطابي زوجته وضعت له ولد بيشبهو شبه شديد عاين للولد وقال لزوجته دي بطن ولا مكنة تصوير .......................................................................................... سألوا الجعلى ليه إتزوجت القبيحة دى فوق مرتك السمحة ديك ؟؟ الجعلى : الشينة دى لى حليفة الطلاق !! ........................................................ شيخ جامع قطع إشارة المرور الحمرا ركن علي اليمين وسجد سجود سهو ..................................................... إمرأة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد كل ماالاستاذ يقول دخل حامد تقوم المرة تغطى وشها ولما يقول خرج حامد تفتح وشها لما رجعت البيت زوجها سأله اها الليله ادوكم شنو؟ قالت ليه هو حامد خلانا نقرا طالع وداخل فينا ................................................................... مسطول طالع من الدكتور بيتكلم مع روحه ضب في صحن؟ .. لا لا سحليه فى جك؟ .. لا لا قعونجه فى جردل؟ .. لا لا تمساح فى بانيو؟ .. لا لا رجع للدكتور تانى وقاليهو: إنت يا دكتور قلت عندي شنو؟؟ قاليهو : عندك سرطان فى الحوض ......................................................................... . رباطابي داير يطلع جنسية الضابط سأله قاله ليه انت سوداني الرباطابي قاله لا أريبا
الخميس خفيف عليكم يا معشر الشباب بصراحة يادوب صاحين و عوزين ناكل الفول ونحرك الدماغ و نصحصح الجمجمة ونرجع ليكم تاني بس قلنا نحرك الشباب اليوم 8-4-2010م
هربتى ايمان الحاج ؟؟؟؟ هاك دى ... في حلة الرباطاب جابو ليهم استاذ محسي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها ... فرد ليهو واحد شافع: جاء فعل ماضي ناقص، التاء تاء المحس، محمد فاعل...
واحد جابت زوجته بنت الساعه الثالثه مساء, ضبح البنت وقال, ما عندي بنات تجي اخر الليل. ........................................................................... واحد ماشي بالشارع سأل مسطول قاله البنك دا فاتح..؟ قال ليه لا غامق.. ........................................................................ في واحد سكران امسكته دوريه الشرطة, قالو له اركب, قال: لا, انا بسوق ....................................................................... ثلاثة أخوان نا يمين في غرفة ومشغلين المروحة علي رقم خمسة...دخل أبوهم بالعصا وقال يا كلاب ثلاثة والمروحة على خمسة ........................................................................... واحد أحول... راح يسجل في الجيش... حطوه في قسم القصف العشوائي ........................................................................ واحد مسطول بالغلط دخل متحف للفن الحديث وقف عند احد اللوحات وسال احد المنظمين بجانبه ايه الشكل المرعب ده. هو ده الفن اللي بتسموه حديث؟ رد المنظم : ولكن هذه مراية ياسيدي ........................................................................ دكتور بسأل مسطول:الضغط بطلع معك، رد االمسطول:مرات بطلع معي ... ومرات بطلع بتكسي .................................................................... خطييييييييييييييييييييييييييييييرة !!!!!!! واحد بسأل صاحبه: مرتك من النوع النكد ؟ قالو: ليه .. هو في نوع تاني؟!!
مساء الخير جميعا لواء ساق ولدو معاهو المكتب أول ماالعربية دخلت الضباط والعساكر وقفو تعظيم سلام ،الولد بعد ابوه دخل سأل السواق انتا الناس ديل كان بعملو كده لشنو؟ رد السواق عشان ابوك اللواء وهو الكل في الكل هنا الولد قاليهو طيب لو جاتهم امي كان عملو شنو
مر سكران أمام مقر المؤتمر الوطني الخرطوم وهو يترنح ، تصدي له الحرس ليقودوه لبسط الأمن الشامل القريب ، فما كان من السكران إلا والهتاف بصوت عالي : سير سير يا بشير يسقط يسقط أوكامبو الرد الرد كباري وسـد طلع واحد من مبني المؤتمر الوطني وبعد أن عرف الحاصل أمر العساكر بإطلاق سراح الرجل الوطني ، ومنحه مبلغ مليون إلتفت السكران لأقرب تاكسي ، وركب في المقعد الخلفي . سائق التاكسي : علي وين يا أخونا . السكران : المؤتمر الوطني بحري ...
موضوع: رد: خميس خفيف .... عليكم 
السبت 20 مارس 2010 - 6:58
