ما لايقتلنى.........يقتل غيرى..يوميات شماشى(الحلقه الثامنه والاخيره)

..المحكمه..حكومتنا انتشلتكم مما انتم فيه وها انت متعلم مثقف وتريد ان تديننا نحن اولياء نعمتك ..انت هنا ..برغبتنا..انت هنا بفلوسنا..وانت هنا نسخه انسانيه محسنه بعلمنا..ولن نسمح لك ولا لغيرك ولا لمن يحملون افكارك ولالمن يعجبون بها ولا لحنين يداعب خيالك بالرجوع الى وطنك الا من خلال ان تطيع وتطيع وان لا تنطق الا..ب ..نعم سيدى..يااخى نحن لا نستعبدكم ..نحن نرتقى بكم انسانيا وحضاريا..ونحميكم من انفسكم ومن بعضكم..الحريه ونلتموها..وغادرنا بلادكم بعد عمارها ..وها انتم ..اتيتم الى بلادنا واعطيناكم المال والعلم والان فقط تريدون ان ترجعوا لاهلكم وبعوننا وبعضكم يريد البطش بالاخر ايضا بعوننا ومالنا وسلاحنا..وكل هذا ..دون مقابل..لابد من مقابل ..وماسردته هنا وما حكيته وماتريد ان تغسل به عمالتك لبلدك بأدانتنا لن يجد آذان صاغيه وعقدة الشعور بالذنب التى تلتبسك الان مجرد مساحات تنفيس نفسى نحن نحدد مداها ومساحتها ولمن تعطى ومتى توقف ..وغيرك من لم يأتو بما كنت عليه حين اتيت..اخذوا واخذوا..ولا بد من الدفع... الشماشى ها.. ها.. ها وبضحكه هستيريه..ها انت سيدى القاضى تحاضرنى وتتهمنى وانا الشاكى وتصدر على الحكم ..فى بلادنا مشردين..وعندكم لابد من دفع الدين.. وان عدنا جواسيس وخونة..ياسيدى انا مجرد شماشى لا افهم فى السياسه ولا اتعاطاها ..انا ابن حرام زى زيكم فانتم لا تتزوجون الا بعد ان تلدوا ..وتجربوا..انا سيدى اريد ان ادين الانسانيه والمجتمعات دون دين ولا لون ولا انتماء ولاتحيز..احلم مجرد حلم والله حلم دون سابق خطه ولا اعداد ولا تربص ولا(عشما) فى ان يكون حقيقه ..حلم..ان نعطى لبعض خيال ان نرى بعض كبشر دون مال ولاجاه ولاسلطه ان نكون نحن الشماشه فى اوطاننا فى مجتمعاتنا غيرمنبوذين لذنب لم نغترفه..وان نكون عندكم غير مستغلين..وان لاتمنو علينا بعطايكم..سيدى اريد من محكمتكم الموقره شهادة براءة من الشمشنه وشهاده الايزو للجوده الانسانيه وشهاده بحث ملكيه حرة لذاتى واننى ملك نفسى..مادمت لا امتلك شهاده ميلاد..وماعندى مشكله انشاء ارخص فى بلدى ويركبو لى لوحات (شمشاى)ويفتشونى كل سنه وكان مارخصت ..يخالفونى(يعنى يقطعو لى مخالفه انشاء ام تلاتين جنيه) او يسكونى من زقاق لى زقاق ..وكان فترت اركن.....................اها يا احمد الحصل شنو بعد داك انشاء الله حينشروا مقالك ده..احمد اقول ليك شنو يا خالده جريدة وافقت على نشره لكن وحياتك رئيس التحرير قال لى ياخى انت خيالى ونرجسى وكلامك ده الفاضى منو يقراهو ياابنى كتر لى من تحقيقات القتل والنهب والشمشره على كم صوره لفاتنه حسناء متدليه الشفاه محمرة الوجنات يكونوا قبضوها فى كشه..او لقاء مع سياسى من اى حزب قلبو على السودان ويورينا رؤيته المستقبليه للاندماج ما بين السودان ودوله الاماتونج الصديقه..او وا ..وا.......وبعدين عملت شنو يااحمد... وحياتك ..اخذت القصه وعملت ليها سناريو وو ديتها القنوات التلفزيونيه ..قناه قالت لى الموضوع انصرافى وخرافى وبفتح لينا ابواب جحيم مع جهات ..معناها ما شايفه شغلها وحا يسألوهم عن وعن وعن وعن...ومازهجت مشيت لى قنوات خاصه وحياتك يا خالده تصدقى برامجهم ما فيها ولا (فرقه) الخطه البرامجيه كلها مكتمله لعام ..بى برامج الحنانه فلانه ..وخبيره التجميل (المطيره عويناته) فلتكانه..والرقاصة( بالجنبه) بالدلوكه هنايه.............خالده..وبعدين حاتعمل شنو.......وحياتك غيرت نهايه القصه وخليت ليك ..الشماشى كتلو شماشى تانى..والشماشى التانى كلتو شماشى تانى..وقامت حرب شمشانيه ..وانقرض الشماشه على وجه الارض ..وآخر زعيم للشماشه فى ارزل العمر وهو الذى يحكى يومياته.. كالهنود الحمر..قلبت القصه لانها قتلت معها ادانتها للمجتمع بانقراض ثورةالشماشه...............................والنهايه مفتوحه