للعاشقين لمطبخ سيدتي

علي فكرة لو اي واحدة حابه الأكلات السودانية والعربية تتصل بمنال العالم (قصدي هنوية خلف الله )

ممكن نبتدي بكعك العيد علشان الناس داخلة علي العيد بس المهم انك تجربيها
وياريت تطلع حلوة
المقادير
1/2كوب سمن
2/ 1كباية زيت
3/ ملعقة كبيرة كافور
4/ ملعقة باكنج باودر
5/ ملعقة صغيرة ملح
6/ كيلو دقيق سيقا
7/ كبايه حليب
الطريقة
تخلط جميع المقادير وتوضع جانبا
تجهزي القوالب بتاعتك علي حسب زوقك وتقطعيها
وبعدين تجهزي الفرن بدرجة حرارة مناسبة
اهم حاجة لما تسحني السكرللتزيين تعملي معاه نشاء ولما تجي تسكري الكعك تسكريه بعد ما يبرد خالص
وبالهناء والشفاء
مع تحيات الشيف هنوية

والله ياهنو ابدعتي في الحركه
انا اصلا كان نفسي تتعمل صفحه ذي دي بس قلت اروق شويه من موضوع العياده ميه ميه

سيــــــــــــقا نجيبو من ويييييين نحن ؟؟؟ ههههههه

مشكورة اختي وتسلمي طلب خاص انا مشتهي لي ام رقيقة ذي بتاعت الاعراس ديك كيف اعملها اها انشوف شطارتك (رياله ديك ) اسمها دحن عرفتيييييييييييييها ؟؟؟؟

كل الــــــــود
وكلــــــــــنا حصـــــاحيصـــــــا

علي فكرة يا حافظ ما الا سيقا المهم اي نوع بس طبعا يكون جيد اما بالنسبة لأم رقيقة دي ساهلة جدا يا سيدي احفظ عند المقادير :

1/ نصف دجاجة أو نصف كيلو لحمة ضان
2/ بصلة واحدة متوسطة
3/3/4 لتر مويه
4/ ملح , فلفل اسود , كسبرة , ثوم حي وشطة لو حبيت
الطريقة :
نضع المويه في النار نقطع عليها الدجاج أو اللحم والبصل بعدين نضيف البهارات بعد ما تغلي جميع المقاديرممكن نذيد كمية الموية شوية
بعدين تطلع اللحمة او الدجاج لوحبيت وتحمرهم علي الزيت علي نار هادئة
بعد كده تلايقها بالويكة لو الويكة سمحة ملعقة واحدة بس علشان تطلع ليك خفيفة بس لازم الكسرة تكون حاااااااااامضة وبالهنا والشفاء

والله ياهنو كان مااختي كان اقول ده الشيف البجيبوها في التلفزيون واعيش علي الوهمه دي
ميه ميه

يا اسامه السيد ممكن الرجال يخشو هنا ولا للسيدات بس لو ممكن عندي اساله كتيره

شكراً يا محمد علي المرور الجميل وذي ما انت بتقول ابقي داخل مع انو انت عندك ماماإحسان ماشاءالله عليها لكن اوكي انا كمان ممكن استفيد منها عبرك ويلا هات اول سؤال انا مستنياك

ياهنويه ادينا وصفه بتاعت فسيخ سريعه كدا

إنت يا محمد الفسيخ هناك تلقاه وين خلينا نرسل ليك واحد جاهز من هنا انت بس أدينا العنوان
وانا ليك علي اظبطه ليك من هنا وارسلة ليك

ياهنويه نمستى


صاحبي جا من السودان جاب معاو فسيخ بدره وادني منو شويه وداير اعملو

يا محمد ازيك اخبارك انشاءالله ما تكون خرمجت الفسيخ اها يلا اديك الوصفة اول حاجة
1/ شوية زيت في النار
2/ تحل الفسيخ البدرة بشوية موية وتقلبه مع الزيت في النار لغاية ما يستوي
3/ شوية بهارات علي زوقك ولازم فلفل اسود وشطة
4/ 2 ملعقة صلصة أو معجون طماطم
5/ فول سوداني (دكوة )تحلها بشوية موية وتضيفها
6/ بعدين ممكن تضيف شطة خضرة وفلفلية خضراء للتزين (يعني أثنا الطبخ بدوك طعم حلو ) وبالهناء والشفاء

hanoya khalafalla كتب:

ممكن نبتدي بكعك العيد علشان الناس داخلة علي العيد بس المهم انك تجربيها
وياريت تطلع حلوة
المقادير
1/2كوب سمن
2/ 1كباية زيت
3/ ملعقة كبيرة كافور
4/ ملعقة باكنج باودر
5/ ملعقة صغيرة ملح
6/ كيلو دقيق سيقا
7/ كبايه حليب
الطريقة
تخلط جميع المقادير وتوضع جانبا
تجهزي القوالب بتاعتك علي حسب زوقك وتقطعيها
وبعدين تجهزي الفرن بدرجة حرارة مناسبة
اهم حاجة لما تسحني السكرللتزيين تعملي معاه نشاء ولما تجي تسكري الكعك تسكريه بعد ما يبرد خالص
وبالهناء والشفاء
مع تحيات الشيف هنوية

تحياتي اليك وصفة لازم نجربه ,,,,,,,,,مع انو يا داب الكعك خلص لكن ما بطال معانا العيد الكبير جاي ,,,,,,,,,,,,,والحجاج جايييييييييييين ,,,,,,,,,,,تسلم ايدك ذي الاكلناها

عليك الله لوجربتي الطريقه وطلعت طريقه سمحه رسلي شويه انا نفسي في كعك كعععععععععععععععععععااااااااااااااااااااااااااااااااااك

hanoya khalafalla كتب:

يا محمد ازيك اخبارك انشاءالله ما تكون خرمجت الفسيخ اها يلا اديك الوصفة اول حاجة
1/ شوية زيت في النار
2/ تحل الفسيخ البدرة بشوية موية وتقلبه مع الزيت في النار لغاية ما يستوي
3/ شوية بهارات علي زوقك ولازم فلفل اسود وشطة
4/ 2 ملعقة صلصة أو معجون طماطم
5/ فول سوداني (دكوة )تحلها بشوية موية وتضيفها
6/ بعدين ممكن تضيف شطة خضرة وفلفلية خضراء للتزين (يعني أثنا الطبخ بدوك طعم حلو ) وبالهناء والشفاء

الوصفة قريبه من صاح بس ناقصة ليمون
ياودكمال معزوم فيسخ في.........

يازعيم ماغنارا مالاقي دكوه عشان اجرب ليك الطريقه ماسوره ولا ظابطه ولو طلعت ماسوره ياهنويه يحلك الله ويازعيم حدد محل العزومه وانا بجيك تمل نادو بونا دلهي اي محل بالقطر بالبص بالطياره بس حدد

محمد كمال السر كتب:

يازعيم ماغنارا مالاقي دكوه عشان اجرب ليك الطريقه ماسوره ولا ظابطه ولو طلعت ماسوره ياهنويه يحلك الله ويازعيم حدد محل العزومه وانا بجيك تمل نادو بونا دلهي اي محل بالقطر بالبص بالطياره بس حدد

استاذ الهلال

الزعيم كتب:

محمد كمال السر كتب:

يازعيم ماغنارا مالاقي دكوه عشان اجرب ليك الطريقه ماسوره ولا ظابطه ولو طلعت ماسوره ياهنويه يحلك الله ويازعيم حدد محل العزومه وانا بجيك تمل نادو بونا دلهي اي محل بالقطر بالبص بالطياره بس حدد

استاذ الهلال

استاد مازنبي كيف

محمد بالغت فسيخ عدييييييييييل

لكن جد ما قصرت يا هنوية لا اقصد شيف منال على المعلومات

اززززززززززييييييييييييكم يا شباب
وشكرا علي رفع المعنويات

بس يا محمد كمال الحاجة الوحيدة الناقصة علي قول الزعيم هي الليمون
وخلي رؤيا ترسل ليك الدكوة وحايكون الفسيخ مية المية وعلي مسؤليتي

محمد كمال السر كتب:

الزعيم كتب:

محمد كمال السر كتب:

يازعيم ماغنارا مالاقي دكوه عشان اجرب ليك الطريقه ماسوره ولا ظابطه ولو طلعت ماسوره ياهنويه يحلك الله ويازعيم حدد محل العزومه وانا بجيك تمل نادو بونا دلهي اي محل بالقطر بالبص بالطياره بس حدد

استاذ الهلال

استاد مازنبي كيف

مانطلع من الموضوع
الموضوع للسيدات العاشقات للمطبخ فقط
وشكلنا دخلنا غلط علي العموم متاسف للسيدات العاشقات للمطبخ
وياود كمال خليك في الفسيخ وماتنسي الليمون والدكوه حارسلها لك Don't worry

MY PEACE

يعني يا زعيم ما مشكلة ممكن نغير الإسم ونخليه للعاشقون للمطبخ ونشيل السيدات دي برة

hanoya khalafalla كتب:

يعني يا زعيم ما مشكلة ممكن نغير الإسم ونخليه للعاشقون للمطبخ ونشيل السيدات دي برة

ماكان من الاول لكن مشكله اعملي البيريحك
يا استاذة هناء

hanoya khalafalla كتب:

يعني يا زعيم ما مشكلة ممكن نغير الإسم ونخليه للعاشقون للمطبخ ونشيل السيدات دي برة

برضو مافهمت حاجة يا هنويه