للعاشقين لمطبخ سيدتي

تسلم يابوحميد والله سؤالك في محلو انا ذاتي مابعرفم

يامحمد كمال امتكشوده تسال ودجيرانه ود الجاك والتركين ده هى الملوحه حقت الشوايقه ممكن تسال صداح والكول ده اكله من الغرب .

اقتباس :

من طرف سماح تلودى في الخميس يناير 27, 2011 9:12 pm

يامحمد كمال امتكشوده تسال ودجيرانه ود الجاك والتركين ده هى الملوحه حقت الشوايقه ممكن تسال صداح والكول ده اكله من الغرب .

يا أم دانية :
الملوحة دي أكلة بتاعة محس والتركين من أكلات الدناقلة ، من أكلات الشايقية الحصرية أكلة أسمها السبروق أو الكداد ، لو بتتذكري حبوبتنا أم الحسن رحمها الله كانت بتزرعو في الحوش الكبير .

ياجماعه عندى سوال مهم انا كل مااعمل لقيمات مابطلع تمام افيدونى .

اقتباس :

من طرف سماح تلودى في الأحد فبراير 13, 2011 11:04 pm

ياجماعه عندى سوال مهم انا كل مااعمل لقيمات مابطلع تمام افيدونى .

يا أم دانية سلام والأسرة :

الظاهر ناس المنتدي ديل ما بيعرفو يعملو اللقيمات !

ياسموحه معليش والله اتأخرنا عليك وصداح شال حالنا
ماح اقدر اديك مقادير ظابطه بس تقدير
1/2 كيلو دقيق - ملعقه كبيره خميره - 1/4 ملعقه صغيره ملح
مويه علي حسب العجنه - لازم العجينه ماتكون تقيله خليها لينه شويه عشان تكون ظابطه معاك بعد ماتتخمر حمريها في الزيت
اهم حاجه ماتنسي ترسلي منها لي صداح وبالهناء

والله ياصداح كلامك صاح الظاهر الجماعه كلهم مابعرفوا لقيمات
ويامهاد بجد شكرا ليك على الوصفه وصداح حقه جاهز بس يجى يشيلوه

أها يا أم دانية :

اللقيمات طلعت كيف ؟

شنو يا ود الجاك :
خلينا ليك التشيكن بروست لاحقنا في اللقيمات ؟

ياصداح القيمات طلع رهيب وحاتاكل وتدعى لى .
.وراشد ده خلى فى الشكن بروست وحايندم عشان مااكل لقيمات ام دانيه .

جماعه الخير سلام

عملت سمك محشي بالخضار
علي الفرن لكم ما ظبط معاي

ممكن اعرف اي انواع الخضار احشي بيها السمك

سلام الاخ سعيد
دايما السمك المحشي بكون محشي بقدونس او كسبره خضراء ومابتكون كميه كبيره بس ممكن نضيف ليها جزره مبشوره وشوية جبنه بيضاء ولازم نتبله كويس (خل وملح وفلفل اسود وكسبره ناشفه وليمون ) ونرش عليه شوية شمار قبل ما ندخله الفرن وبالهناء وانشاءالله المره الجايه يظبط






9

مهاد كل الشكر
واتمني ا ن يظبط المره القادمه
وماذا عن محشي ورق العنب
وهل ممكن من غير سلق الورق؟؟؟؟؟؟؟؟؟؟؟

اقتباس :

من طرف سعيد في الخميس فبراير 24, 2011 10:15 pm

مهاد كل الشكر
واتمني ا ن يظبط المره القادمه
وماذا عن محشي ورق العنب
وهل ممكن من غير سلق الورق؟؟؟؟؟؟؟؟؟؟؟

ورق العنب يا ناس

الشكر لك اخ سعيد بس بكل اسف ماعندي اي فكره عن محشي ورق العنب
وماحصل جربته اعمله قبل كده لعدم توفره في السودان.........

مهودة يا عسل

شايفة الأكلات تطاقش

والله تسلمي حبيبتي ويعطيك الف عافية

اقتباس :

من طرف صداح فاروق وراق في الإثنين فبراير 28, 2011 1:26 pm

من طرف سعيد في الخميس فبراير 24, 2011 10:15 pm

مهاد كل الشكر
واتمني ا ن يظبط المره القادمه
وماذا عن محشي ورق العنب
وهل ممكن من غير سلق الورق؟؟؟؟؟؟؟؟؟؟؟

ورق العنب يا ناس

hanoya khalafalla كتب:

مهودة يا عسل

شايفة الأكلات تطاقش

والله تسلمي حبيبتي ويعطيك الف عافية

وين ياهنوية اكلاتك وحمدلله ع السلامة

جوعتونا
عاوزين تونا
وين التونه
ممكن شرح لعمل
مكرونه بالفرن وهل ضروري اللحمه فيها

سلاااااااااام ياناس ......الاخ سعيد اسفين جدا علي التأخير طبعا من اهم مكونات المكرونه بالفرن اللحمة المفرومة ..
المكونات : ربع كيلو لحمة مفرومة
كيس مكرونة عاديه او اسبكيت
جزره متوسطه مبشوره
فلفليه مبشوره
بصله متوسطه مبشوره
جبنه
3 ملاعق كبيره دقيق
2 كوب حليب
1ملعقه صغيره قرفه
1ملعقه صغيره سكر
ملح
6 بيضات
الطريقه : نجهز اللحمه اولا بان نضع اللحمه والبصل والبهار والملح والزيت علي النار ونحركهم حتي تستوي اللحمه وتصبح جاهزه للاستعمال نضيف ليها الجزر والفلفليه والجبنه
نسلق المكرونه ونتركها تبرد شويه ونضيف اليه خليط اللحمه السابق ونخلطهم جيدا
نضع الدقيق وملعقتين من الزيت او السمن علي النار ونحركهم حتي يتغير لون الدقيق ويميل الي اللون الذهبي او البني نضيف اليه الحليب بالتدريج مع التحريك ثم نضيف الملح والسكر والقرفه ونرفعه من النار نتركه قليلا ثم نضيف البيض واحده واحده ونخلي واحده للوجه
نضع طبقه من خليط الدقيق (البشاميل) علي الصينيه المستخدمه ونوزعه جيدا ثم نصب جزء من البشاميل علي المكرونه ونخلطهم مع بعض ونصبهم علي الصينيه ونوزع باقي خليط البشاميل من فوق ونوزعه كويس ثم نضرب البيضه المتبقيه ونصبها علي الوجه مع رشة سمنه اوزبده وندخلها الفرن حتي تستوي ويصبخ لونها ذهبي غامق نتركها تبرد شويه ونقطعها وبالهناء

تحياتي وشكري علي المجهود
انا عملت المكرونه كما تفضلتي

ولكنها
احيانا تتكسر
ونصحوني بان اغسلها بعد السلق حتي تنظف من النشاء
هل صحيح

المطبخ نايم نوم شديدالحاصل شنو