للعاشقين لمطبخ سيدتي

يا عفراء والله للأسف الشديد ما شفت مساهماتك في المطبخ الا اليوم

طبعا مباااااااااااااااااااااالغة أول حاجة حأمشي أعملها التحلية بتاعتك دي

بعدين ماشاءالله عليك شكلك ست بيت ممتازة

وانا كمان حأنتظر مساهماتك كمان


تسلمي وتقبلي تحياتي

ياهنويه والله مشتاقين اخبارك شنو قولتا القاك هنا لكن برضو مالقتك
اسمعيني ياخي انا جعان شديد شوفي لي اي حاجه انشاءالله فسيخ كسره بسكر
انا في انتظارك
طاب يومكم

يا زعيم والله ليك وحشه

انت اختفيت وين يا ولد

المطبخ مليان انت بس كده أدخل لجوة

تقولي شنو الظروف واخبار الدكتوره شنو عليك الله ابلغيها تحياتي
ياخي المطبخ مليان كراميل وسمن وشغل كبار دا فوق فهمي
انا داير حاجه تملي بطني

هنوية ازيك وين انت ووين ابداعاتك الناس بعد الجوطة الحاصلة اليومين دى الجوع قاتلها يلا بطلى كسل

يا حمادة انت اليلة جعان شديد شكلك

خليني أمخمخ واظبط ليك اكلة كاااااربة

يا حمادة جهز الحلة وولع النار علشان

اوريك بعملو حلة المحشي كيف

حلة محشي ظاااااااااااابطة حا تاكل صوابعك وراها يا حمادة

اولا

المقادير :

الخضار ذي ما تحب

اسود ...كوسة ...طماطم ...بطاطس ....فلفليه وانتو الفلفليه عندكم متوفرة بكل الألوان (أخضر...أحمر...أصفر )

لحمة مفرووومة ......أرز ......بقدونس ...

البهارات ....ملح...فلفل أسود...كسبرة ....توم مفري ....او اي بهار من البهارات اللي انت بتحبها

صلصة طماطم ....ليمون أو خل .....شوية زبيب

الطريقة :

بتعرف يا حمادة تقور الخضار(تقرقر ) براحة شديد عشان ما يخرب

بعد داك تغلي الأرز في شوية موية بملح وما يستوي خالص علشان حاياخد نار تاني بعدين

يضاف الأرز المستوي مع اللحمة المفرومة ويضاف اليهم البقدونس بعد تقطيعة وتضاف شوية صلصة وكل البهارات السابقة للخلطة

ولازم الليمون والزبيب بس ما تكتر الليمون يعني بس نص ليمونة نقوم بحشو الخضار بالحشوة السابقة

نضع حلة التحمير علي النار وعليها الزيت ويتم تحمير الخضار المحشي علي نار هائة (ما بالضرورة الخضار يتحمر شديد )....

يتم عمل الصوص كالآتي ....

اضافة صلصة الطماطم وقليل من الماء والبهارات والزيت والخل والتوم مع بعض وتوضع جميع المقادير في إناء واسع ونضع عليها

الخضار المحشي علي نار هادئة حتي يستوي ....

ويا حمادة بالهناء والشفاء

اوعي تاكله في الليل ده بيعمل ليك وجع بطن

السلام عليكم ياادمن ممكن تنقلو لينا منتدي الاسره

رمضان كريم تصومو وتفطرو علي خير

الله اكرم يا هنويه انتى عزابتك ديل ما بحلو ولا شنو قسم الحلويات مفتوح ولا ما معترفين بيه زيك ؟ هههههههههه

هنويه تحياتي ورمضان كريم وشكرا علي الأكلات الظريفه .. ممكن تقبلي مني الأضافه دي عشان العزابه ديل ورمضان وكده ....( ملاح النعيميه ) ٢حبه بصل كبيره - ٢ حبه طماطم - كاسه كبيره زبادي - ٢ ملعقه كبيره دقيق - ملعقه دكوه - ٢ فص توم - بصله صغيره - بهار(ملح وفلفل وذرة سكر) الطريقه : نقطع البصل ونحمرها ثم نضيف الطماطم ونقلبه مع البصل ونضيف الزبادي ونتركه حتي يختلط مع البصل والطماطم ويغلي شويه نطفي منه النار ونتركه يبرد شويه ونضيف باقي المقادير ونخلطه في الخلاط أو نستخدم مفراك الكهرباء بعد خلطه نضعه علي النارونضيف الملح والفلفل والسكر ومكعب مرقة بعد الغليان نضيف الويكه ونفركه ثم نضيف ملعقة سمنه علي الوجه وبألف هناء

ام مازن كتب:

الله اكرم يا هنويه انتى عزابتك ديل ما بحلو ولا شنو قسم الحلويات مفتوح ولا ما معترفين بيه زيك ؟ هههههههههه

منو يا عسل العزابه ديل خليهم بعد يظبطو أكلهم ده يقبلو علي الحلويات الرهيبة بتاعتك ...........

مهاد فارس كتب:

هنويه تحياتي ورمضان كريم وشكرا علي الأكلات الظريفه .. ممكن تقبلي مني الأضافه دي عشان العزابه ديل ورمضان وكده ....( ملاح النعيميه ) ٢حبه بصل كبيره - ٢ حبه طماطم - كاسه كبيره زبادي - ٢ ملعقه كبيره دقيق - ملعقه دكوه - ٢ فص توم - بصله صغيره - بهار(ملح وفلفل وذرة سكر) الطريقه : نقطع البصل ونحمرها ثم نضيف الطماطم ونقلبه مع البصل ونضيف الزبادي ونتركه حتي يختلط مع البصل والطماطم ويغلي شويه نطفي منه النار ونتركه يبرد شويه ونضيف باقي المقادير ونخلطه في الخلاط أو نستخدم مفراك الكهرباء بعد خلطه نضعه علي النارونضيف الملح والفلفل والسكر ومكعب مرقة بعد الغليان نضيف الويكه ونفركه ثم نضيف ملعقة سمنه علي الوجه وبألف هناء

الله يكرمك ورمضان كريم عليك وتصومي وتفطري علي خير يا رب يا مهاد وبصراااحة ملاح نعيميه ظااااااااااااااااااااابط ولا أحلي من كده
يلا يا مهاد يا عسل انتي وأم مازن وباقي الشباب سدو الفرقة لغاية ما افضي للمطبخ ما عايزين العزابه ديل يجوعو في رمضان ده
لأني بصرااحة ما قادرة أوفق بين مطبخنا في البيت ومطبخ المنتدي لكن نحاول ....

ملاح الويكاب


أنا عارفة اتو في ناس ما بتحب ملاح الويكاب بالذات أهلنا الشوايقة هم أصلا ما بعرفو

لكن يا جماعة ملاح الويكاب ده بالجد حاجة روووووووووووووووعة

المقادير

لبن حليب

شوية ملح

شطة حمراء لااااااااااااااازم

قطعة صغيرة من الويكاب

شمار (اللي بيتعمل في الفول بالجد ضروري شديد لأنو بديه طعم عجيب )

ملعقة صغيرونه سكر وممكن كمان نصف مكعب ماجي واخيرا ويكة

الطريقة

بعد ما اللبن يغلي تضيفي عليه الملح والشمار والشطه والسكر والماجي

وبعيها تضيفي الويكاب بعد ما تحليه بشوية موبة ولما تشوفي اللبن بقي لونه مايل

للون الأخضر ترخي عين البوتجاز شوية وتضيفي الويكة لغاية ما تحسي قوامه بقي

مظبوط ................وانا متأكدة انو حا تاكلو وما حا تدو زول معاكم علي فكرة رهيييييييييييييييييييييييييييييييييييييييييب

وبالهناء والشفاء

المقادير والطريقه ::

- خمس كاسات حمص ينقع في ماء ليله كامله




- كاس بقدونس
- كاس كزبره
- بصله متوسطه
- نص كاس شبت طازج او ربع كاس ناشف



- ملح وكمون




- بعد ما نقعتي الحمص تفرمينه بالفرامه مع بقية الاغراض ما عدا الكمون والملح
- تفرمينها مرتين يعني اذا فرمتيها كلها ترجعين تحطينها بالفرامه مره ثانيه
- بعدين تحطين الملح والكمون




- وقبل ما تقلينها تحطين ملعقه صغيره بكنج بودر
وتشكل باله الفلافل او باليد


- وهذي بعد القلي

العجة بالبيض

أكلة ممكن تتعمل في أقل من ساعة ولذيذة

دي مقادير ممكن تأكل مجموعة لا بأس بها

مقادير العجة :

قطعة بطاطس ..قطعة جزر...قطعتين طماطم...قطعة فلفلية خضراء

3 بيضات ...لحمة مفرومة مقدار قبضة اليد ....ملعقة كبيرة باكنج باودر ...ملعقة كبيرة دقيق

ملح .. فلفل أسود ...كمية من التوم .... كسبرة .... نصف ليمونة والبهارات اللي تحبيها

الطريقة :

يقطع الخضار مربعات صفيرة خالص أصغر ما يكون

تضاف اللحمة المفرومة والبيض والدقيق والباكنج باودر للخضار والبهارات لغاية ما تتجانس مع بعض

يسخن قليل من الزيت في المغلاة وتوضع العجينه بشرط علي نار هادئة حتي تستوي وتغلب

بالجهة الأخري بعديها تقطع لمربعات وتقدم ساااخنة

ممكن تضعي الخلطة في صنية الفرن في درجة حرارة مناسبة لغاية ما تستوي وتقدميها ساخنة

وبالهناء والشفاء

مطرح ما يسري يمري

طبعا ان بحب ملاح الويكاب ده حب ماعادى زكرتينى ليهو هسه....وان بعملو من غير الشمار ده نمشى نجرب بالشمار نشوفوا كيف ... وتسلم ايدك يااختى

OMIMA NANA MOHAMED كتب:

طبعا ان بحب ملاح الويكاب ده حب ماعادى زكرتينى ليهو هسه....وان بعملو من غير الشمار ده نمشى نجرب بالشمار نشوفوا كيف ... وتسلم ايدك يااختى

الله يسلمك من كل بلاء يا اميمة

بالهناء والشفاء ومطرح ما يسري يمري

والله يا هنويه خطييييييره ونص ما شاء الله عليك

ام مازن كتب:

والله يا هنويه خطييييييره ونص ما شاء الله عليك

تسلمي يا منو ده بس من زوقك

تعرفي يا منو بحب المطبخ لدرجة ما تتخيليها ودايما بلقي نفسي فيه

لما اكون زهجانة ومافي برنامج بختار واحدة من اتنين يا اما امشي المطبخ يا إما اقرأ روااية

ودايما بلجأ للمطبخ

تسلمي يا منو ...وانتي كمان ماشاءالله عليك خطيرة في الحلويات

عليك الله ياهنوية ملاح ويكاب جاضم في العيد وفي الفطور جهزية من هسى

حسين خلف الله كتب:

عليك الله ياهنوية ملاح ويكاب جاضم في العيد وفي الفطور جهزية من هسى

سحس والله نحنا مستنينك بفار ق الصبر

انت بس تجي ملاح ويكاب وملاح روب وكل الحاجات البتحبها حا نعملها ليك

تجي بالسلامة انشاءالله..............