للعاشقين لمطبخ سيدتي

Rouaa SHouayeb Jebreel كتب:

محمد كمال السر كتب:

Rouaa SHouayeb Jebreel كتب:

هنويا والله ماشاء الله جد مطبخ ماشي تمااااااااااااااام اهنيك

بتعرفي تعملي بيض ولا تقطعي سلطه

خليت ليك العرفة يا محمد انت انا عارفة روحي اتعلمو انتو وبالله علم محمد دا معاك كويس

محمد بعرف يقطع بصل كويس ومره قلنا لي قطع سلطه اكل الطماطم كلها اكلنا بصل بس وانا ماقاعد اخلي يخش معاي المطبخ

ياود السر كلم هنويه خليها تخبرنا الشيه بالجمر بعملوها كيف

ياهنويه ماطابحين ولا شنو المطبخ فاضي مافيهو اي لحمه ولاحله سمك
الحاصل شنو اسي ناكل شنو يعني كسره بسكر ولاشنو

يا زعيييييييييييييييييييم معزوم معانا بكرة فطور عشان بكرة عندنا ضبيحة برضو
وبعمل ليك مرارة كااااااااربة ومعاها شية جمر انت بس ما تتأخر

كيف اصبحتي يا هنويه انا جيييييييييييييييييييييييييت وجاهز

hanoya khalafalla كتب:

hafiz ahmed كتب:

هنوية بكرة الجمعه وعيزين نعمل مفروك

الخضرة جاااااهزة ورينا الطريقة

لانه انور ودسكو من بعد الصلاه ح يجو يورقوها

يلا جهز الخضرة والكسرة
اول حاجه
المقاادير :
2 بصله
1/2 كيلو لحمة (ممكن دجاج أو ضأن )طبعاً بالدجاج أحلي
بهارات (ملح ,شطه, كسبرة ،ثوم ،شطه خضراء )

الطريقه عمل الشوربة العادية
البصل +اللحمه +الموية +البهارات ما عدا الثوم والشطه الخضراء توضع جميع المقادير علي النار
لغاية ما تحس انو اللحمة استوت
تطلع اللحمة برة وتجيب الخضرة الورقوها ليك انور وديسكو وتختها مع الشوربة لغاية ما تحس انها دابت (ماما صفيه بتضيف عليها شوية جردقة أو كربونات بس ما تكترها )
بعدين تجيب مفراكة الكهربا ء وتديها فركه بسيطة كده
ممكن بعد داك تضيف التوم والشطه الخضراء والشطة الحمراء
لو حبيت ترمي اللحمه بعد داك ممكن بتديها طعم احلي
وبالهنا والشفاء

نمستي
ياهنويه بفتش لي مفراكه لي اسبوع وما لاقي ممكن اخلط الخضرة ولا ماممكن والجردقه والكربونات ديل ما اظن يتلقو ممكن بدونم ولا لا

مع انك ما بتستاهل يا ود كمال لكن نلقي الاجر من الله ممكن تخلطها بس تفتح الخلاطه وتقفلها علي طوالي وتكرر العمليه دي اكثرمن مره لحدي ما تحس انوا التخلطت لكن ما ناعمه خالص يعني ذي الفاركها بي يدك [الكنش]والكربونات اكيد ح تلقاها بس ما عارفه في الهند اسمها شنوا وانت مالك ما وصيت ود جبريل يجيب ليك معاه العطرون ولا بالك في الفول واخيرا احزر تكتر الشوربه نتاعت الملوخيه يعني لو ملوخيتك ربطتين ما تزيد من كاستين شوربه عشان تطلع ليك تقيله وطاعمه

هنادي بندي كتب:

مع انك ما بتستاهل يا ود كمال لكن نلقي الاجر من الله ممكن تخلطها بس تفتح الخلاطه وتقفلها علي طوالي وتكرر العمليه دي اكثرمن مره لحدي ما تحس انوا التخلطت لكن ما ناعمه خالص يعني ذي الفاركها بي يدك [الكنش]والكربونات اكيد ح تلقاها بس ما عارفه في الهند اسمها شنوا وانت مالك ما وصيت ود جبريل يجيب ليك معاه العطرون ولا بالك في الفول واخيرا احزر تكتر الشوربه نتاعت الملوخيه يعني لو ملوخيتك ربطتين ما تزيد من كاستين شوربه عشان تطلع ليك تقيله وطاعمه

علم وينفذ وشكرا ياحبوبه
انا البرضو المابستاهل دا كلو عشان خليت بتك وخطبت بت ايمان الله يسامحك

يا هنادي يديك العافية حبيبتي
انا مشغولة وما قدرت ارد علي محمد ده
وانتي ما قصرتتسلمي
محمد انا ما قلت ليك وريني الحاجات الناقصة ليك كلها عشان ارسلها ليك مع محمد

hanoya khalafalla كتب:

يا هنادي يديك العافية حبيبتي
انا مشغولة وما قدرت ارد علي محمد ده
وانتي ما قصرتتسلمي
محمد انا ما قلت ليك وريني الحاجات الناقصة ليك كلها عشان ارسلها ليك مع محمد

انا نسيت والله ماكنت خاتي الخضره في راسي ولا متخيل بجي يوم اعمل خضره بس هفت لي صباحيه كدا خرمه بتاعت اي حاجه من ريحة السودان لا كن في زول تاني جاي و بكلمك

اها يا محمد عملت الخضرة ولا لسه ما لقيت الكربونات
علي العموم ما مشكله خليها شوية لغاية ما ارسلها ليك


اها تاني عايز شنو
نفسك تاكل ايه

ازيك هنوية جينا متاخرين لاكن قلنا نشارك
المقاديـــــر:


¤ مجموعة كبيرة من العذابة
¤ عدد لابس به من الخبز حسب كمية العزابة
¤ صحن آخر مقاس
¤ كمية لانهائية من موية الفول وقليل من الفول.
¤ موية جبنة
¤ بصل أخضر
¤ طعمية
¤ تونة
¤ شطة حاااااارة
¤ طماطم
¤ زبادي
¤ شماااااااااار
¤ زيت


الطريقـــــة:


يغسل الصحن جيدا، ويقطع الرغيف حسب حجم الفم، ثم يصب ماء الفول علي الرغيف حتي يغمره تماما، ومن ثم تنثر حبيبات الفول للزينة، وتضاف المقادير أعلاه تباعا وحسب التسلسل يعني آخر حاجة الزيت.. وبكدة يكون البوش جاهز للأكل.. واحد.. إتين.. تلااااااتة.
وبالهنا ‏

قلت احلي ليك بعد ما تاكلو بالهناء طبيخ هنوية دا
طبعا الشتاء دخل واى زول حيقول محمد دى مجنون ولاشنو ايسكريم فى البرد دا،بس للعلم انسب حاجه عشان تتدفى تاكل ايس كريم ودى معلومة مؤكدة
اسى دى طريقه ساهله عشان تعملى بيها الايسكريم جربوا وورينى رايك

المقادير

1كوب من اللبن

1كوب من السكر

1كوب من فاكهة الموسم

2صفار بيض

2ملعقة من النشا

2عصير ليمونة


طريقة التحضير
يغلىءالفاكهة على النار مع نصف كمية السكر ويضاف عصير الليمون

تغلىءاللبن مع باقى كمية السكر ويضاف النشا بعد ان يذاب قليل من الماء ويضاف الفانيليا

وبعد ان يبرد الخليطان يضاف البيض يصفى ويترك بالثلاجة لليوم الثانى وبعد يوضع بالماكينة المخصصة للصناعة

الايس كريم حتى ينعم ويتماسك وبعد يحفظ بالفريزر داخل وعاء بلاستيك

اما فى عدم وجود ماكينة ايس كريم يوضع الخليط داخل الفريزر ويقلب كل ساعة حتى ينعم ويتماسك
ملحوظة هامة
---------------
فى حالة الحصول على ايس كريم فانيليا يحذف عصير الفاكهة وعصير الليمون ويتم عمل باقى الخليط وفى حالة الرغبة

فى الحصول على ايس كريم شيكولاته يمكن اضافة نصف كوب كاكاو للبن اثناء الغليان

طبعا يا محمد مبارك مبالغة
بوش ذي البوش مع انو انا ما بحب الفول
لكن البوش بتاعك ده خلاني اشتهي الفول


اما الآيسكريم كده اديني فرصة اظبطه ليك واوريك رأي فيه
وبعد ما اعمله ما حأدي معاي ولا زول عشان بحب الآيسكريم شديد

hanoya khalafalla كتب:

طبعا يا محمد مبارك مبالغة
بوش ذي البوش مع انو انا ما بحب الفول
لكن البوش بتاعك ده خلاني اشتهي الفول


اما الآيسكريم كده اديني فرصة اظبطه ليك واوريك رأي فيه
وبعد ما اعمله ما حأدي معاي ولا زول عشان بحب الآيسكريم شديد

هنوية اعمليو ووريني بس الله يستر من التسمم

رؤى شعيب جبريل كتب:

hanoya khalafalla كتب:

طبعا يا محمد مبارك مبالغة
بوش ذي البوش مع انو انا ما بحب الفول
لكن البوش بتاعك ده خلاني اشتهي الفول


اما الآيسكريم كده اديني فرصة اظبطه ليك واوريك رأي فيه
وبعد ما اعمله ما حأدي معاي ولا زول عشان بحب الآيسكريم شديد

هنوية اعمليو ووريني بس الله يستر من التسمم

رؤي ما حاجاوب ليك بخلي هنوية توريك راي شنو في الايسكريم

ملاح التقلية شوفتي يا هنوية كيف لقيتي ليك منافس خطير
* ثلاث بصلات كبيرة

* نصف كيلو لحم مفروم أو شرموط ناعم

* أربع أكواب ماء

* ثلاث ملاعق سمن

* اثنين أو ثلاثة ملاعق ويكة ناعمة

* ملح - بهار - ثوم

* كوب عصير طماطم

* ملعقتين صلصة









* يفرى البصل ناعما ويحمر بالسمن أو الزيت ثم يضاف إلى اللحم قليلا من الماء ويقلب لمدة خمس دقائق على نار هادئة ثم يضاف الطماطم أو الصلصة المحلولة بالماء ويقلب الجميع حتى ينضج اللحم والطماطم ويعرف بانفصال الدهن

* يضاف الماء إلى الخليط السابق ويتبل بالملح والفلفل والبهار والثوم ويترك يغلي

* تضاف الويكة الناعمة قليلا قليلا ويفرك أو يقلب بملعقة بشدة حتى يغلظ القوام نوعا ما ويترك ليغلي حتى تنضج الويكة

* يقدم في كوره مع العصيدة أو الكسرة

* ملحوظة: يمكن أن يضاف البصل واللحم والماء والطماطم والسمن والبهار ويترك على النار حتى ينضج الجميع ثم تضاف الويكة وهذا أخف هضما وألذ طعما

وهاكم ملاح التقلية دا اكل هنئا

تسلمي يا نعمة الله
ادخلي جوة المطبخ ده وورينا ابداعاتك
اما بالنسبة للتحلية عندي ليك تحلية رهيبة بس لازم تجربيها وتوريني رايك


المقادير
1. 3بكت كريم كراميل جاهز (فيما بعد حأوريك كيف تعمليه عندك في البيت )
2. 6 ملاعق لبن بدرة
3. 3كوب ماء
4. 3ملاعق سكر (وممكن بدون سكر )
5.نص ورقة شعيريه (الشعيرية الباكستانية ) ولو ما لقيتي ممكن البتتعمل بيها الكنافة وفي حالة العدم الشعيرية العادية
6.شوية قرفة مسحونه
الطريقة :-
حمصي الشعرية بشوية سمنه علي النار
ضعي الأناء فيه الموية واللبن والسكر في النار مع بعض لغاية ما تغلي بعدين أضيفي عليها الكريم كارميل وبعد ما تتقل شوية اضيفي عليها الشعيرية المحمصة
واتركيها في النار لمده 10 دقايق علي نار هادئة لغاية ما تستوي واضيفي عليها القرفة المسحونه
ممكن تضيفي الكراميل ولو ما بتحبي السكر ما ضروري
صبيها في قوالب وخليها تبرد (لازم تكون باردة )

وبالهناء والشفاء

والله ياهنوية قصة المطبخ دى روعة ياريت البوست يتحرك اكتر حتى نقتبس من طبحاتك الجميلة والواحد كل يوم يحدد باطلاعه على مطبخك قرر الغداء شنو والتحلية هى شنو وتسلمى يا هنوية

ويلا حاشارك معاك بالتحلية دى ويا ريت يا محمد مبارك تطبق سريعة ولذيذة
(شارت الدريم )
الطبقة الاولى
نغمس حبات بسكويت الشاى فى حليب سائل ونصفه فى الصينية .
الطبقة الثانية
نخفق بالخلاط (علبتين قشطة +ظرفين دريم ويب +اربع ملاعق كبيرة حليب بودرة +بيالة ماء )
الطبقة الثالثة
نرش طبقة الدريم ويب بالكراميل المكسر ثم نغمس حبات بسكويت الشاى فى الحليب ونصفه عليه مرة اخرى ثم نضع بقية الكريمة عليه وندخلها الثلاجة حتى تبرد وعند التقديم نرش الوجه بالكراميل المكسر .
طريقة عمل الكراميل :
نضع كأس سكر فى مقلاة على النار ونحرك حتى يذوب ويصبح لونه ذهبى ثم نفرش قطعة من القصدير وندهنها بالزيت ثم نسكب الكراميل الساخن عليها بالتساوى ونرش فى نفس الوقت لوز مجروش ونتركه حتى يبردثم ننزع الكراميل عن القصدير ونضعه فى كيس وندقه حتى ينكسر ويكون جاهز للاستخدام نرشه على الوجه

دى سلطة سريعة ليكم مخصوص يا ناس الهند
نبشر جزر ونبشر خيار بالمبشرة وعلبتين زبادى وملعقة مايونيز وملعقة خل وفلفل اسود زفص توم وملح ولو حبيت شطة يا محمد كمال السر ممكن توضع ويالله بالهناء والشفاء بس لازم تطبق التحلية روععععععععععععة

سلطة خضروات
يقطع الباذنجان شرائح والبطاطس شرائح والجذر شرائح والفلفل الاخضر شرائح وتقلى بالزيت وبعد كدة تطعمها بالملح والخل والليمون والشطة والفلفل الاسود والثوم وتحركها وعند التقديم تبشر على الوجه جبنة بيضاء دى برضه سريعة ليك مخصوص يا محمد كمال السر انت المقصود طبق وادى معاك ود بسمات