قصة عاطفية ،طرح للمشاركة

وأصبحت تبحث عن المبررات وذات ليله قاصت في تفكير عميق منذ تلك الليله لم أراه بحثت عنه صرخت بأعلي صوت أين أنت ياأحمد ...لم منحتني الشعور بالحياه مرة ثم سلبتها . أحمد لن أجازيك بكلمات كلها عتاب لأن مامنحته لي أكبر من ذلك وبعيدا عن كل هذا تبقي الأمنيات رهينه حضورك والأشياء الجميله حبيسه إطلالتك لذا أسترجيك عد فقد هرم القلب ومازالت أنفاسي صامده ترجو قدومك

وهي تنتظر عودته وقاصت في تفكير عميق منذ تلك الليله لم تراه بحثت عنه صرخت بأعلي صوت أين أنت ياأحمد .أحمد لم منحتني الشعور بالحياه مرة ثم سلبتها.أحمد لن أجازيك بكلمات كلها عتاب. لأن مامنحته لي أكبر من ذلك...وبعيدا عن كل هذا.تبقي كل الأمنيات رهينة حضورك والأشياء الجميلة حبيسه إطلالتك لذا أسترجيك¡ عد فقد هرم القلب والروح متعبة ... ومازالت أنفاسي صامته ترجو قدومك.

[quote="ايمان الحاج"]

ايمان الحاج كتب:

الصادق المغربى كتب:

هزة حاج عبد القادر راسه ثم رفعه قائلا : اولا ياسعاد ياختى كلم منو ؟ بعدين ده مش الولد السافر
ليبيا وليهو كم شهر لا حس ولا خبر ؟ والجماعة ديل اقول ليهم شنو ؟ اقول ليهم عايزها واحد طلبها من
عمتها وسافر ليبيا وما عارف يجى بتين ؟ ولاة اقول شنو ياناس ؟ الدنياة دى بقت غريبة جدا ما عارف
الكلمة عند منو ؟ الاب بقة طرطور قاعد ساااااى

الحصاحيصا
ياناس افهموني في ابو ماعاوز سعادة بنتو؟
كلهم بي صوت واحد لا والله ياحاج-طيب مادام دا رأيكم كيفن عاوزني اجدع بنتي لي ذول مامعروف مستقبلو ولا عارفو عندو الامكانيه يحفظ بتي سهي دي ويعيشه عيشه كريمه ولا لا
كل القاعدين ماقدروا يقولوا حاجه لأنو منطق حاج عبد القادر كان صاح،بس في اللحظه ديك قامت حاجه سعاد ودخلت علي سهي في غرفته وقالت ليها ياسهي انتي احمد دا لما اتصل عليك ماقال ليك لقي ليهو شغل ولا كدي؟
سهي قالت ليها والله هو قال لي حصل ليهو حادث ولاقي ود ناس المغربي في ليبيا هناك وساقو من بيت العزابه وسكنو معاهو واخد منو ورقو وشهاداتو ووعدو خير
سعاد : اها ومااداك رقم تلفون نتصل عليهو ونعرف الجديد شنو؟
سهي وهي مطرقه : لا ياعمتي مااداني وقال لي انا متصل من كابينه ولما ربنا يفتحها علي واجيب موبايل حااتصل واديك رقمو
سعاد: عاد لكن كدي ماضيقتوها علينا وعليكم -ابوك حالف كان مااطمئن علي مستقبلك مع احمد مايديكي ليهو وانا عاوزه اتصل اعرف موقفو شنو عشان اقدر اناقش ابوك ، الا لكن بعد كلامك دا ماعندي وش اتكلم بيهو مع ابوك
اطرقت سهي وهي تبكي حظها العاثر بحرقه و سعاد قاعده جنبها
وفجأه رفعت سهي رأسها واخذت تردد وهي تنطط في الاوده لقيته لقيته ياعمتي
سعاد وهي مندهشه : قولي بسم الله لقيتي شنو يابت؟
سهي :لقيت الطريقه الممكن نتكلم بيها مع احمد
سعاد :طريقة شنو يابنتي؟
سهي :مش احمد قال قاعد مع ود ناس المغربي في بيتو ؟ يعني ممكن نمشي لي اهلو هنا وناخد رقم تلفونو ونتصل ونتكلم مع احمد
سعاد :اي والله فكره ياسهي ، (وهي تلبس ثوبها )اكان كدي النقوم بي سراااااااااااااااع امش عليهم اجيب الرقم وانتي هاك دي خمسين الف نزلي بيها رصيد في موبايلك والنجي نتصل علي احمد ونقطع عرق ونسيح دمو
يتبع

طبعا حاجة سعاد لبست توبها وقامت بسراااع وطلعت الشارع وكبت ليها رقشة
ولما وصلت بيت ناس المغربي دقت الباب وفتحو ليها اتفضلي حبابك الف
والله انا بس كنت دايرة لي تلفون لولدكم الفي ليبيا ......
بس للأسف الشديد ما لقت زول يديها التلفون البيت كانت فيه الحاجة الكبيرة
والله يا بتي انا التلفونات دي ما بعرفها لكن كدي استني خلي يجي زول من الوليدات ديل يديك التلفون

الصادق المغربى كتب:

ام المغربى (حاجة خديجة ) فى عقدها السادس لها من الابناء اربع ومثلها من البنات
وبحمد الله كلهم متزوجون
ام زاقت طعم الحياة مرها وحلوها مات ابنها الكبر عادل فى حادث مرورى بالقرب من
ام مقت وابنها الثانى الصادق فى ليبيا بعد ان طارت له شيكات واجبة الدفع تقدر باربعون
مليون والابن عارف لديه كافتريا بحى الكمبو اما الابن الاصغر مقيم بالمملكة العربية السعودية
وجميع بناتها رحلنا مع ازواجهم
كل ذلك كانت تحدث بها (سعاد ) بعد ان اعدت لها كوب شاى وبينما هم كذلك اذ سمعنا صوت
الباب يفتح فدخل رجل فى عقده السابع والزمن وقع على تجاعيد وجهه وما ان دخل عليهم مرحبا
بالزائرة حتى قامت الحاجة (خديجة ) بالتعريف
=حاج يوسف الاخت سعاد دى اخت حاج عبالقادر وجات تسأل من تلفون الصادق فى ليبيا
فاسرع متسائلا : ان شاءالله تكون هى برضو دايرة منو قروش ؟ والولد ده عزبنى كتير .
الف واحد عايز منو قروش
فاسرعت الحاجة خديجة توضح الامور
= كدى اقيف دى ماعايزة قروش من الصادق دى عايزة تلفونوا عشان تسأل عن واحد
قريبهم هناك
= معليش ياختى بس موضوع سفر الصادق ده صعب شوية
وادخل يده فى جيبه واخرج نوتة صغيرة وقلم وكتب ليها التلفون فى ورقة صغيرة ومداها لها
فاحذتها وهى تردد كلمات الشكر والعرفان وتدعوا الله ان يرد ليهم ولدهم بسلام
ورفضت الانتظار اكثر من ذلك وودعتهم وخرجت

100 100 يالمغربي

رجعت سعاد وهي تلهث من التعب وتقبض بيدها علي الورقه المكتوب فيها التلفون وكأنها تمسك بروحها فأن طارت الوريقه طارت معها روحها
ودخلت علي سهي ووجهها مليئ بالفرح :-ابشري ياسهي لقيت ليك رقم الصادق الحايوصلنا لي احمد
سهي تجري نحوها وتخطف الرقم وتحاول الاتصال: اديني ليهو ياعمتي اديني الرقم كان اتصل واسمع صوت احمد البيرد فيني الروح
سعاد وهي تنظر بعيداً: الا لكن ياسهي يابنيتي ناس عمك المغربي ديل ولدهم المسونح الاسمو الصادق دا الظاهر عليهو معزبهم شديييييييييييييييييييييييييييييد (واخذت تحكي في التفاصيل)وسهي مشغوله عنها بمحاولة الاتصال ، وفجأه صرخت: جرس جرس ياعمتي الخط دخل معاي -ويستمر الجرس الي ان ينقطع الاتصال والصادق لايرد (طبعاٍ اول ماشاف الرقم من السودان افتكر انو دا واحد من الناس الطالبينو قروش وخاف يرد )
سهي والدموع تملأ عينيها : عمتي الصادق مابيرد علي
سعاد :بس(بي كسر الباء) تترد المويه في زورو -انا ماقلت ليك الولد دا مسنوح ؟ لكن يمشي مننا وين ؟ والله الليله نتصل كدي وكان مارد علينا مانقيف كلو كلو
ويستمر الاتصال

[quote="خضر الجندى"]يا إيمان كدى رسلى لى رقم المغربى دة عندى عندو قروش صندوق سافر بيها .
عادنها لينا حب مجانى وكمان ماكلين قروش الناس.
وأنا من الليلة ضد أحمد لحدى ما قروشى تجى؟؟[/
والله ياخضر نحن رقم المغربي دا ناس بيتهم رفضوا يدونا ليهو لحدي ماحلفنا قسم مانديهو لي ذول-وانت عارف ليه
وبعدين انت تكون ضد احمد ليه؟هو نحن زااااااااااااااااااااااتنا خايفين عليهو من قعدتو مع المغربي ماييلف عليهو ويكمل العندو

الصادق المغربى كتب:

يوم من ايام شهر يوليو ودرجة الحرارة عالية وكنت على موعد مع احمد لنخرج لزيارة احد
الاخوان فى مدينة (سرت ) وهى تبعد
حوالى 500 كيلو متر من طرابلس وعندما اشارت الساعة العاشرة صباحا غيرت رايئ واجلت
السفر الى يوم غدا حتى نستطيع السفر فى الصباح الباكر والجو يكون بارد ونستطيع تحمل السفر
وخرجت وحدى اتمشى قليلا فى شارع عمر المختار فى وسط المدينة اذ رن التلفون فى جيبى
فمددت يدى بسرعة ونظرت للمتصل (مكالمة من السودان ) رقم غريب لا اعرفه فانا حرصت كل
الحرص ان لا اتعامل الا مع عدد محدود من الاقارب والمقربين لذلك لم استطع ان افتح الخط وارد
على المكالمة ولكنى كنت فى اعماقى اعاتب الذين اتعامل معهم (الوالد والاخوان والابناء وقليلا جدا من
الاصدقاء )
فضلت الرجوع الى البيت حتى ادردش قليلا مع احمد

رجعته الي البيت وماذال الرقم الغريب من السودان يرن علي كل خمسه دقايق.
دخلته علي احمد ولقيتو ناااااااااااااااااااايم ،حاولته ارجع من باب الاوده واقفلو برااااااااااااااااااااااحه -بس في اللحظه ديك احمد رفع راسو وسألني
احمد: انت جيت يالمغربي
المغربي: صحيتك ؟ معليش ماقصدي
احمد : لا انا اصلاً ماكنت نايم-بينوم البالو مرتاح يالمغربي
المغربي : خليها علي الله ياذول وكان علي الشغل بكره الله بيعدله
احمد: ربك كريم ياخي-والله انا همي كان علي الشغل ببقي هين انا همي اكبر من كدا بي كتييييييييييييييييييييييير
المغربي : شكلك ممكوووووووووووون وصابر كدي احكي لي يمكن اقدر اشيل معاك شويه
احمد: تشيل شنو وتخلي شنو انت خليك علي همومك الحكيته لي
المغربي: مالو ؟انت احكي ونشيل هموم بعض
احمد يتنهد تنهيده حااااااااااااااااااااااره)ويبدأ في سرد قصته مع سهي للمغربي
المغربي: والله تراكا ممكون وصابر -في اللحظه ديك يرن جرس التلفون ، المغربي يمد ايدو ويخرج التلفون من كم الجلابيه
المغربي: (وهو ينظر الي شاشة التلفون)والله الرقم دا من السودان وكرهني الليله عديل كدا
احمد : رقم شنو ؟
المغربي: الرقم: 249900000000+
احمد: (وهو يقوم مفزوعاً كمن لسعته حيه)دا رقم سهي الكنت بحكي ليك عنها -معقول تكون دي هي؟ كدي افتح النشوف الحاصل شنو؟ اللهم اجعلو خير
يتبع

احمد يحتاج الى المواساة من الجميع
ربما هنالك اخرين يحتاجون الى المواساة
الصبر

احمد واخرين يحتاجونكم
الصبر احمد وانا

أحمد وأنا
إنت وأنا
يا ربنا ياربنا يا ربنا

احمد واخرين ....
لا زالوا يواصلون البكاء
الصبر

احمد:عاوز تعرف سهي منو يالمغربي؟
وعاوزني عن سهي احكي ليك؟
اااااااااااااااااااااااااه يالمغربي سهي هي ضواية الليالي هي الشمس البتشرق تنور دنياي هي الحاجه الحلوه الوحيده الظهرت في دنيتي
سهي هي سبب حياتي وهي اسباب بهجتي وسعادتي
(وصوته يزداد اختناقأ)سهي يالمغربي هي الرابط بيني وبين الحياه -يعني لو فقدته سهي حاتسمع انو انا انتهيت في الدنيا دي(ويجهش بالبكاء)
المغربي:طول بالك ياراجل استهدي بالله كل مشكله وليها حل
احمد : الا مشكلتي انا يالمغربي يااخوي-سهي هسه منتظراني وعاوزاني ارجع وانا مشاكلي الماديه كلها اتحلت-وانا ذي ماانت عارف حتي حق الاكل والشراب والسكن تاكلوا عليك انت
المغربي: يااحمد نحن اخوان ماتقول كدا ياخي
احمد : ونعم الاخو والله بس لكل شئ نهايه وللصبر حدود وانت ماقصرته معاي وانا الدنيا مقفله في وشي وماعارف اعمل شنو ولا شنو
المغربي : خليها علي الله وعلي انا وان شاء الله مايكون الا الخير
احمد: كيف يعني؟
المغربي : الكيف دا حقي انا براي -خليك معاي ومابتندم بأذن الله
يتبع........

فى الطريق
: احمد لية السودانيين ديل كلهم متغربين ومبهدلين طوالى كدة ؟
:لانهم عايزين اعرسو البنت العايزينها
بعد ضحكة
: ولية كل راجل اتبشتن عشان مرة ؟ مالواحد اعرس اى واحدة والسلام
لازم من الغربة والعزاب دة ؟
:والله يالمغربى ده كلو قدر
: نعم قدر يا احمد الحمد لله
: بتحب سهى يا احمد ؟
: كتير يالمغربى
: ربنا يوفقك
..........................
ونواصل
اية الحكاية متواصلوا ياجماعة
المغربى

ضاقت ولما أستحكمت حلقاتها فرجت
وكنت أظنها لا تفرج
++++++++++++++++++++
لكل بداية نهاية
احمد سهي
سهي احمد
الصبر الصبر ثم الصبر
++++++++++++++++++++

ايمان الحاج كتب:

احمد:عاوز تعرف سهي منو يالمغربي؟
وعاوزني عن سهي احكي ليك؟
اااااااااااااااااااااااااه يالمغربي سهي هي ضواية الليالي هي الشمس البتشرق تنور دنياي هي الحاجه الحلوه الوحيده الظهرت في دنيتي
سهي هي سبب حياتي وهي اسباب بهجتي وسعادتي
(وصوته يزداد اختناقأ)سهي يالمغربي هي الرابط بيني وبين الحياه -يعني لو فقدته سهي حاتسمع انو انا انتهيت في الدنيا دي(ويجهش بالبكاء)
المغربي:طول بالك ياراجل استهدي بالله كل مشكله وليها حل
احمد : الا مشكلتي انا يالمغربي يااخوي-سهي هسه منتظراني وعاوزاني ارجع وانا مشاكلي الماديه كلها اتحلت-وانا ذي ماانت عارف حتي حق الاكل والشراب والسكن تاكلوا عليك انت
المغربي: يااحمد نحن اخوان ماتقول كدا ياخي
احمد : ونعم الاخو والله بس لكل شئ نهايه وللصبر حدود وانت ماقصرته معاي وانا الدنيا مقفله في وشي وماعارف اعمل شنو ولا شنو
المغربي : خليها علي الله وعلي انا وان شاء الله مايكون الا الخير
احمد: كيف يعني؟
المغربي : الكيف دا حقي انا براي -خليك معاي ومابتندم بأذن الله
يتبع........

ترررن ترررن ترررن
يرن جرس الهاتف في بيت ناس المغربي
يرفع أحمد السمااااااعة
الو الو منو معااااي
ممكن أكلم المغربي
أحمد..المغربي ده ما موجود أقول ليه منو
بالله عليك الله لما يرجع قول ليه شيخ سااالم ضرب ليك هنا
احمد... خير انشاءالله
شيخ سالم .. بس معليش لو سمحت معاااي منو
أحمد.. انا احمد قريب المغربي
شيخ سالم ... علي العموم خليه يضرب لي ضروووري عايزه في موضوع مهم شديد
يرجع المغربي البيت ويسأل أحمد اها يا أخوي كيف قيلت
الحمدالله والله يا المغربي يا اخوي انا كترت عليك شديد وبصراااحة انا بقيت متحسس من القعاد معاك
انا بمش اشوف لي طريقة ايجار انشاءالله أوضة مع عزااااابة
ده كلام شنو يا أحمد الناس لبعضيها انت دايرني اكرر ليك الكلام ده كل يوم وعلي اي حال انا اسي قاعد افتش ليك في طريقة شغل مع واحد من اصحااابنا
فجأة يتزكر أحمد بالمناسبة يا المغربي في زول ضرب ليك ....قال اسمه شيخ ساالم
المغربي ... يا سلااااام الزول ده انا دايرة والله وقع لينا في جرح
يا احمد اكان كده فرجت .............................ز

المنظر في السودان
سهي سارحه في لا شي وعمتها تخش وتمرق ذي الرايحه ليها حاجه
بعد قليل إنتبهت سهي لحركة عمتها
فقالت لها :اها ياعمتي الرايح ليك شنو
سعاد:والله يابت أخوي لو جيتي للحقيقة رايحه لي سهي
بت اخوي السمحة العاقله ورزينة سهي نوارة البيت من يوم مادخل أحمد في حياتك وحالك اصبح ما بسر العدو
وياريت كان في فايدة الولد مرتاح في غربتو ولا هم ولا غم وأنتي البسمة فارقت شفايفك،،شكيتو لرب العباد،،سهي ترد بسرعة مقاطعه كلام عمتها لا لا لا عليك الله ماتدعي علي أحمد ،،أحمد داير البدعي ليهو وانا وانتي ماعارفين ظروفو بياكل كيف بنوم كيف ،،لو بتريدي بت أخوك ياسعاد ادعي وقولي
يارب المشارق والمغارب تلم سهي وأحمد ،،
العمه: خلاص يابتي وقفي البكاء ده قطعتي مصاريني هو البكاء بجيب ليك أحمد ،،وانا أسي بقوم اصلي الضحي
وادعو ليك .
وياسهي أنتي تعالي هنا صحباتك وين؟ كان ماوقفن معاك في ظروفك دي بقيفن معاك بتين؟

والله يا عمتي
صحباتي كل واحده فيهن مشغولة بحالها ودايرات البقيف معاهن في ظروووفن كان علي سلمي شغالة وبتربي في أخوانها بعد ما ابوها مات الله يرحمه

وصفوية أهي ماشاءالله عندها بتين وما قاعدة تلقي طريقة تجيني عشان شغالة وبتجي متأخرة انا لما القي فرصة بمش ليها وشذويه عرسوها وساقوها

شندي والله يا عمتي أكان انا الحالي واقف ....

استغفري الله يا بتي انتي حالك ما واقف لكن موقفه ليك الولد الأسمه أحمد ده والله انا زاتي ما عارفة المشبكك فيه شنو يعني خلاص من قلة الرجال

غايتو يا بتي يا سهي الله يعينك ويصبرك علي الموقف ده (أبوك ده سكت لينا كتيروما عارفين البحصل شنو وانا كان علي هدي جيت من مدني وقعدت معاك)

والله ما عارفين البحصل شنو الفيها خير ربنا يسويها يا بنيتي إنتي بس أدعي ...

أها يا سهي أنا ماشة أصلي وأدعي ليك يصلح حالك ويجمعكم إنتي وأحمد

آميييييييييييييييييييييييييين يا عمتي ربنا يتقبل دعوتك

هذا هو حال سهي بين شد وجذب امل وصبر..
اما حال احمد هناك في بلاد الغربه منتظرين الصادق المغربي يكتب ويورينا الحاصل ايه؟؟؟