قصة عاطفية ،طرح للمشاركة

اقتربت الخالة سعاد للدكتور احمد متسائلة
= كيف هو يادكتور ؟
سألها باندهاش : منو هو ياخالة ؟
= طبعا يادكتور خالتك اضانة ستلايت . انا سمعتك
= سمعتى شنو ؟
= بتبلغ سهى سلام واحد اسمو احمد وهو فى ليبيا
= وانت بتعرفى واحد اسمو احمد وهو كمان بعرف سهى ؟
= والله
قاطعها
= من وين هو يا خالة ؟
= وانت من وين اتعرفت عليه ؟
صمت قليلا ثم نظر حوليه كأنه يريد ان يبوح لها بسر
= ده واحد بحب سهى وعايز يتقدم ليها
= معليش يا ود اختى المعلومة دى قديمة وانا عايزة منك المعلومة الجيدة
= وعرفتى كيف يا خالة عندى معلومة جديدة ؟
= قلبى بحدثنى وما حصل قلبى كذب علئ
= طيب ياخالة
صمت قليلا ثم واصل
= انا جيت عشان الموضوع ده
= انت بتعرفو؟
= لا والله
= طيب عرفت كيف ؟
= اتصل بى صديق من ليبيا وهو صديق ليهو فلما كلمه بالقصة
وجميع تفاصيلها عرف صديقى بان سهى دى تبقى بنت خالتى
فاتصل بى وترجانى ان اتم له هذا الموضوع وحدثنى كثير عن احمد
= طيب ما تبتدى ياولدى وفرح البنت الله يفرحك
= حاضر يا خالة
.........................
ونواصل ان شاءالله
المغربى

الرائع الصادق المغربي
صراحة مابتنقدر وقدر ماحاولنا نجاريك ماقدرنا
يللا احكي وادهشنا

لما دكتور أحمد سأل سهي عن أحمد

انتفضت وقامت من الصفرة مزعورة لأنها ما اتوقعت انو ود عمتها يسألها عن حبيبها

جرت سهي علي غرفتها وهي خجلانه شديد من ولد عمتها ووقفت تسمع عمتها سعاد وهي بتسأل في د. أحمد

كانت سهي في عالم آخر تاهت مع احلي زكرياتها في الماضي هي وأحمد لما كان بلاقيها وهي جاية من المدرسة ويتبادلو

النظرات من غير ما يتكلمو مع بعض .. لما يلاقيها في الصباااح وهو طالع من البيت بيدور علي شغل وهو عارف انو سهي بتدعو ليه

في سرها انو ربنا يوفقه .....سرحت سهي مع أول رساله يرسلها ليها مع صحبتها سلمي وهو بيقول ليها فيها انو بحبها وحا يعمل اي حاجة

عشان يفوز بيها ... سرحت مع احلي كلمات الحب والهيااام التي كان يرددها أحمد لما يتلاقو وبتكون طبعا معاهم سلمي صحبتها ..سرحت

وسرحت .....وتاهت .....وهامت مع أحلي الذكريااااات

سهي ...سهي...سهي... سجمي سهي وفجأة انتبهت سهي لعمتها وهي بتنادي عليها

اااي يا عمتي سااامعااك .....

امشي يا بتي اعملي الشاااي وانا جاية عليك في المطبخ

عمر الفاروق كتب:

قررررررربت

اشك فى قرب نهايتها
ان كانت نهايتها تفرحك
اخر فرحتك شوية
القادم اصعب
( بس البقية تكتب . اين الاخوات / ام يوسف / ايمان / هنوية
وياريت ادخلوا ناس جداد )
تحياتى
المغربى

كان د. أحمد يجلس مع العمة سعاد

والله يا خالتي سعااد انا اقول ليك بصرااااحة شديدة انتي اقرب زول لي وما عندي أغلي منك بس يا خالتي الكلام ده بيني وبينك

مالك يا أحمد يا ولدي قلقتني عليك في شنو ......

والله يا خالتي الجواي كتييير وما قادر اشيله برااي

سعااد.....قول يا أحمد يا ولدي انا ساامعاك

د. أحمد .... والله يا خالتي انا قبل اسافر كان همي كله اني أخلص الإمتياز واعمل الخدمة الإلزامية وبعد داك موضوع الوظيفة ده بتحل

وكنت شايف انو الإمور حا تمشي كويس بس إنتي عارفة بعد خلصت الإلزامية والخدمه سافرت لأنو العقد الجاني ما كان بتفوت

سعاااد...اها يا ولدي ده كلام كويس

د. أحمد المهم في الأمر يا خالتي اني قبل اسافر كنت خاتي عيني علي سهي بت خالي عبدالقادر

سعااد.... احييييييييييييييييييييييييييييي يا ولدي ومالك ما اتكلمت

د. أحمد تقولي شنو يا خالتي قلت أرستق إموري واجي السنه الجاية واكلم خالي لكن القسمة كانت غير كده

سعاااد...والله يا ولدي وجعت قلبي اكتر من ما هو موجوع انت وسعاد الإتنين قلبكم محرووق

د. أحمد ......والعببرة تسد حلقة وتنزل دمعة من عينه أسي ده ما المهم يا خالتي

انا اااي بحب سهي لكن سعادتها بتهمني اكتر من سعادتي ونفسي أحل ليها موضوعا ده لكن انتي عارفة ...........

صاحت الخالة سعاد
= ياولد تعال امشى نادى خالك عبد الباقى
بعد قليل جاء الوالد الحنون كأن له احساس بمايدور بين اخته
وابن اخته
= خير ياسعاد والتفت للدكتور ازيك يادكتور ؟
= الحمدلله ياخال
صمت الجميع قليلا ثم تنحنح الحاج عبد الباقى
= ايوة ياسعاد ؟
= والله يا حاج عايزة اقول ......... تزكر ياخوى قبل كدة كلمناك
فى موضوع ( احمد ... ) الفى ليبيا ؟
= نعم بالحيل
= دكتور احمد بعرفو وجاء من هناك عشان يكلمك عشانو
= صحيح يادكتور ؟
= والله والله يعنى معرفتو اكيدة لقد اتصل بى صديق عزيز على
وطلب منى ان اسافر الحصاحيصا واكلمك فى موضوع احمد هذا
ووالله يا خالى قالوا احمد ده كويس طبعا مرت عليهو ايام صعبة جدا
فى ليبيا لكن هسى ماشاءالله شغال مع واحد من الناس الفوق ديل
ومرتاح معاه شديد وامورو اتحسنت وهسى بقى ينظر لمستقبلو
عشان كدة طلب من صاحبوا ان يكلمنى وانا شايف ده من جديتو
وهسى يا خالى لو بتقدرنى وشايفنى ذى ولدك توافق عليهو
مرت لحظات من الصمت الثقيل
احمد والخالة سعاد عيونهم لم تنزل من وجهة الحاج عبد القادر
اما الحاج فينظر الى الارض كأنه يراجع نفسه كأنه يسأل نفسه
كأنه يفتى قلبه ويحكم عقله يعنى كان يدور حديث فى دواخله
الان هو امام امر واقعى . امر ان يكون او لا يكون
............................
نواصل ان شاءالله
المغربى

المجلس يخيم عليه الصمت ‏،،‏ حاج عبد القادر يفكر ‏،،‏ العمة سعاد تترقب ‏،،‏ دكتور أحمد ينتظر ‏،،‏ لم يقطع سكونهم الا دخول ام الدكتور ‏
:أن شاء جلسة في الحرم يا حاج ‏،، اها خلاص حسمتو موضوع احمد
حاج عبد القادر : والله يا جماعة سهي دي بتي الغالية بت الغالية وانا ما داير شي غير البفرح قلبا وعارفكم انتو مابتدورو ليها غير الخير ،، لكن يا دكتور أحمد ده وينو انا لا بتهمني قروشو ولا شغلتو انا ‏،، قاعد في ليبيا دي وداير يعرس بتي كيف ،، انتو ما عارفين ليبيا بلد فقر البمشي ليها مابرجع بسهولة ،، وانا عشان خاطر الدكتور كلف نفسو وجاء يتوسط ليهو مابكسر خاطرو وتب انا اديتها ليهو بس بشرط واحد ؟؟؟ سعاد تزغرد وتقول عليك الله ياحاج فرحتنا وفرحت المسكينة خليها بدون شروط،
حاج عبد القادر ‏:‏ أنتو كدي اسمعو الشرط وبعد داك لو لقيتوني غلطان لوموني،،،،‏ ‏

نواصل بدون فواصل

منتظرين الراي السديد
فرحنا فرح العيد
قول سعيدة لسعيد

أنتو لسه ¡
حليلكم ياسهي وأحمد.

عثمان الحسين كتب:

يا عمر القصة دي بعدين عاوزة ليها ترزي بمهارة الطيب صالح عشان يخيطها !! .. مع تحياتي

ترزية في ،، حدادين بكثره
المهم انهم يرجعو من الأجازه بتاعة الاستايل،،
شكرا علي المرور يارائع
هو : عثمان حسين
هي : هو وهي

عثمان الحسين كتب:

يا عمر القصة دي بعدين عاوزة ليها ترزي بمهارة الطيب صالح عشان يخيطها !! .. مع تحياتي

.................................................
ومن هنا نقول
رجع احمد من سفره وتقدم لمحبوبته سهى
وتزوجا
وعاشا سعيدين
................................................
المغربى

يا عمر الفاروق معقولة الكلام دا

والله نحنا عايزينهم الجماعة يتلمو

لكن ما بالطريقة دي والله لكن يا الصادق المغربي
..........................................

أسي انا الفستان المجهزاه لعرس سهي واحمد ده أوديه وين

والله الصادق المغربي أبدع عديييييييييييييييل كده

اظنو ده عرس ناس انصار السنه

العقد في الجامع والعروس يسوقوها طوااالي

لا زغاريد ولا حفله ولا دلوكة

طيب علي الأقل كان تجيبو لينا فرقة الصحوة يمدحو لينا مدحة مدحتين