قصة عاطفية ،طرح للمشاركة

يا ايمان٠احمد لو عارف قصته بتكتبوها بالطريقه المحزنه دي ما كان صبر

Mutwakel كتب:

يا ايمان٠احمد لو عارف قصته بتكتبوها بالطريقه المحزنه دي ما كان صبر

والقال ليك احمد صابر منو؟
مجبر احمد لا بطل
كدي ياجماعه نكون عمليين اكتر نعمل (شيرينق)ونديهو احمد يعمل بيهو مشروع ويعرس بيهو سهي-رأيكم شنو؟ ماهو برضو احمد دا حصاحيصي ومننا وعلينا
ولا شنو؟

فقال أحمد بعد أن عرف كل ماتعانيه سهي وقرر أن لايشركها في ما يعانيه
ويزيد ليها الهم
قال والدموع تنزل علي خديه في صمت || وما اصعب دموع الرجال||
سهي ياروح الروح لا تبكي فقد أقترب الفرج وأنا كنت مشغول شديد ورغم شوقي الكتير قررت ما أسمعك صوتي الأ وانا قد أستقريت تماما....

ما اصعب دموع الرجال
امنيات ..... مفاجات

عمر الفاروق كتب:

فقال أحمد بعد أن عرف كل ماتعانيه سهي وقرر أن لايشركها في ما يعانيه
ويزيد ليها الهم
قال والدموع تنزل علي خديه في صمت || وما اصعب دموع الرجال||
سهي ياروح الروح لا تبكي فقد أقترب الفرج وأنا كنت مشغول شديد ورغم شوقي الكتير قررت ما أسمعك صوتي الأ وانا قد أستقريت تماما....

وعاوز اقول ليك ياروح الروح انو الاماني الكنا عايشينها احلام حاتصبح حقيقه وانو صبرك علي وعلي ظروفي وعلي فراقي ماضاع ساكت واني حااجيك ومعاي كل الحايوصلنا لي تحقيق احلامنا
سهي بصوت بين الفرحه والبكاء وعدم التصديق:-كيف؟معقول ؟كدي وريني بالتفصيل الحصل شنو؟

أتت مطمئنة الاشواق فأثملته صمتا

شكرا صفوان وايمان منورين البوست

ماشاء الله ايمان همة ونشاط

صفوان أحسن من وليد العشي
ماقل ودل
اما وليد قل وبس دل بخليها لناس هنوية ، وخضر ، وايناس ، والصادق ، وجعفر قوليب ، وأحمد بابكر ، وايمان الحاج ، مهند صباحي ومتوكل، اين مكانكم من الأعراب سهي وأحمد خلاص الصبر شكي منهم همتكم معانا
متوكل

توجد صور

كانت تنتظر عودته وقت كان رجع وفي شي قد تغير اختفي ذلك البريق في عينه ،التقيا اتت مسرعة كي ترتمي بين ذراعيه ولكن....

وهكذا تواصلت الدموع

الصادق المغربى كتب:

قلت له : احمد كيفك الان ؟
قال : بخير والحمد لله . الدكتور قال بعض الرضوخ وبعض الجروح وليس هنالك شئ خطير
يومين او ثلاثة ويخرجونى .. شكرا يا مغربى على
قاطعته : احمد لا تقل اكثر من ذلك . الدكتور اوصانى ان تاخد راحتك بالكامل
وواصلت : اين تسكن هنا فى طرابلس ومع من ؟
قال : اسكن مع مع ناس عصام الشفيع و...
قلت مقاطعا : يعنى فى (الزاوية الغربية ) ؟ نعم اعرفها بل اعرف بيت اولاد الحصاحيصا
واعرف معاوية محمد عبد الرازق وعبدالمنعم واحمد بطة و...
ضحك ثم قال : نعم نعم هم ديل
احضرت له ما يحتاجه من اكل وشراب وحلوة وفاكة ثم استاذنت منه عائدا على ان اخبر
اصدقاءه ثم اعود له فى اليوم التالى
ونواصل
(يا جماعة اواصل براى وين انتو ؟ )

والله يالمغربي حيرتنا
لي درجة اني بقيت افكر احمد دا ود ناس منو في الحصاحيصا
هههههههههههههههههههههههههههههههههههههههه
علي العموم انت كدا وديت دفة القصه كلها في طرابلس -رجع لينا خيط للقصه هنا عشان نقدر نمسكو ونواصل معاك

ايمان الحاج كتب:

الصادق المغربى كتب:

قلت له : احمد كيفك الان ؟
قال : بخير والحمد لله . الدكتور قال بعض الرضوخ وبعض الجروح وليس هنالك شئ خطير
يومين او ثلاثة ويخرجونى .. شكرا يا مغربى على
قاطعته : احمد لا تقل اكثر من ذلك . الدكتور اوصانى ان تاخد راحتك بالكامل
وواصلت : اين تسكن هنا فى طرابلس ومع من ؟
قال : اسكن مع مع ناس عصام الشفيع و...
قلت مقاطعا : يعنى فى (الزاوية الغربية ) ؟ نعم اعرفها بل اعرف بيت اولاد الحصاحيصا
واعرف معاوية محمد عبد الرازق وعبدالمنعم واحمد بطة و...
ضحك ثم قال : نعم نعم هم ديل
احضرت له ما يحتاجه من اكل وشراب وحلوة وفاكة ثم استاذنت منه عائدا على ان اخبر
اصدقاءه ثم اعود له فى اليوم التالى
ونواصل
(يا جماعة اواصل براى وين انتو ؟ )

والله يالمغربي حيرتنا
لي درجة اني بقيت افكر احمد دا ود ناس منو في الحصاحيصا
هههههههههههههههههههههههههههههههههههههههه
علي العموم انت كدا وديت دفة القصه كلها في طرابلس -رجع لينا خيط للقصه هنا عشان نقدر نمسكو ونواصل معاك

حاضر يا ايمان الحاج
بس شاركى ونشوف
.......................................
سهى بصبرها وهدوءها الذى تمتاز به استطاعت ان تلفت الانظار من اهلها وجيرانها واصدقاء الاسرة
وان يدخلوا فى نقاش هادى مع والدها وكل واحد على قدر حكمته وموهبته فى الحوار
سعاد عمتها ....حسن بن عمتها الكبير ....حاجة فاطمة زوجة خالها محسن ....وخالتها علوية
وحاج مضوى جارهم القريب للاسرة .... والاستاذة المحامية سامية صديقة الاسرة
الكل دخل فى حوار هادى مع الوالد حتى يعدل من مشروع الزواج الجديد
وكل واحد يضع الحجج باسلوبه الخاص
وكل واحد قلبه على سهى
ونواصل
..............................................
ادخلى ياايمان
وخلى بالك انا ح اجيك المرة الجاية من طرابلس
هناك المشهد حيطول شوية
اذا ما فام وليد العشى جاب لينا احمد فى مطار الخرطوم
او جابو تهريب عبر (الكفرة - دنقلا )
اصبر عليك الله يالعشى

شكرا جزيلا أخي العزيز الصادق المغربي في غيابنا ماقصرت

‏=‏======================
في منزل سهي مازال الجمع يتحاور مع حاج عبد القادر والد سهي المعروف بتدينه وتقواه ،
قال الحاج عبد القادر :
طيب ياجماعة والله أنا عارفكم مابتدورو لي ولسهي غير الخير وفي دي جزأكم الله خير لكن انا مصلحة البت عارفه الزواج سترة ونعمة بس بهدوء كده فهموني لو في حاجة تانية قولو وماتخجلو نحن كلنا اهل سترنا وغطانا واحد
ردت عمة سهي : والله ياحاج نقول شنو غير كتر خيرك علي كلامك ده ونعتبرو بداية جيده لكلامي ،ياحاج عبد القادر أنت بتعرف أحمد ود هاشم الزبير ؟
رد الحاج :أحمد مابعرفو الا هاشم الزبير بالحيل بعرفو راجل فاضل مافيهو كلمة .
العمة : ماشين كويس ياحاج ،أحمد ده ولدو الكبير وأحمد داير سهي وسهي موافقة عليهو.....


يتبع

عمر الفاروق كتب:

شكرا جزيلا أخي العزيز الصادق المغربي في غيابنا ماقصرت

‏=‏======================
في منزل سهي مازال الجمع يتحاور مع حاج عبد القادر والد سهي المعروف بتدينه وتقواه ،
قال الحاج عبد القادر :
طيب ياجماعة والله أنا عارفكم مابتدورو لي ولسهي غير الخير وفي دي جزأكم الله خير لكن انا مصلحة البت عارفه الزواج سترة ونعمة بس بهدوء كده فهموني لو في حاجة تانية قولو وماتخجلو نحن كلنا اهل سترنا وغطانا واحد
ردت عمة سهي : والله ياحاج نقول شنو غير كتر خيرك علي كلامك ده ونعتبرو بداية جيده لكلامي ،ياحاج عبد القادر أنت بتعرف أحمد ود هاشم الزبير ؟
رد الحاج :أحمد مابعرفو الا هاشم الزبير بالحيل بعرفو راجل فاضل مافيهو كلمة .
العمة : ماشين كويس ياحاج ،أحمد ده ولدو الكبير وأحمد داير سهي وسهي موافقة عليهو.....


يتبع

والله يالفاروق خلعتني لمن قلته الحاج عبد القادر
قلت ياربي سهي دي انا ولا شنو ؟ ههههههههههههههههههههههههههههه

الصادق المغربى كتب:

هزة حاج عبد القادر راسه ثم رفعه قائلا : اولا ياسعاد ياختى كلم منو ؟ بعدين ده مش الولد السافر
ليبيا وليهو كم شهر لا حس ولا خبر ؟ والجماعة ديل اقول ليهم شنو ؟ اقول ليهم عايزها واحد طلبها من
عمتها وسافر ليبيا وما عارف يجى بتين ؟ ولاة اقول شنو ياناس ؟ الدنياة دى بقت غريبة جدا ما عارف
الكلمة عند منو ؟ الاب بقة طرطور قاعد ساااااى

ياناس افهموني في ابو ماعاوز سعادة بنتو؟
كلهم بي صوت واحد لا والله ياحاج-طيب مادام دا رأيكم كيفن عاوزني اجدع بنتي لي ذول مامعروف مستقبلو ولا عارفو عندو الامكانيه يحفظ بتي سهي دي ويعيشه عيشه كريمه ولا لا
كل القاعدين ماقدروا يقولوا حاجه لأنو منطق حاج عبد القادر كان صاح،بس في اللحظه ديك قامت حاجه سعاد ودخلت علي سهي في غرفته وقالت ليها ياسهي انتي احمد دا لما اتصل عليك ماقال ليك لقي ليهو شغل ولا كدي؟
سهي قالت ليها والله هو قال لي حصل ليهو حادث ولاقي ود ناس المغربي في ليبيا هناك وساقو من بيت العزابه وسكنو معاهو واخد منو ورقو وشهاداتو ووعدو خير
اها يالمغربي رأيك شنو؟

مئة المئة يا ايمان
..................................................................
طرابلس
طبعا اخبرت اصدقاه بما حدث لاحمد ثم رجعت فى اليوم التالى
للمستشفى
والتقيت بالاخ عصام واقف خارج غرفة احمد فبادرته :
عصام صباح الخير كيف اصبح احمد ؟
= والله يالصادق كان مساهر الليل ده كلوا لكن صحتو
تمام التمام وهسى نائم
= ممكن ادخل عليهو ؟
= ممكن
فدخلت على احمد وفعلا وجدته نائم وبجوره مفكرة صغيرة
وورقة عليها كتابة .
فمددت يدى وامسكت بالورقة فوجدت قصيدة طوئلة بخط
يده فشدانى الفضول لقراءتها فكانت بعنوان الفائزة
نواصل ..........

خلاص يالمغربي خليك انت في طرابلسك
ونحن نكتب من هنا
رأيك شنو ؟ اتفقنا؟

موافق
وارجو ان تطولوا بالكم مع عبدالقادر والزواج ما يتم
وانا بطول بالى ما برجع احمد هسى
ودمتوا
المغربى

[quote="ايمان الحاج"]

الصادق المغربى كتب:

هزة حاج عبد القادر راسه ثم رفعه قائلا : اولا ياسعاد ياختى كلم منو ؟ بعدين ده مش الولد السافر
ليبيا وليهو كم شهر لا حس ولا خبر ؟ والجماعة ديل اقول ليهم شنو ؟ اقول ليهم عايزها واحد طلبها من
عمتها وسافر ليبيا وما عارف يجى بتين ؟ ولاة اقول شنو ياناس ؟ الدنياة دى بقت غريبة جدا ما عارف
الكلمة عند منو ؟ الاب بقة طرطور قاعد ساااااى

الحصاحيصا
ياناس افهموني في ابو ماعاوز سعادة بنتو؟
كلهم بي صوت واحد لا والله ياحاج-طيب مادام دا رأيكم كيفن عاوزني اجدع بنتي لي ذول مامعروف مستقبلو ولا عارفو عندو الامكانيه يحفظ بتي سهي دي ويعيشه عيشه كريمه ولا لا
كل القاعدين ماقدروا يقولوا حاجه لأنو منطق حاج عبد القادر كان صاح،بس في اللحظه ديك قامت حاجه سعاد ودخلت علي سهي في غرفته وقالت ليها ياسهي انتي احمد دا لما اتصل عليك ماقال ليك لقي ليهو شغل ولا كدي؟
سهي قالت ليها والله هو قال لي حصل ليهو حادث ولاقي ود ناس المغربي في ليبيا هناك وساقو من بيت العزابه وسكنو معاهو واخد منو ورقو وشهاداتو ووعدو خير
سعاد : اها ومااداك رقم تلفون نتصل عليهو ونعرف الجديد شنو؟
سهي وهي مطرقه : لا ياعمتي مااداني وقال لي انا متصل من كابينه ولما ربنا يفتحها علي واجيب موبايل حااتصل واديك رقمو
سعاد: عاد لكن كدي ماضيقتوها علينا وعليكم -ابوك حالف كان مااطمئن علي مستقبلك مع احمد مايديكي ليهو وانا عاوزه اتصل اعرف موقفو شنو عشان اقدر اناقش ابوك ، الا لكن بعد كلامك دا ماعندي وش اتكلم بيهو مع ابوك
اطرقت سهي وهي تبكي حظها العاثر بحرقه و سعاد قاعده جنبها
وفجأه رفعت سهي رأسها واخذت تردد وهي تنطط في الاوده لقيته لقيته ياعمتي
سعاد وهي مندهشه : قولي بسم الله لقيتي شنو يابت؟
سهي :لقيت الطريقه الممكن نتكلم بيها مع احمد
سعاد :طريقة شنو يابنتي؟
سهي :مش احمد قال قاعد مع ود ناس المغربي في بيتو ؟ يعني ممكن نمشي لي اهلو هنا وناخد رقم تلفونو ونتصل ونتكلم مع احمد
سعاد :اي والله فكره ياسهي ، (وهي تلبس ثوبها )اكان كدي النقوم بي سراااااااااااااااع امش عليهم اجيب الرقم وانتي هاك دي خمسين الف نزلي بيها رصيد في موبايلك والنجي نتصل علي احمد ونقطع عرق ونسيح دمو
يتبع

قرات القصيدة
باسم الفائزة

نظرت لها والقلب بها معجب
يا صاح الجمال منها ينبع
فازت بالقلب وهى فائزة
يا صاح هى فى القلب تتربع
هى فى الحسن كالشمس عن شروقها
او عند غروبها وهى تودع
ان قلت لا اجد للغة حروف
وان قالت كلمة كخطبة لها اسمع
اتعجل السؤال عنها ان غابت
وان طال الغياب به اتوجع
وان عادت التقت نظراتنا
كلاما صامتا صادقا لنا يجمع
قلت لما الحذر والخوف معا
قالت انت الامان والحذر منك انفع
حتى يكون السعد بيننا فان ذهب
فالعذر لا يفيد ولا يشفع
نظرت لوجهها وبه حبيبات
كانهن نجوم فى السماء تضئ وتلمع
نطيل النظرات حتى تسكرنا
فما ارتوى الفؤاد ولا القلب منها يشبع
فبنظرتى اقبل ثقرها
وفى جنة الصدر اجول وارتع
حتى احس بدف حنانه
وشوقى لها من هذا اجل وارفع
ما المراة لا ورود فى بستان
وما الحياة الا بستان فيه الورود تزرع
ياصاح أاليس هذا هو الغرام ؟ ام الجنون ؟
والمستحيل بيننا ما افظع
ياصاح هذا حبى ومعى المستحيل
فكيف مع المستحيل حبى يصنع ؟
........ طبقت الورقة وارجعتها الى مكانها والدموع على اعينى
ودرت لاخرج من الغرفة فسمعت صوته ينادينى
: المغربى ؟
فلتفت وانا امسح دموعى
: نعم المغربى يااحمد
ونواصل