(اولاد الذوات) الحلقة الرابعة

- يمضى خضر فى حديثه مع نفيسة بت خالتو بينما تسرخ حلوم مع خواطرها بعيدا:-
الناس كلها البرة البلد بتجى اجازات تشوف اهلها الا انت يا عصام
- نفيسة: دى حلوم يا خضر تتذكرا؟
- كيف يا تخى فى زول بنسى حلوم اخت صاحبنا عصام.... بالمناسبة يا حلوم غصام قاعد يجى اجازات ولا فى عادتو ديك
- والله يا يا خضر عصام اخوى ده ركبو شيطان اسمو الجفا وحب الاغتراب.... الله يهديهو يا خضر من البسوى فيهو ده
- تتدخل نفيسة: انتو زاتكم يا حلوم من الاول دلعتوه... عصام ما كان زول قلبو محدثو ولا زول مسؤولية
- صدقتى يا نفيسة.. هو لو زول بحس نحن ابونا ما قادرين نعمل ليهو العملية بسبب مماطلة عصام.وعدم رسيلو للقروش
- خضر: يا حلوم الناس فى الغربة ظروفا ما معروفة كيف
- ظروف شنو يا خضر ..... ظروف خمستاشر سنة؟
- لا حول ولا قوة الا بالله
( يرجع والد نفيسة وامها من المستشفى بصحبة والد حلوم وهو محمول على عربة التوم ود حليوة)
- يا نفيسة قومى ... قومى ...سوى ليك حاجة لى عمك بابكر باقى الخمد الله اتجاوز صدمتو كالمعتاد( يمازح عم بابكر) روحك طويلة خلاص يا بابكر
- روحى خلها ....حلوم جات ولا ما جات
- جات ... اهى دى يا عمى ( نفيسة فى خوف واضطراب)
- خضرك حمد لله على السلامة يا عم بابكر انت لسة مع صدمات السكرى والله لحدى الان انا عادى الف وخمسمية صدمة( ضاحكا)
- منو خضر اهلا ... اهلا .. يا ولدى حمد الله على سلامتك جيت متين؟
- جيت امس
- والله كويس( فى حزن عميق) : برضو انت اخير بتجى تشوف اهلك وبتسأل عن جيرانك موش زى العولاق داك
- يا عم بابكر عصام اياهو ولدك والدم ما ببقى موية
- لا ..لا لا ..عصام دمنا معاهو بقى اكتر من موية
- علوية فى خبث : حمد على السلامة يا خضر وكت ما بتسالم خالاتك النسالمك نحنا
- اهلا اهلا خالتى علوية والله انا انشغلت بالكلام مع عم بابكر... كيفك وكيف رشا
- كويسين والحمد لله
تدخل حلوم على والدها ويوجه حديثه اليها فى شئ من الاعتذار.......
غدا حلقة جديدة من ( اولاد الذوات)

تلفون خضر

شكرا اختى هبة ( بنت الحصاحيصا ) على الاطراء الجميل والشئ من معدنه لا يستغرب
اما يا بنى يا محمد كمال مبروك انتصاركم على ( الغزالة البرية التشادية) هو انتو لاعبين فى حديقة الدندر؟
اما اخى وليد الغشى الا اديك تلفون خضر قسم الله