مسلسل (اولاد الذوات)الحلقة العشرون

رجع الجميع من مستشفى الخرطوم بعد ان تم اجراء عملية العم بابكر
وبقى هنالك حلوم وعصام مع ابيهم وتم تخريجهم بعد اسبوع من العملية وعادوا الى القرية وتم نحر الذبائح شكرا لله سبحانه وتعالى
وتم تحديد زواج سميرة يوم الجمعة
كان الجميع مبتهجين فى حفل الحنة بتاعت خدر وسميرة والتى حضرها كل اهل القرية
وكان الشباب يتحركون لحضور الحفل من منزل ناس سميرة الى منزل ناس خدر وبالعكس
فى حفلة حنة سميرة كانت نفيسة منألقة بصورة لفتت نظر الجميع . فنفيسة وبشهادة جميع اهل الحى حازت على المرتبة الاولى فى الحسن والجمال
الا ان شقاوة السنين اخفت ذلك الجمال ردحا من الزمن
- والله يا نفيسة يا بتى خرتى صاحباتك كلهن حتى العروس( علوية)
- شكرا يا خالتى علوية
- عصام: احم احم.. احم
- حلوم: ارحكم نرقص يا جماعة
- عصام : امشن اتن نحن الرقيص نسيناهو زمان... الغربة ما خلت لينا حاجة
- نفيسة ك قوم يا اخى خلى الدلع بتاعك ده
- هو فنانكم ده بقول فى شنو غناهو ده انا ما فرزتو
- ده غنا الايام دى...
- والله يا حليل غنا زمان
- عليك الله يا حلوم عاينى خديجة بت روضة الرقيص البتسوى فيهو
- ده ما جيل الايام دى يا نفيسة .... الصيوان كلو يرقص وراجع ورا... ورا
كانت سميرة تستمع الهم وهى تضحك
- اتو ما شفتو امى ترقص مع عم بابكر
- والله انا خالتى علوية دى الليلة اول مرة اشوفا ترقص( حلوم)
- علوية: يا بت هى انتى قايلانا كوامر قديمة والله انحنا اهل الغنا والرقيص... ونحن ناس السيرة واهل السيرة... من يومنا سايرين
يضحك الجميع
تنهى الحفلة ويبدأ الجميع فى التحضير لى عيزموة الفطور
تم ضبح التور
وبدأ الطباخ فى التجهيز
بينما نام الصبية الصغار استعدادا للحفلة الكبيرة
فى منزل ناس خدر كان الجميع مبتهجين
كان عصام وفوزى يشاركون صاحبهم خدر الفرحة ثم يعودون الى منزل اهل العروس ... ثم يعودون الى منزل صاحبهم خدر
وهكذا....
حتى الباقر شارك الجميع فرحتهم
وقام بذبح التور فى منزل اهل العروس واهل العريس
جلست البنات مع سمير يتسامرن ويضحكن ويتذكرن ما حدث فى حفلة الحنة
بينما جلس عصام وفوزى فى منزل ناس خدر وهم يتسامرون مع صاحبهم العريس خدر
- يا خدر كلمت مولانا يجى يتغدى معانا بكرة
- كيف يا خى مولانا بتنسى كمان
- اوعى تكون نسيت زول انت ما عزمتو يا خدر
- يا جماعة انتو كروت الدعوة دى موش كتبتوها بنفسكم... اوعى تكونو نسيتو زول
- ما فى اى زول نسيناهو يا خدر
- الحمد لله.. بعد ده النوم
- تصبح علىة خير يا خدر
ذهب فوزى الى منزلهم وكذلك خدر بعد ان قاموا بتحضير كل شئ لعيزومة الغداء
وفى الطريق عرج عصام الى منزل ناس علوية ليأخذ اخته حلوم الى المنزل
- يا حلوم يلا عشان بكرة نجى بدرى
- نفيسة: ما تقعدوا شوية يا عصام
- تعبانين يا نفيسة من رقاد المستشفى ... وما تنسى بكرة ح نكون موزعين بين ناس سميرة وناس خدر
- صحى والله... سميرة هوى ودعناكم الله
- خلاس يا بنات .. بكرة بدرى عشان تودنى الكوفير
- سمح
ذهب عصام ونفيسة وحلوم الى منازلهم ليرتاحو حتى صباح الجمعة للاحتفال بالزواج.....
زواج خدر ونفيسة
غدا حلقة جديدة من ( اولاد الذوات)

(هبه) بت الحصاحيصا كتب:

هنويه ... كلمي سميره دي قولي ليها احسن تجينا
عشان نوديها كوفير سمح
باقي كوفيرات الحله دي ما سمحات
ببشتننها ساي
ماشفتي خديجه بت الرضيه كانت منكوشه كيفن في الحفله ؟؟؟ وكمان تتراقص
الحاله قالت جات من الكوفير
هههههههههههههههههههههههههههههههه

هبوية يا عسل والله ضحكتيني جنس ضحك

بحكاية خديجة بت الرضية دي ...........

خلاص خليها تجينا نوديها لبت حمدتو دي قالو اسمها منو (ما بعرف غايتو الكويسة فيهن منو اتقول قالو سهير بت حمدتو أخير من هند أختها )

لازم تجينا بدري عشان نحنا زاتنا نلقي وقت عشان نجهز مع العروس ..........................ولا شنو