مسلسل ( اولاد الذوات ) الحلقة الرابعة عشر

كان الحديث طويلا بين خدر ونفيسة:-
- زمن يا نفيسة.... مشتاق ليك كتييييير والله يا بت
- وهو المشتاق بطول كده يا خدر؟
- يا بت الناس انا طولت كتييييير عشان منو .... ما عشانك انتى
- تقصد شنو يا خدر
- اقصد انو انا جاى لى حاجتين بس اعملن
- وديل شنو الحاجتين ديل
- عملية ابوى.... والعرس من نفوسة
- اول حاجة تعملا هى انك تعمل لى عم بابكر العملية .... وبعدين الزواج
- اصيلة يا نفيسة... طول عمرك بتفكرى فى التانين.... وانتى ما هامة لى روحك
- والله انا فرحانة بى جيتك عشان تجى تعمل لى عم بابكر العملية... حلوم دى تعبت كتيييير .... واتحملت فى غيابك الكتير
- حلوم ما قصرت... دى بت بى الف راجل..... وربنا يقدرنى على جزاها
- جزاها انك تلزما بيتا
- كيف يعنى
- يعنى تقيف معاها لامن يجيها ود الحلال
- وانتى يا نفيسة عارفة ليك ود حلال.... داير حلوم
- ايوة
- ده منو
- خليهو هسة بعدين برجع ليك وبكلمك بيهو.... النقوم اشوف البنات ديل مشن وين
- البنات ملحوقات كدى اقعدى شوية.... انا لى عشرة سنة ما شفتك.... بقيتى قاسية كده مالك..... زمان كنتى بتقعدى معاى تحت ضل شجرة البحر بالساعات
- ابدا يا عصام ... اولا ناس بيتكم مشتاقين ليك ودايرين اعرفو البيك والعليك والايام رااااقدة
تذهب نفيسة وتترك عصام لوحده فى الاوضة
- يا ولد .....عصام تعال لى بى جاى
- حاضر يا ابوى
- اها يا ولدى .... خبرك شنو... وانت كيف عامل... فهمنى الحاصل
- والله يا ابوى انا جيت عشان اعمل ليك العملية... ووووو
- ووو شنو تانى ... بتمتم مالك فى الكلام
- واعرس
- كويس العرس ده خطوة جميلة منك... اها بدور منو فى البنات( يضحك)
- يعنى يا ابوى انتا ما عارف البت منو... والله يا حاج عندك جنس حركات
- ابدا ... اصلوا انتو اولاد اليومين ديل ما عندكم ضمان... انا قلت امكن الغربة غيرت رايك
- ( بى زعل) انا.... انا .. اغير راى فى نفيسة.... والله لو الدنيا دى كلها غيرت رايا انا ما اغير راى ... نفيسة يا ابوى بت اصيلة... انتظرتنى عشرة سنة.... رفضت اى زول اتقدم ليها... عشان منو؟.... ما عشانى انا
- والله كويس يا ولدى يا عصام... اها نمشى نحدد مواعيدنا مع حاج الامين ابوها؟
- ايوة.... واقول ليك كلام يا ابوى.... لو هسة دى دايرنى امشى معاك نطلبا رسمى انا ما عندى مانع
- عديلة يا ولدى ... يا حلوم... حلوم
- ايوة يا ابوى
- تعالى احضرينا انا واخوك
- مالكم يا ابوى ان شاء الله خير
- خير وزين... دايرين بكرة نمشى بيت ناس صاحيتك
- منو فيهن ( تضحك لانها عارفة اى شئ)
- منو يعنى ح تكون ... ما تستهبلى على يا بت
- والله ما بستهبل عليك يا ابوى
- نفيسة...ماشين نطلبا رسمى لى عصام من ابوها حاج الامين
- كويس والله .... والبت ذاتا ما عندها مانع .... وكمان يا عصام انا بفتكر انو لازم تعرس نفيسة فى اسرع وكت ...
- لييه فى اسرع وكت
- يا اخى انت ما بتحس ولا ما بتشعر.... البت منتظراك عشرة سنين... ابت عشانك اى زول
- صدقتى يا حلوم
- خلاس انا بمشى احدثا هسة دى واقول ليها بكرة جايينكم فى البيت
- لا.. خليها نعملا ليها مفاجأة... وخشمك الخفيف ده ابقى عليهو عشرة
تخرج حلوم وتلتقى بصاحباتا فى الاوضة التانية
- ابوك ناداك لى شنو يا حلوم ( سميرة)
- ااااا......اااااااا.
- يا بت ما تنضمى
- ابدا كنا بنتناقش عن عملية ابوى
- واخوك ما قال حاجة فى زواجو من نفيسة
- نفيسة: هووووى يا سميرة... انا شكيت ليك ولا بكيت ليك
- يا بت انتى هبيلة... انا دايرة مصلحتك... عصام لازم اتزوجك قبل ما يرجع تانى
- وليه قبل ما يرجع تانى
- والله لو رجع تانى الا تعرسى بعد عشرة سنة تانى
- رضيااااااااانة انتى مالك ومالى
- حلوم: هووووى يا سميرة انتى اصلك ما بتقولى ليك كلمة حلوة... اها انا بكلمكن باى شى
-عصام: باى شئ شنو يا حلوم
- حلوم: عصام؟
غدا حلقة جديدة من : ( اولاد الذوات)

اخيراااااااااااااااااااااااااا
دي دايرة ليها كرامة

يا عم راشد شكلو شمارات تقيلة

لكن يا عم راشد انت عجزت ولا شنو

والله انا بدايةالقصة قلتا يا ربي خدر ده غير رايه وبقي داير نفيسة ولا شنو

هي يا عم راشد تاني المسلسل دي دايرنها بالنهار عشان ما تنعس لينا

المسلسل اصلو قاعد اكتبو بالنهار الا تحصل ظروف طارئة
شدن حيلكن معاى يا بنات انا والله نعست اكتر منكن
الحلقات الجاية مسخنة شدييييييييد نا تفوتكن