مسلسل ( اولاد الذوات ) الحلقة العاشرة

ينزل من العربة فوزى ود بتول
ويسلم على البنات
- اهلا.... فوزى
- ازيكن يا بنات ... كيفكن وكيف اهلكن... ان شاء الله كويسين
- كويسين والحمد لله... اتفضل
- شكرا ... يل دوب انا وصلت من الخرطوم ..... لكن بجيكم كلكم
يذهب فوزى الذى كان مغتربا فى امريكا وغاب عن الحلة عشرون عاما
- نفيسة: بالله شفتن اتغير كيفن
- يا بتى دى امريكا... امريكا
- والله لاكين.... زمن يا فوزى
- زمن ساى وبس.... تتذكرى لامن بجى لى عصام اخوك ويديهو قمصانو وبناطلينو عشان يحضر الحفلة
- سميرة هوى ... الله بدى الجنة ... خلى قلت ادبك دى... الزول يغنى ما تريحوهو... يفقر ما يريحوه
- حلوم : كدى خشن عليكن الله خلنا نشوف الحاصل شنو فى حلقة الليلة
(ان دهشة البنات كانت تسيطر عليهن كلهن
لان فوزى عندما خرج من القرية لم يحدث احدا بخروجه الا امه
وكان اهل القرية كلما سألو امه عن مكانه كانت ترد عليهم بأنها لا تدر مكانه حتى ظن اهل القرية ان فوزى طفش من الحلة)
- افتحى التلفزيون يا حلوم .... انا ماشة اسوى ليكن شاى
- خلى نفيسة هى التعمل الشاى عشان اتى شاييك مسيييييييخ
- والله انا شاهينى لا مسيخ لا شتين
- نفيسة: والله شاهيك طااااااااعم( تضحك)
- انا احسن منكن الاتنين فى عمل الشاى... اتن بتعرفن تسون شنو؟
- اتى خالتى علوية وين الليلة
- قالت ماشة تحمدل السلامة لى ام فوزى
- وهى بتين عرفت انو فوزى جا
- من امس سامعاها تبرطم فى الكلام ساى وتقول...( بختك يا بتول... شحدتى ... والله اداك) ولامن سألتها فى شنو يمة نهرتنى وابت تورينى
- حلوم غايتو امك دى اخطر من الجزيرة القطرية.... خبرا عااااااجل
- هوى يا حلوم اوعك
- نفيسة: اتن ما لاحظتن حاجة فى فوزى؟
- لاحظتى شنو؟
- لاحظتى انو فى طفل صغير راكب معاهو
- برى برى ما شفناهو .... عربيتو مظللة... انتى شفتى ولد سغير جوة العربية
- ااااى شفتو لامن قام على حيلو وعاين لينا بى القزاز
- اتى يا عيون زى البومة اى شئ بتشوفيهو
- يكون ده ولدو؟
- لاكن ما سمعنا انو عرس
- تسمعى كيف وهو فى امريكا ليهو عشرين سنة... افتحى التلفزيون ده ... وبكرة اى شى بنعرفوا
- وليه بكرة... ما هسة امك بتجى ... وبتوافينا بى اخر الانباء( تضحك)
فى منزل بتول كانت الزغاريد عالية احتفالا بى عودة فوزى
- علوية : حمد لله على السلامة يا فوزى يا ولدى
- الله يسلمك يا خالتى علوية..... يمة ... يمة تعالى شوفى انا جبت ليك شنو؟
- هى يا ولدى انا ما دايرة غير شوفتك ... بركة يا ولدى الجيتنى طيب وشديد
علوية تبحلق فى الشنط وتقلب فى الحاجات : ( يا يمة جيب السرور والضرور)
- دحين يا فوزى اتا ده ولدك
- ايوة ده ولدى عاطف .... سلم على خالتك ...يا ولد
- who? my aunt?
- اجى... اجى ... اتا يا فوزى ولدك ما بعرف عربى
- بعرف لاكين حبة حبة
- بكرة يردح مع شفع الحلة يعلموهو ليك النضمى بى صحو
فى منزل خالة علوية انتهت البنات من مشاهدة المسلسل ويذهبن الى منزل ناس حلوم
- ابوى فى زول جانا هنا
- لا يا حلوم لاكين سمعت لى زغاريد فى شنو
- ده فوزى جا من امريكا
- فوزى ود بتول
- ااااى فوزى ود بتول
- والله زمن يا فوزى .... الولد ده من متين غايب.... سبحان الله كان صاحب عصام اخوك شديد وهم الاتنين من ما مرقو من الحلة ما جو... والليلة ح يتلمو الاتنين سوا فى الحلة بعد ايام قليلة
- السلام عليكم
- وعليكن والسلام اهلا يا فوزى
- ازيك يا عم بابكر
- اهلا يا فوزى يا ولدى
- كيف حالك ... ان شاء الله كويس
- كويسين يا ولدى ... الا الكبر ما خلانا ...
- الله يديك العافية... انا جيت الليلة
- كلمنى بناتى ديل هسة
- وعصام بجى متين يا عم بابكر
- جاى بعد اسبوع... قبل الضحية بى يومين تلاتة
- ربنا يجيبو بى السلامة
- يا حلوم امشى اعمل ليك ليمون لى فوزى
- لا ... لا شكرا ... انا اصلى ماشى ازور الناس... مشتاق ليه مكتير
- عشرين سنة ما ساهلة يا ولدى... الحلة اتغيرت كتير
- والله زمن يا حلتنا... بنيان فاخر... وديقتلات... وانترنت
- كيف دى ما العولمة
-ودعتك الله ... بجيك يا عم بابكر واتونس معاك ونسة طويييييلة
غدا حلقة جديدة من مسلسل ( اولاد الذوات)
ملحوظة خاصة لى بناتى هنوية وهبوية:-
يتوقف المسلسل عن البث ايام السبت والاح والثنين والثلاثاء عشان انا شغال فى الانتخابات على ان يعاودكم ان شاء الله بالاربعاء
ودعتكن الله يا بناتى
خلن بالكن من نفسكن كويس
واتى يا هبوية زورى اختك هنوية
واتى يا هبوية ويا هنوية ما تتشاكلن اقعدن رايقات لامن عمكن يجى يكى ليكن باقى المسلسل يوم الاربعاء

والله يا هبة جد مشكلة كبيرة لغاية الاربعاء بعيدة خالص

والله شرفتينا يارؤى كتير مع اخواتك ناس هنوية وهبة
انا شفقان اكتر منكن
رسلن لى معاكن شاى وغدا

والله يا الطيب انت الرائع الاسلوب والاخلاق والصفات النبيلة الجميلة
وانتماؤك لاسرة عريقة هو ما يبعثك على التحلى بهذه الصفات التى تربيت عليها
كم انت راقى يا الطيب
واسمك اسم على مسمى( الطيب.. الزول الطيب)
تحياتى لك الى نلتقى يوم الاربعاء
ولو رسلت لى عمك عامود كارب بتاع غدا تكون ما قصرت
بناتى ديل عملن ميتات من قلت ليهن جيبن لى غداء وشاى فى مركز الاقتراع

يا استاذ بالجد بعيدة الاربعا انا من المتابعين والمتشوقين
اتمنى تشوف لينا حل
الانتظار صعب

هي يا هبوية عم راشد ده ما بااالغ اسي نحنا نستنا لمتين والله الأربعاء بعيدة شديد

لكن ما مشكلة الليلة تعالي لي نمشي نحضر لينا فيلم كااااارب واحكي ليك

عندي ليك جنس شماااارات اسكتي سااااااي

لكن عارفة يا هبوية شايييك ظابط ظبطة

احلي من شاااي نفيسة

هوي يا هنوية انا معاكم ما تنسيني
بس ظبطو الشاي

رؤى شعيب جبريل كتب:

هوي يا هنوية انا معاكم ما تنسيني
بس ظبطو الشاي

رؤى شمارات اقعدى انت وهنوية براو لي هبة دي لمن تقلبكم هلالاب

محمدكمال السر كتب:

رؤى شعيب جبريل كتب:

هوي يا هنوية انا معاكم ما تنسيني
بس ظبطو الشاي

رؤى شمارات اقعدى انت وهنوية براو لي هبة دي لمن تقلبكم هلالاب

انا برضو شمارات ياخلف الله بعدين احنا مريخاب اصليين

انا فوزى ده ما عرفتو
الغريبة كل زملائى الدرسوا معاى فى سابعة وتامنة مذكر اسمائهم

الاخوة الاعزاء عدنا اليكم بعد الغياب
غدا ان شاء الله حلقة جديدة من اولاد الوات
ومعررة مرة اخرى للغياب الطويل
وكل عام وانتم بخير
جيبى معاك الشاى يا هبة
وانت يا رؤى جيبى لى عمك راشد كيك وباسطة
اما هنوية تجيب معاها عصير كارب
والطيب يجيب لى معاهو سمك وجداد
اما وليد العشى ده خلى يجيب لينا معاهو كوارع
اما ولدى محمد كمال كلموه يعزم لى خالى كاربونى وولدو وكمان بتو البقت تتقعد فى المقصورة
غايتو اول مرة اشوف لى مدرب بجيب معاهو العيلة كلها عشان يدربو ليهم فريق
عليك الله يا هبة شفتى ليك كلام زى جنس ده
اطرشنا يا بت امى
اكرر اى زول قلت ليهو يجيب معاهو حاجة يجيبا ولا تانى ما بكتب
انا الانتخابات هدت حيلى يا بناتى
وداير اعمل لياقة عشان اقدر اتم ليكم المسلسل
وانتظرنى بكرة يا بناتى ويا اخوانى