مسلسل( اولاد الذوات) الحلقة الحادية عشر

فى منزل ناس خالتى علوية كان الجميع مشغولين باعداد الفطور للضيوف الين حضروا مبكرا ( خضر وامه النعوم)
وتزينت البنات نفيسة وسميرة وحلوم بكل الكريمات المغروفة وغير المعروفة
- والله يا سميرة بقيتى تشبهى نانسى بت عمك عجرم( حلوم بضحك)
- هه هاااااى .... انا فاضية ليها والله كان ما شقاوة دنيا ساكت انا اسمح منها ومن هيفا بت خالك وهبى( تضحك)
- نفيسة: اصبرى يا سميرة اتى صحى نانسى عجرم جابت ليها بت
- ايوة وسمتا الرضية( تضحك)
- علوية : يا بنات تعالن شيلن الفطور لى خدر وامه
- حااااضر
- يتناول الجميع الافطار والشاى وينفرد خدر بسميرة ويتحدثان لوحدهما حديثا طوييييييل
- خلاص يا خدر ربنا يقدم الفيهو الخير
- ان شاء الله يا سميرة واوعدك اكون ليك احسن زوج واحسن شريك
وبعد ذلك يتحدث خدر الى امه طالبا منها ان تخطب سميرة من امها علوية رسميا
- شوفى علوية يا اختى....... نحن الليلة جينا طالبين سميرة لى ولدى خدر
- غلوية : والله يا النعوم يا اختى انا من زمان خدر ده عاداهو زى ولدى ..... واحسن منو سميرة بتى ما بتلقى.... بس عندنا شورة الاهل وبعداك بنرد ليك الرد النهائ
- اخدى راحتك حبيبتى انا..... نحن ما شفقانين
- خير يا بت امى
- خير
ينصرف خضر وامه النعوم
زعاريد شديدة من نفيسة وحلوم وسميرة تساكك فيهن بالحوش وتطالبهن بعدم الزغاريد
- اتن جنيتن يا بنات... عاوزين خدر وامه يقول نحن خفيفين ولفيفين
- يا بت يا سميرة نحن والله فرحانين ليك
- خلاس يعنى انا بايرة لى عشرة سنين
- العفو يا سميرة نحن ما قصدنا كده
- ده كلام شنو ده يا بتى يا سميرة .... خياتك ديل فرحانين بيك.... تقومى تحرجيهم بى كلامك ده
- انا ما قاصدة احرجكن يا بنات ... لكن.... لكن...
- لكن شنو يا سميرة
-.........................................................................................
- يا بت قولى مبروك وخلى الامور لله
- طيب انا هسة قلت لا
- نفيسة: خدر كان بقول ليك فى شنو؟
- ابدا ... كان بيحكى لى عن امكانياتو.... وطبيعة عملو.... وحاجات تانية.....
- حاجات تانية حاميانى( تضحك كل البنات)
غدا حلقة جديدة من مسلسل ( اولاد الذوات)

ايوووووووووووووووووووووووووي

والله يا سميرة يا ختي خدر ده ما بتعيب

كدي امشي استخيري وشوفي الحاصل شنو

باقي الزمن ده الواحده كان جاها عريس تفكر سمح

قبل ما ترفض عشان يا ختي البورة حاااااصلة


(اها يا عم راشد البنات ديل ما يوسوسن لسميرة ده تقوم ترفض خدر ده )

والله يا بتى يا هنوية ربنا يفك بورة اى واحدة فى السودان والوطن العربى
ويديها ود الحلال
وما تخافى من صاحبات سميرة
لكن خافى من غرور سميرة واعجابا بى روحا
وكل بورة وانتم بخير

انشاءالله يا هناية جمعا ......

وموضوع الفساتين ده يا هبوية خلي علي

في محل رهيب في العمارات فيه فساتين لقطة

خلي بعد العرس يقرب عشان موضة الفستان ما تنتهي

بري يا ختي خلينا نلبس مع الموضة ..................

غايتو يا بناتى ما بسألكن
تجيبن لى روحكن فساتين وتنسن عمكن العمل العرس
اها انا بشوف لى جلابية احضر بيها العقد
والحفلة ما بحضرا ... كبرنا يا بناتى على الكلام ده
واتن هججن ساااااى
عقبال ما نجيكن فى افراحكن
اكان ما تقومن تنسنى