مسلسل ( اولاد الذوات ) الحلقة السابعةعشر

- فى شنو يا فوزى
- اسمع يا خدر ... انا وانت وعصام اصحاب واخوان من زمن بعيد.... ولو انت بتفتكر انو الغربة غيرتنا .. فنحن زى ما نحنا.... عرسك ده تأجلوا ... انت داير الناس يقولوا عليك شنو... ما عندو دم... وما بقدر ظروف صاحبو؟
- والله يا فوزى انا زاتى واقع فى حيرة شديدة... انت عارف انو انا تأشيرتى باقى فيها اسبوعين... وداير ارجع عشان ما افقد الوظيفة هناك.... بس ح احاول اتصل عليهم هناك يمددوا لى شوية
- ايوة حاول ولازم تحاول بأى طريقة اعملوا ليك تمديد
- خير يا فوزى ... خير
يخرج فوزى ويذهب الى عصام:-
- اها يا عصام انت العملية بتاعت عمى بابكر الدكتور حدد تاريخ معين
- ايوة ... قال بعملا فى الاسبوع الجاى... وح نتحرك بكرة للخرطوم عشان فى فحوصات وتحضيرات للعملية
- طيب يا عصام .. انا قلت لى خدر انو يأجل الزواج بتاعو من سميرة عشان عملية عمى بابكر
- ليه.. ليه يا فوزى يا اخوى... انا وخدر اخوان ومافى اى لوم عليهو
يدخل خدر:-
- والله يا عصام انا مهموم لى عملية عمى بابكر اكتر منك .. هو زى ابوى واكتر... لاكين يا عصام انت عارف معنى انك تتأخر وتأشيرتك مواعيدا تنتهى
- انا عارف ده كلو يا خدر يا اخوى... شوف يا خدر زواجك ده ما تأخرو ولا دقيقة.... نحن اخوان
- فوزى: شوف يا عصام انا عارف خدر متألم جدا ان يعرس فى ظروف زى دى .. لاكين انا قلت ليهو اتصل بى جماعتو هناك ويطلب تمديد
- يا خى ما بتستاهل خلى الراجل يعرس وانا وخدر واحد
- والله واكتر يا عصام ... وانا زى ما قال ليك فوزى ح احاول اتصل بجماعتى هناك عشان يمددو لى شوية
يذهب الجميع الى البحر ليتسامروا هنالك
- حلوم
- ايوة يا نفيسة
- ارحكى لى سميرة نشوفا عملت شنو مع امها
- امشى اتى عشان سميرة ما تدخل فى حرج
- ليه؟
- امكن خالتى علوية تكون رفضت تأجل الزواج ... وتقوم سميرة تكون محرجة منى
- يا بت مافى احراج بين الاخوات... ارحكى ... ارح
فى منزل ناس سميرة:-
- اها يا سميرة امك قالت شنو؟
- قالت ما عندها اى مانع تأجل الزواج ... بس ما دايرة تقول الكلام ده هى لى اهل خدر لما يجونا بعدين لتحديد المواعيد... قالت احسن يجى منهم هم
- طيب كويس ... هى هسة وينا
- مع خالتى النعوم بى هناك
- يا خالتى علوية ازيك
- اهلا يا بتى يا نفيسة
- طبعا انتى سميرة كلمتك بتأجيل الزواج
- ااااى ... وانا يا بتى يا نفيسة مرة بفهم فى الاصول... اصلو ما ممكن انا اعمل لى عرس وحاج بابكر راقد بين الحياة والموت.... يا بتى يا نفيسة انا وام حلوم كنا اخوات واكتر... اكلنا الملح والملاح مع بعض
- الله يديك العافية يا خالة( تبكى نفيسة)
- ليه...ليه...ليه .. يا بتى يا نفيسة كده.. والله انا خالتك علوية دى اصلو ما عندى اى مانع ... بس انا دايرة الكلام ده يجى من خدر واهلو... ومتيمنة ومتنضرة يا بتى يا نفيسة لو ما اجلوهو هم اكان ااجلو انا
وفى العصر كانت العربة تحمل اهل خدر
ماشين وين؟
ده سؤال ده .. ما سايرين لى فتح الخشم... خشم علوية ام سميرة
وكانت الزغاريد فى السما ... زغاريد تجيب الطاش...
وصوت الدلوكة... ربرررب رب رب
والبنات جوة الحافلة كانن برددن فى اغنية تراثية مشهورة:-
الليلة ساير لى بت القبايل العديلة لى
وده اليوم الدايرنو ليك يا خدر مبروك عليك
امك سوت قدرتا
والعزاها عز قبيلتا
وكانت شيلة خدر تتوسط النسوان فى الحافلة
اما شيلة الاكل فقد تم شحنها فى بوكس ( العيدروس) ود بت بخيت
وجلس الجميع داخل منزل ناس سميرة
وسط الزغاريد
وتناول الجميع الحاجة الباردة
واستعدوا للكلام وتحديد المواعيد........................................................................
......................................................................................................
غدا حلقة جديدة من مسلسل( اولاد الذوات)
يا ربى البحصل شنو يا هنوية ويا هبوية؟

يا هبوية شكلو كده العرس اتأجل

ولا شنو يا عم راشد احسن ما نستعجل

علي الأقل نحنا يا هبوية نظبط إمورنا

والله يا هبوية يا بنتى اول قزازة بارد ودوها للعيدروس ود بخيت
ويا بنتى يا هنوية ظبطى امورك كويس وما تتأخرى وتأخرى معاك هبوية