مسلسل( اولاد الذوات) الحلقة الثانية والعشرون

-يا نفيسة ادينى المشط والفرشة ديل
- هاك والله جننتينى عديل يا حلوم يا خى
- هسة بيكون خدر مشى لى سميرة فى الكوافير
- اكيد انتى قايلة الساعة كم
- كم ؟
- تسع يعنى مفروض تكون الحفلة بدت
- الحفلة لسة ما بدت
- لاكين عصام وفوزى اتأخروا وهم ح يجيبوا الفنانين
- كدى امرقاكى
- يلا
ذهبت البنات الى منزل ناس سميرة ووجدن كل البنات يتأهبن للحفل
- علوية: يا بناتى ما تجن تضايرن لى العدة دى قبال تمرقن على حفلتكن
- كويس يا خالتى علوية
وبدأت الحفلة
وغنى الفنان غناء جميلا
وابتهج الحاضرون
وكانت الساحة مليئة بالرجال والنساء
والشباب
والشابات
و..ووو....ووو
و..وو... شنو؟
ووصل العروسان لمكان الحفل
وعزفت الفرقة الموسيقية الزفة
وسالت الدموع هنا وهناك
دموع الفرح
وقلدت علوية ابنتها سميرة وانسكبت دمعاتها على زفاف ابنتها
وبكى فوزى وخدر وعصام وهم يتعانقون كخير ما يكون الاصحاب والاخوان والاصدقاء
ابتهج الجميع بالحفل
وجلس العروسان على ( الكوشة)
وهرع الجميع لتهنئتهم
مبروك.... الله يبارك فيك... مبروك.... الله يبارك فيك..... مبروك....الله يبارك فيك
زحمة مهنئين
وعندما جاءت حلوم ونفيسة لتهنئة العروسين احتضنتهم سميرة وبكت بكاء حار ابكى صديقتيها الحميمتان
كانت دموع سميرة دموع فرحة وعرفان لوفاء حلوم ونفيسة
وكانت دموع حلوم ونفيسة دموع فرحة وبهجة بزواج اختهك سميرة
انتهى الحفل
وتوجه الجميع الى منازلهم
وبقى خدر وسميرة بداخل الصيوان
ومعهما عصام وفوزى
ونفيسة وحلوم
- عقبالكن يا بنات
- اميين يا خدر
- عقبالكم يا عصام وفوزى
- ان شاء الله يا خدر
- اها يا خدر يا اخوى نحن بنمشى عشان ترتاحو لى سفر بكرة لى شهر العسل
- ما تقعدوا شوية يا جماعة
- ده يومكم انتو يا سميرة ( يضحك الجميع)
وفى الصباح توجه خدر وسميرة الى مدينة كسلا لقضاء شهر العسل
وكان خدر فرحا لانه تمت الموافقة لهع على تمديد تأشيرته الى شهر كامل مما جعله يقضى اجمل ايامه بصحبة:-
حبيبته
وشريكة مشواره الجديد
سميرة
غدا الحلقة الاخيرة من ( اولاد الذوات)

كويس جدا يا ولدى يا محمد
بكرة الحلقة الاخيرة
وح نبدأ الجزء التانى على طول من المسلسل

مبرووووووووووووووووك

اها يا عم راشد باكر ما تأخر لينا الحلقة الأخيرة

بنستناك من الصباااح